Merkel eta Macronek adostu dute 500.000 milioiko erreskate funts berri baten proposamena

  • Alemaniako kantzilerrak eta Frantziako lehendakariak adostu duten proposamen berria aurrera aterako balitz, Europar Batasuna bera izango da finantz merkatuetatik hartuko dituena 500.000 milioi euroko maileguak gero COVID-19ak gehien kaltetutako herrialdeei beren beharren arabera emateko, hau da, dirua itzuli beharko lukeena Europa izango litzatekeela eta ez herrialde bakoitza. Hala ere, Holanda, Austria, Suedia eta beste zenbait herrialdek ontzat erraz hartuko ez dutela aurreikus daiteke.

Emmanuel Macron eta Angela Merkel asteleheneko prentsaurreko birtualean. (Argazkia: Reuters)

2020ko maiatzaren 19an - 08:17

Alemania eta Frantziako agintarien proposamen berriarekin koronabirusaren kalteak arintzeko diru eske Europar Batasunera joko duten herrialdeek ez dute diru hori itzuli beharrik izango, mundu mailako finantz merkatuetatik eskuratutako mailegu horien konpromisoak Europar Batasunaren aurrekontuei lotuta egongo direlako. Beraz, EBko herrialde guztien artean itzuli beharko da bilioi erdi euroko mailegu hori, esan nahi baita, ekonomiari dagokionez bakoitzak daukan tamainaren arabera. Bistakoa da proposamen honek EBko 25 herrialdeen oniritzia jasoko balu sekulako aldaketa litzateke, orain arteko krisietan behin eta berriro uko egin zaion aukera izan delako, Greziakoan urrutirago joan gabe, baina baita beste zenbaitetan ere.

Internet bidezko prentsaurrekoan Frantziako presidentearekin batera azaldu denean, Angela Merkelek esan du: "Konbentzituta gaude proposatzen dugunez ez bakarrik egokia baizik eta beharrezkoa ere badela diru funts horiek herrialdeen eskueran jartzea gero etorkizuneko Europar Batasunaren aurrekontuetatik pagatzeko. (...) Alemania eta Frantziak iniziatiba hartzeak eragina izango du Europar Batasuna barrruko iritzi publikoaren bilakaeran ere. Europar gisa jokatu behar dugu krisi honetatik onik ateratzeko".

Macronek, berriz, esan du COVID-19ak eragindako krisi hau dela "Europar Batasunarentzako une erabakigarria", blokeak pandemiaren hasieran huts egin duela elkarren arteko nahiko solidarite erakusteko garaian eta orain adostu nahi den dirutza berria bermetan mamituko dela maileguetan baino gehiago: "Garbi dagoena da 500.000 milioi horiek ez dituztela horien onuradunek itzuli beharko. Proposatzen duguna da diru transferentzia... eta hori sekulako urratsa da".

Proposamena jakin bezain fite, ordea, Austriako kantziler Sebastian Kurzek oso argi adierazi du Macron eta Merkelen proposamenak Europako iparraldeko zenbait herrialde oso kontra aurkituk dituela. Twitter bidez ohartarazi du: "Oraintxe aritu naiz gaiaz hizketan Danimarka, Herbehereak eta Suediako lehen ministroekin... (...) Guk lehengoan jarraitzen dugu. Gu prest gaude herrialde kaltetuenei laguntzeko maileguekin eta espero dugu aurrekontu eguneratuak lehentasun berriak erakutsiko dituela eta ez [zorraren] tamaina handiagotzea".

 


Kanal honetatik interesatuko zaizu: Koronabirusa
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


Ikasgela kalera ateratzetik lau horma artera itzuli al dira eskolak, pandemia ostean?

"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]


2023-07-04 | Ilargi Manzanares
Asteazkenetik aurrera ez da derrigorrezkoa musukoa Hegoaldeko osasun zentroetan

Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]


90.000 milioi euro irabazi zituen industria farmazeutikoak, diru publikoz finantzatutako COVID-19 txertoekin

Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.


Gaurtik aurrera maskara ez da beharrezkoa garraio publikoan Hegoaldean

Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.


Eguneraketa berriak daude