Ostegunean ireki zuen LAB sindikatuak Rúa auzo-etxean erakusketa, eta Alejandro Toquero alkateak larunbaterako bertan behera uzteko agindua eman zuen "terrorismoaren gorazarrea" eta "biktimekiko mespretxu onartezina" argudiatuta. Erakusketak etakideei "omenaldia" egiten ziola dio.

Egun bakarra iraun duen erakusketaren harira, herriko gobernu taldeak ondorengoa zabaldu du: "Ez genen zentsura leporatzeko biderik eman nahi, baina udal-espazioak ezin dira publikoarentzat iraingarriak eta onartezinak izan, zalantzarik gabe ixtea erabaki dugu".

Otsailean Nafarroako Parlamentuan abiatu zen erakusketa. Bertan, 1974tik LABek Nafarroan eginiko borrokaren zertzelada batzuk erakusten zituzten; maiatzaren lehengoko kartelak ageri ziren, baita beste zenbait objektu eta dokumentu ere. Nafarroako parlamentuko lehendakari Unai Hugaldek eta LABeko bozeramaile Imanol Karrerak aurkezpenean aipatu zuten "sustrai sendoak" dituela sindikatuak Nafarroan nahiz eta urteetan "baztertua" izan dela Parlamentuan. Orduan ere, UPNk erakusketa bertan behera uztea eskatu zuen.

Erriberako hiriburuan burutzekoa zen erakusketa urriaren 9 arte zen.