Maskara berriro erabili beharko dute Ipar Euskal Herriko Lehen Hezkuntzako ikasleek

  • Frantziako Gobernuak jakinarazi du neurria, azaroaren 8tik aplikatuko dena. Intzidentzia tasa igo delako hartu dute erabakia. Bestalde, Aguraingo Udalak COVID-19 kasuen gorakadagatik haur parkeak itxi ditu.


2021eko azaroaren 04an - 11:34
Azken eguneraketa: 12:37
Agurainen haur parkeak itxi dituzte COVID-19agatik.

Datorren astetik aurrera Lapurdiko, Nafarroa Behereako eta Zuberoako Lehen Hezkuntzako eskoletan maskara derrigorrezkoa izango da. Urriaren 11tik ikasleek ez zuten maskararik erabili behar klaseetan, baina Gabriel Attal Frantziako Gobernuaren bozeramaileak iragarri du 100.000 biztanleko intzidentzia tasa 50 baino handiagoa den departamenduetan neurria berriz zorroztuko dela, betiere 50eko muga bost egunez jarraian gainditu badu.

Ipar Euskal Herria dagoen Pirinio Atlantikoen departamenduan intzidentzia tasak gorakada izan du: azken datuen arabera, azaroaren 2an 88koa da 100.000 biztanleko intzidentzia.

Aguraingo haur parkeak itxita

Arabako herriak 100.000 biztanleko 1.064ko intzidentzia tasa du, eta Berria egunkariak argitaratu duenez, Aguraingo Udalak neurriak zorroztu ditu: haur parkeak itxi, musika eskola eta kiroldegiko edukierak mugatu eta hainbat jardunaldi bertan behera utzi. Halaber, Eusko Jaurlaritzari galdegin dio PCR probak herrian bertan egiteko, Gasteizera joan beharrik gabe. Osasun Sailak uste du ez dela beharrezkoa baheketak egitea. Momentuz azaroaren 21era arte egongo dira neurri berriak.

Bizkaiko, Gipuzkoako eta Arabako COVID-19 kasuak areagotzen ari dira. Astelehenean argitaratutako datuen arabera, intzidentzia tasa 90ekoa da EAEn. Halaber, Nafarroan ere gorantzko joera dago: pasa den astean, urriaren 25etik 31ra, intzidentzia tasa 44koa izan da 100.000 biztanleko.


Kanal honetatik interesatuko zaizu: Koronabirusa
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


Ikasgela kalera ateratzetik lau horma artera itzuli al dira eskolak, pandemia ostean?

"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]


2023-07-04 | Ilargi Manzanares
Asteazkenetik aurrera ez da derrigorrezkoa musukoa Hegoaldeko osasun zentroetan

Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]


90.000 milioi euro irabazi zituen industria farmazeutikoak, diru publikoz finantzatutako COVID-19 txertoekin

Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.


Gaurtik aurrera maskara ez da beharrezkoa garraio publikoan Hegoaldean

Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.


Eguneraketa berriak daude