Mercedesen beste hiru greba egunetara deitu dute hurrengo asterako
ELA, LAB eta ESK-k egin dute deia, eta gainontzeko sindikatuak gonbidatu dituzte batzera. UGT, CCOO, Ekintza eta PIMek enpresari eskatu diote seigarren gauari uko egin diezaiola, negoziazioak berriz abiatzeko baldintzak sortzeko. Gaur, ostirala, seigarren greba eguna dute Mercedesen, eta produkzio kateak geldirik jarraitzen du.
Osteguneko bileran Mercedesen zuzendaritzak negoziazioa bertan behera utzi zuen, eta sindikatuei adierazi zien grebak dauden bitartean ez dela bilera berririk egongo. Arratsaldean, langileen asanblada irekian, aste honetako grebak deitu dituzten ELA, LAB eta ESK sindikatuek proposatu zuten hurrengo astean beste hiru greba egun deitzea, eta aldeko iritzia nagusitu zen. Hortaz, hurrengo asteazken, ostegun eta ostiralean greba deialdia dago Mercedesen. Mikel Díaz de Alda LABeko eta Mercedeseko enpresa batzordeko kideak ARGIAri adierazi dioenez, langileak “indartsu” daude bi aldarrikapen nagusien inguruan: sei gau jarraian lan egiteari ezetza, eta soldataren igoera KPIari lotuta egotea.
Díaz de Aldak azaldu du hiru sindikatu deitzaileek gonbita luzatu dietela gainontzeko sindikatuei –UGT, CCOO, Ekintza eta PIM– grebara batu daitezen. Momentuz behintzat ez dutela bat egingo erantzun diete, eta “enpresaren erantzunaren zain” geratuko direla. Izan ere, Eitbk jakinarazi duenez, UGT, CCOO, Ekintza eta PIMek Mercedesen zuzendaritzari eskatu diote bere proposamenetik seigarren gaua kentzea negoziazioei berrekiteko.
Zuzendaritza eta sindikatu arteko bilera “sinestezina”
Osteguneko bilera oso laburra izan zela jaso dute hedabide guztiek, ordu erdi ingurukoa, Mercedeseko zuzendari orokor Emilio Titosek hasieratik esan baitzien sindikatuei negoziazioak bertan behera geratzen zirela grebak amaitu bitartean. Díaz de Aldaren irudiko bilera “sinestezina” izan zen, Titosen jarreragatik, hain zuzen ere. Nabarmendu du “mehatxua” eta”inposizioa” enpresarena bai, baina “batez ere” Titos zuzendariaren eskutik heldu zela. ELA, LAB eta ESK-k beren planteamendua azaldu zutela dio Díaz de Aldak: egoera ikusita “ziurrenik” hurrengo asterako hiru greba egunera deituko zutela, baina langileekin hitz egin behar zutela aurretik. UGT, CCOO, Ekintza eta PIMeko ordezkariek ez zuten hitza hartu bileran, LABeko sindikalistaren arabera.
UGT, greba deitzaileen aurka
Gerora, CCOOk adierazi zuen enpresa “okertu” egin zela bere jarrerarekin. UGTk oharra atera du: negoziaziorako deia egiten du, enpresari eskatzen dio seigarren gaua baztertzeko, eta grebara deitu duten sindikatuen aurka egiten du: “Lastima da negoziatzeko asmorik ez duten sindikatuek (inoiz ez baitute egin), eta helburu bakartzat prentsan agertzea dutenak ‘beren erresistentzia kutxa aurkezteko’, 30.000 familiaren etorkizuna boikotatzea". Kontutan hartu beharra dago UGTko afiliatu ugari ari dela greba egiten, grebaren jarraipena ia erabatekoa baita tailerreko langileen artean, eta UGT eta ELA dira ordezkaritza handiena duten sindikatuak enpresa batzordean (zazpina, UGTren kasuan horietariko lau dira tailerreko langileen bozen ondoriozkoak).
Milaka langile kalean
Asteazkenean bezala ostegunean ere langile ia denek egin zuten greba –ELA, LAB eta ESK-k ordezkaritzaren %45 dute enpresa batzordean–, produkzio kateak geldirik jarraitu zuen, eta milaka langile eta gasteiztar mobilizatu zen lantegiaren inguruan zein Gasteizen. Mobilizazioetako batean langileek Ajuria Eneara jo zuten, lehendakariaren egoitzara, zuzendaritzaren aldeko bere jarrera leporatzeko. Ostiralean ere greba dago deituta, hirugarren egunez jarraian.
Hemen osteguneko mobilizazioen zenbait irudi:
Nafarroako Administrazio Publikoetako lanpostuak arautzen dituen 97/2024 Foru Dekretuaren bi artikulu utzi ditu bertan behera Nafarroako Auzitegi Gorenak. Argudiatu denez, euskararen balorazioari muga jartzen zioten, eta ingelesaren, frantsesaren eta alemanaren balorazioei ez.
Munduan barrena 1.100 langile baino gehiago dituen multinazionaleko enpresariek 39 lagun kaleratu nahi dituzte” Laudion, horrelako kasuetan ohiko bilakatu den hitz magikoaren izenean “produktibitatea hobetzeko”. Egur fabrikako langileek greba mugagabearen... [+]
Haurreskoletatik unibertsitateraino, hezkuntza sistema osoan egun osoko grebara deitu dute sindikatuek Hego Euskal Herrian, Palestinarekin elkartasunez. Urriaren 15erako lantokietan deitu dituzten lanuzte eta mobilizazioak indartzera dator deialdia.
Astelehenean elkartu ziren berriro langileen ordezkariak eta Garnica taldeko zuzendaritzako kideak eta, nahiz eta proposamen ezberdinak aurkeztu, konpainiak berretsi zuen bere asmoa dela 39 behargin kaleratzea.
Araban izan den grebarik luzeenetakoa izan da Gasteizko lorezainek egindakoa. Asteartean amaitu da, udalak azpikontratatutako Enviser enpresak eta langileen ordezkariek (LAB, ELA eta ESK) akordioa lortuta. Martxoaren 26an hasi zuten greba lorezainek, soldata duinak... [+]
1974tik etorkizunera, LAB zabaltzen erakusketak sindikatuaren 50 urteko lana biltzen zuen, eta Tuterako alkateak Alejandro Toquero (UPN) bertan behera utzi du zenbait panelek "terrorismoa gorazartzen" zutelakoan.
Frantziako Gobernuaren aurrekontua fintzen ari diren honetan, "justizia soziala eta fiskala" aldarrikatu dute karrikatik. Irailaren 18ko mobilizazioak baino jarraipen ahulagoa ukan du osteguneko greba deialdiak.
Sei hilabete bete dituzte Gasteizko lorezainak greba mugagabean. Hamaika mobilizazio eta Enviser enpresarekin zein Udalarekin eginiko bilera batzuen ostean “epe laburrean” akordiorik lortu ezean borrokarako fase berri batean sartuko direla iragarri dute langileek... [+]
Flotillari Israelek eraso eginez gero, greba orokorra antolatzeko prest zeudela adierazia zuen Italiako sindikatu handiena den CGIL-eko buruak, Il Messaggero egunkariak jaso duenez. Asteazken gauean, deialdia jada publiko egin dute: ostiralean greba orokorra.
Armadoreak salatu zuen hamasei arrantzaletik hamabi matxinatu egin zirela, eta Guardia Zibilak artatu eta gero, Asturiasen egon da amarratuta. Asteazken goizaldean heldu da Getariako portura.
Enplegua Erregulatzeko Espedientearen kontsulta epe barruan zuten adostuta batzarra Langile Batzordearekin, baina enpresariak ez dira agertu.
Ostiral honetan manifestazioa antolatu dute Gasteizko lorezainek, greba mugagabea hasi zutenetik sei hilabete beteko diren egunean. “Gatazka konpontzeko aurrerapausoak urriak izan dira”, salatu du enpresa batzordeak aste hasieran. Irtenbide bakarra “soldata... [+]
Garnica taldeak egin nahi dituen 39 kaleratzeen aurka hasi dute greba mugagabea Laudioko egur fabrikako langileek. Goizean bilera izan du Enpresa Batzordeak Garnicako zuzendaritzako kideekin, eta langileek txistu artean jaso dituzte.