Mikel Albisu eta Marixol Iparragirre deklaratzera deitu dituzte, Miguel Angel Blancoren hilketarekin loturan
Miguel Angel Blancoren hilketatik hogeita bost urte bete berritan, gertakariarekin loturan deklaratzera deitu dituzte Mikel Albisu eta Marixol Iparragirre, uztailaren 21ean. Espainiako Auzitegi Nazionalak Frantziari galdegin dio Josetxo Arizkuren deklaratzera deitzeko baimenari buruz.
Espainiako Auzitegiko epaile Manuel García Castellónek deklaratzera deitu ditu Mikel Albisu eta Marixol Iparragirre uztailaren 21ean, ETAko zuzendaritzako kide gisa Miguel Angel Blancoren hilketan izan zuten ustezko ardura argitzeko. Dignidad y Justicia elkarteak aurkeztutako salaketa batek Ermuko PPko zinegotzi zenaren hilketaren erantzuletzat jotzen ditu biak, beste zazpi pertsonarekin batera: Josetxo Arizkuren, Iñaki Gracia, Jokin Etxebarria, Asier Oiartzabal, Juankar Iglesias, Vicente Goikoetxea eta Carlos Ibarguren. Hilketaren "egile intelektual" izatea leporatzen diete bederatziei, ETAko zuzendaritzaren parte zirelakoan.
Kasua berriz irekitzeari egoki iritzirik, García Castellón epaileak tramitera onartu zuen salaketa, eta horregatik ari dira ikertzen Albisu eta Iparragirre. Epaileak Arizkurenek ere deklaratu dezan nahi du, eta horretarako baimenari buruz galdegin dio Frantziari, han ari baita betetzen espetxe zigorra. Iñaki Gracia ere aipatu duen arren ustezko arduradunen artean, haren delituak preskribatutzat jo ditu. Salaketak barnebiltzen zituen gainerakoak, ostera, ikerketatik kanpo utzi ditu.
Martxoan, Dignidad y Justicia elkartearen salaketa tramitera onartu zela jakinaraztean Berriak jaso zuenez, epaileak ikertu nahi du ea "ETAren batzorde exekutiboko kideek" hilketa gauzatzeko agindua eman ote zuten edo omisioz eman zuten horretarako bidea. Epailearen arabera, gutxienez 48 orduko marjina izan zuten hilketa eragozteko. Hala bada, "haien erantzukizuna zenbaterainokoa den zehazteko ikerketa bat hastea" egoki ikusi zuen Castellónek.
Blancoren hilketagatik zigorra betetzen ari dira 2006tik Javier García Gaztelu, Irantzu Gallastegi eta Ibon Muñoa. Arizkureni dagokionez, aldiz, auzi bat dago haren kontra irekita, hilketaren eragile izatea leporatzen baitzaio. Ustez Arizkurenek 2016an ETAren Bizkaia komandoko kideei bidalitako bi gutunetan oinarritzen da akusazioa.
Jesus Maria Gomez Ezkerro 'Txutxo', 2001eko urtarrilean atxilotu zuten, 2021ean hirugarren gradua ezarri zioten, eta 2023ko otsailean baldintzapeko askatasuna eman zioten. 24 urte geroago aske geratu da.
26 urtez euskal preso eta iheslariak etxeratzeko aldarria oholtza gainera eraman ondoren, Hatortxu Rock jaialdiak bere azken edizioa egingo du ostegunetik igandera bitartean, Lakuntzan (Nafarroa). Jaialdian bildutako dirua preso sein senideentzat dispertsioak zekarren zama... [+]
"Euskal Herriaren jazarpena elikatzen du Euskal Herriaren bakearen bidean egindako akordiotzat saldu duten honek", adierazi dute larunbatean Arrasaten eginiko prentsa agerraldian.
Astelehenean, 40 urte beteko dira Joseba Sarrionandia eta Iñaki Pikabea presoek Martuteneko kartzelatik ihes egitea lortu zutenetik. Egiako pisu batean izan ziren ezkutaturik bi iheslariak, eta oraindik milaka eztarrik abesten dute «kristoren martxa dabil!».
GALek Baionako Monbar hotelean egindako atentatuaren urteurrenaren datatik gertu antolatu dute ekimena dozenaka herritarrek. Helburua "egia aldarrikatu, memoria landu eta GALen gerra zikinaren biktimak aitortzea" da, eta irailerako egitaraua aurkeztu dute.
Rosa Zarraren hilketaren 30. urteurrena da ekainaren 30ean. Ekainaren 29an, biolentzia polizialaren biktimaren omenaldian, hainbat eskakizun egin zituen Egiari Zor fundazioak. Zarraren familiak Juan Mari Atutxa Segurtasun sailburu ohiari barkamena eskatzea galdegin dio.
Bere konpromiso politikoagatik eta unibertsitatean zuen militantziagatik, eskuin muturreko taldeen hainbat eraso pairatu zituen 1987 eta 1988 urteetan. Hemezortzi urterekin pairatu zuen lehen erasoa, Bilboko Santutxu auzoan bizi zen eraikineko igogailuan; geroztik, hiru eraso... [+]
Aurrez, Plentziak, Alkizak eta Gernikak euskal errepublikaren parte izatea erabaki zuten. Baztanekin, dagoeneko Euskal Herriko lau herriek hartu dute erabakia.
78ko Sanferminak Gogoan plataformak eta Gasteizko Martxoak 3ko ekimenak bat egin dute espainiar estatuak gertakari latz horietan bere erantzukizuna onartu eta biktimen aitortza ofiziala egin dezan. 'Estatua Erantzule!' izena darama kanpainak.
Kartzelan 27 urte egon eta gero askatasunean geratu dela iragarri du Etxerat elkarteak.
Eusko Jaurlaritzak 2022an eskuratu zuen Zaballako (Araba), Basauriko (Bizkaia) eta Martuteneko (Gipuzkoa) kartzelen gaineko eskumena, eta ordutik uhalen edo eskuburdinen bidez loturik izan dituzten pertsonen inguruko datu batzuk eman ditu Maria Jesus San Jose (PSE-EE) sailburuak... [+]
Jose Miguel Etxeberria Naparra-ren gorpua bilatzeko bigarren saiakera kontatzen duen dokumentala interneten ikusi daiteke asteazken honetatik aurrera. Igandean ekitaldia egingo dute, Batallon Vasco Españolek iruindarra duela 45 urte bahitu eta desagerrarazi zuela... [+]
Belaunaldi oso baten liburua da Palinpsestoa. Idazten dakien modura idatzi du Arrieta Ugartetxeak, eta horixe dateke alde gaitza. Gainerakoan, hortxe gure iragan hurbila, gerra ondoa, apaiz giroa, euskara, militantzia… eta ez hain hurbila ere, senide nagusien gerra... [+]
Milaka pertsona batu ziren larunbatean Bilbon, Euskal Herri libre eta burujabea eraikitzeko aldarrikatzeko. Ikurrinez eta Nafarroako banderez bete zuten Autonomia kalea arratsaldeko mobilizazioan.