Emakumeak borrokan

Mikel Antza euskal preso eta idazlea libre geratu da Madrilera iritsi ostean

  • Mikel Albisu euskal preso eta idazlea –Mikel Antza izenez sinatzen ditu literatur lanak– joan den larunbatean irten zen Frantziako Estatuko Reauko kartzelatik, baina atxikitze zentro batean eduki dute asteartera arte.

ARGIA @argia
2019ko urtarrilaren 23a
Mikel Antza (eskuinetik bigarrena) libre geratu ostean.

2004an atxilotu zuten Albisu, ETAren buruzagi izatea leporatuta. Frantziako Estatuan ezarri zioten kondena beteta, Parisko atxikitze zentro batean sartu zuten. Gero Espainiara eraman zuten eta asteartean geratu da aske.

14 urte baino gehiago egin ditu Albisuk kartzelan eta denbora horretan Euskal Preso Politikoen Kolektiboko (EPPK) bozeramaile izan da –besteak beste, ARGIAri elkarrizketa hau eskaini zion bitarte horretan: "Gure marra gorriak dira engaiatu ginen borrokari bizkar ematea, damutzea eta salaketa"–.

1985ean alde egin zuen klandestinitatera Albisuk, artean Martuteneko (Donostia) kartzelan preso zeuden Joseba Sarrionandia eta Iñaki Pikabearen ihesaldian lagundu ostean.

1990eko hamarkadatik aurrera, iturri polizialek ETAren buruzagitzan kokatu zuten.

Ihes egin aurretik, Albisu ezaguna zen kulturaren arloan egiten zuen lanarengatik: ARGIAn kolaboratzen zuen, Susa aldizkariko kide zen eta idazle gisa argitaratuak zituen Suzko gezi bat bezala eta Lehen bilduma 82-84 narrazio-lanak, baita Beterriko balnearioko mirakulua antzerki-lana ere.

Ondoren argitaratu zuen Odolaren usaina eta denbora luzez literatur lanik argitaratu gabe egon ostean, 2010eko Ospitalekoak eleberriarekin itzuli zen. Gerora, zeresana eman dute argitaratu dituen testuek: 2012ko Atzerri nobelan, sasian zegoen bitartean bizi izandakoak fikzionatu zituen –"Hizkiz hizki porlana zulatzeko grinak eraman ninduen idaztera", azaldu zion Xabier Montoiari 2013an argitaratu genuen elkarrizketa honetan–.

Ametsak ere zain poema liburua da argitaratu duen azken liburua.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Euskal preso politikoak  |  ETA  |  Euskal literatura

Euskal preso politikoak kanaletik interesatuko zaizu...
2019-04-17 | ARGIA
EPPK-k "beharrezkoak diren ekarpenak" egiten segituko duela berretsi du

EPPK-k  agiri berria plazaratu du Preso Politikoen Nazioarteko Egunean. Egoera “gordina” dela adierazi du, baina ez duela “atzera” eginen erran du ere.


2019-04-12 | ARGIA
Espetxean 30 urte daramatzaten lau euskal preso politikorekiko elkartasun ekimenak antolatu dituzte

Jakes Esnal, Frederic Haranburu eta Unai Parot eta Jon Parot anaiak presoekiko elkartasun ekintza izanen da apirilaren 13an, Baiona eta Donibane Lohizune artean. Lau euskal preso politiko horiek 30 urte eman dituzte presondegian.


2019-04-12 | ARGIA
Ciudadanos alderdiaren egoitzan pintadak egiteagatik hiru lagun atxilotuta Iru˝ean

Hiru pertsona atxilotu ditu Espainiako Polizia Nazionalak Iruñean ostegunean. Orain dela hiru aste Ciudadanos alderdiaren egoitzan pintadak egitea leporatuta eraman dituzte epaitegira. Epaileak aske utzi ditu behin-behinean, mehatxu terroristak egitearen akusaziopean.  


2019-04-11 | ARGIA
Sare: "Giza eskubideen alde eginiko lanagatik izango dira epaituak"

Herrira auziaren epaiketa egunaren berri jakin ostean Sare Herritarrak oharra kaleratu du auziaren inguruko balorazioa egiteko. Euskal preso, iheslari eta deportatuen eskubideen aldeko mugimenduarentzat "sufrimenduarekin amaitzeko onartezina" da halako auziek oraindik aurrera jarraitzea.


2019-04-11 | ARGIA
Irailaren 16an hasiko da Herrira, Jaiki Adi, Etxerat, Bitartekariak eta euskal presoen abokatuen aurkako epaiketa

Herrira, Jaiki Adi, Etxerat, Bitartekariak eta euskal preso politikoen abokatuen aurkako 11/13 sumarioko epaiketa irailaren 16an hasiko dela jakinarazi dute. Epaiketa Espainiako Auzitegi Nazionalean izango da eta gutxienez hiru hilabetez luzatuko da.


2019-04-08 | Ahotsa.info
Etxerat
"Espainiako Gobernuak Zaballara ekarri behar ditu preso guztiak, azkar eta arduraz egin dezala eskatzen diogu"

Etxerat elkartearen 18. Batzar Nazionala ospatu dute igandean Gasteizen. Salbuespenezko espetxe politiken desaktibazioa lortzea izango dela euren lanaren ardatz nagusia datozen hilabeteetan. Horretarako, informazioa, testigantza eta salaketa erabiliko dituzte tresna gisa, urrunketari eta preso gaixoek pairatzen duten muturreko egoerari lehentasuna emanez.


2019-04-08 | ARGIA
Espetxetik irten da Ekaitz Ezkerra, Donostiako herri harresiko azken presoa

Igandean, apirilak 7, espetxetik irten da Ekaitz Ezkerra preso politiko donostiarra, sei urteko espetxe zigorra bete ostean. 2013ko apirilaren 30ean atxilotu zuten Ezkerra, Donostiako Askegunean, Segiko kide izatea leporatuta. Orduan atxilotu eta espetxeratutakoetatik Ezkerra izan da irteten azkena.


2019-04-05 | ARGIA
David Pla aske utziko dute, haren kontrako euroaginduaz erabakia hartu bitartean

David Pla aske utziko dutela jakin berri da. Iragan otsailean Epaitegi Korrekzionalak bost urteko zigorra ezarri zion David Plari. Alabaina, apirila amaitu baino lehen Osnyko espetxea utziko duela aditzera eman du haren abokatuak. Edonola ere, zigorra beteta izan arren, Espainiak indarrean jarritako 2011ko euroaginduaz erabaki behar dute. Anartean, Hendaiara bueltatu daitekeela jakinarazi diote, kontrol judizialpean betiere.


Aske utzi dute Mikel Orbegozo, espetxean 14 urteko zigorra bete ostean

Mikel Orbegozo Donostiako presoa aske geratu da espetxean 14 urte egin ostean. Valladoliden izan da azken hilabeteetan, aurretik Badajozen egon da hainbat urtez. Intxaurrondo auzokoa da.


2019-04-02 | ARGIA
Gaixo dagoen Aitzol Gogorza espetxetik atera dute eta zigorra etxean beteko du

Oreretarrak 20 urte egin ditu espetxean. Gaixotasun psikiko larriak ditu eta hainbat aldiz eraman behar izan dute ospitalera. Urteak dira Gogorza etxeratzeko eskatuz kanpaina egiten ari direla. Basauriko espetxean zeukaten 2012. urtetik, eta asteartean, Martutenen tramite batzuk egin ostean, Gipuzkoako hiriburuko ospitalera eraman dute.


Azkenak
EGILEA
Eguneraketa berriak daude