Greba mugagabea hasi dute Maderas de Llodio enpresan, 39 kaleratzeen aurka
Garnica taldeak egin nahi dituen 39 kaleratzeen aurka hasi dute greba mugagabea Laudioko egur fabrikako langileek. Goizean bilera izan du Enpresa Batzordeak Garnicako zuzendaritzako kideekin, eta langileek txistu artean jaso dituzte.
Goizeko bostetan bildu dira beharginak fabrikako sarreran, Aiaraldea.eus-ek publikatu duenez. Grebalariez gain, inguruko langile batzuk edota eskualdeko bizilagunak bertaratu dira piketera. "Erabatekoa izan da grebaren jarraipena, goizeko txandan behintzat, ez baita inor sartu lantegira", agerkariaren webgunean irakurri daitekeenez.
Egunero egingo dituzte piketeak, txanda aldaketetan (5:00etan, 13:30ean eta 21:30ean). Horrez gain, hainbat mobilizazio izango dira aste honetan. Astelehen goizean, adibidez, elkarretaratzea egin dute lantegi aurrean; langileek txistu artean jaso dituzte Garnicako zuzendaritzako kideak eta abokatuak, hauek fabrikara sartu direnean Enpresa Batzordearekin zuten bileran parte hartzeko. Aiaraldea.eus-ek bideoa grabatu du:
Asteazkenean 12:00etan berriro bilduko dira langileak fabrikaren aurrean, eskualdeko komiteekin batera; eta ostegunean Laudioko plazan 11:30ean.
"Irabazi azkarren logika"
Grebalariek azaldu dutenez, enpresaren asmoa "deslokalizazio argia" da, 39 langileen kaleratzea lantegiaren behin betiko itxierarako lehen urratsa dela ohartarazita: "Irabazi azkarren logika baino ez dago atzetik, enplegua suntsitzea kontuak puzteko, giza kostuari eta gure eskualdearen etorkizunari erreparatu gabe".
Langileen hitzetan, eskualdeak “kapitalaren enbatarik gogorrena" jaso du beste behin ere: "Merkantzia hutsa gara elite ekonomiko eta enpresarialen eskuetan. Muturreraino zukutzen dituzte gure baliabideak eta gure jendea, eta errentagarriak ez garela erabaki bezain pronto bide bazterrean botata uzten gaituzte. Luzeegia da kolpeen zerrenda, eta Guardianen zauriak zabal-zabalik jarraitzen duen honetan jaso dugu mehatxu berria".
Halaber, instituzioei eskatu diete esku hartzeko: "Nekatuta gaude etengabe beste aldera begiratzen duten erakundeez. Aiaraldean lan eta bizi nahi dugu. Eta ez dugu etsiko hori defendatzeko bidean. Hemen dago gure bizitza, gure duintasuna eta gure etorkizuna".
Hala iragarri dute langileek ostegun arratsaldean Laudion eginiko mobilizazioaren amaieran.
Euskal Eskola Publikoaren alde borrokatzea STEILASen ikurra da. Ikasturte hasierarekin batera, gogoratu behar da aurreko ikasturtean hainbat kolektibotan akordio garrantzitsuak sinatzea lortu genuela, hezkuntza publikoan grebak eta mobilizazioak egin eta gero. Lan-akordio horiek... [+]
Greba eguna da gaurkoa Ipar Euskal Herrian zein Frantziako Estatuan. "Dena blokeatzeko" mobilizazioaren kari, 50 bat lagunek ekintza bideratu dute Miarritzen, Hotel du Palais luxuzko hotelaren atarian. Bi lagun atxilotu ditu Poliziak.
Laudioko fabrikako jardunaren zati bat tokialdatu nahi du zuzendaritzak, 39 behargin kaleratuz.
"Erronka izugarria" duen mahaia jarri du martxan Eusko Jaurlaritzak, 50 bat eragilerekin: eskola segregazioa gainditzeko neurriak adostea. STEILAS eta ELA sindikatuek ez dute parte hartu; Jaurlaritzak oinarri dituen politikek segregazioa betikotzen dutela diote.
Horixe da datorren irailaren 10ean Frantziako Estatua hankaz gora jarriko duen deialdi herritar berriaren lema. Sarean gaia lantzen ari diren gune asko daude, baina bi interesgarrienak aipatzearren, hor daude, besteak beste, @lessoulevements edota @bloquonstout atariak.
Izan... [+]
Greban dira Benito Menni egoitzako langileak joan den abuztuaren 25etik, irailaren 8ra bitarte. Hermanas Hospitalarias enpresak agindutako kaleratzeen eta unitate itxieren aitzinean, Nafarroako Gobernuak ez duela arduratsuki jokatzen ari salatu dute.
2025ean hazkunde ekonomiko txikia (%0,6) ez da gai izango langabezia-tasak %8ko muga gainditzea saihesteko; Zor Publikoak bi bilioi euro (BPGren %115) gainditzen ditu EK-k ezarritako %60aren oso gainetik, eta Gastu Publikoak estratosferan jarraitzen du.
Horri gehitu behar... [+]
ELA, LAB, ESK, Steilas, Hiru eta Etxalde sindikatuek aurkeztu dituzte Herri Ekimen Legegilearen sinadurak Eusko Legebiltzarrean. Orain pilota alderdien teilatuan dagoela esan dute, eta herritarren borondatea kontuan izatea eskatu diete.
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
Bilboko Udaltzaingoak kale saltzaileak Bilboko Gas plazatik kanporatu ditu, bertan bizi baitira kale egoeran Aste Nagusian salmentak handitzeko asmoarekin. Bilboko Konpartsek eraso arrazisten kontrako protokoloa aktibatu, eta elkarretaratzea egin dute.
Plantillak astelehenean ekin dio grebari, kaleratzeei ezetz esateko. Espedientearen kontsulta-aldia abuztuan hasi izana salatu du Hego Uribeko LASek, enpresaren asmoa "langileen mobilizazioa eta erantzuna oztopatzea" izan delakoan.
LAB sindikatuak Euskotren enpresaren "koherentzia eza eta erantzukizun sozialaren gabezia" salatu ditu, zezenketen publizitatea zabaltzen ari delako bere ibilgailuetan.