Martxoaren 8a: feminismoa aldarrikatuko dute kapitalismoak dakarren hondamendiaren aurka

  • Euskal Herriko koordinadora feministak Basakeria heteropatriarkal kapitalistaren aurka, feminismoa zorroztu! goiburua aukeratu du aurtengo martxoaren 8ko mobilizazioetarako. Kapitalismoak zibilizazioaren porrotera garamatzala esanez hasten den agirian, feminismoa “zorrozteko” deia egiten dute: “Ez dago astirik. Makina geldiarazi behar dugu eta haustura bat eragin eredu ekonomiko, energetiko, sozial eta kulturalean”.

ARGIA @argia
2017ko martxoaren 07a

Koordinadorak, azkeneko urteetan ohi den legez, martxoaren 8an modu bateratuan parte hartzeko deia zabaldu du. Kapitalismoaren bilakaerak “basakeria nonahi” hedatzea eragin du eta hori aurre egiteko arma feminismoa da, haien hitzetan. “Bortizkeria matxistatik babesteko; lan merkatuko erasoei aurre egiteko; bizi gaituen lurra zaintzeko (…) Gure armak zorrozten ari gara zibilizazio berri bat eraikitzeko”, adierazi dute.  

Bestelako eredua behar dela esateko kalera ateratzera deitu dute: “Funtsezko aldaketak beharrezkoak izango dira gure balio, harreman pertsonal eta konunitarioetan, bikote eta familia ereduetan, eguneroko praxian, produkzio moldeetan, zaintza lanen banaketan edota lurralde antolamenduan”.

Kapitalismoaren “testuinguru suntsitzailean” bortizkeria patriarkalak berebiziko indarra duela gogorarazi dute, baita emakumeen aurkako zapalkuntzak hainbat aurpegi dituela azpimarratu ere. Hala, koordinadorak adierazi du emakumeak direla zaintza lanen bermatzaile bakarrak, feminizidioa eguneroko kontua dela, emakumezkoen sexu eta ugaltze askatasuna kolokan dagoela…

Arratsalderako manifestazioetarako deia egin dute Euskal Herriko bost hiriburu nagusietan, eta bat egin dute, halaber, eguerdiko 12:00etatik 12:30era “enplegu, zaintza eta kontsumo” etenaldia egiteko nazioarteko deialdiarekin.

Hauek dira hiriburuetako hitzorduak:

Baiona: Herriko Etxean, 18:30ean

Bilbo: Arriagan, 19:30ean.

Donostia: Bulebarrean, 19:00etan.

Gasteiz: San Anton plazan, 20:00etan.

Iruñea: Gazteluko plazan, 20:00etan.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Feminismoa  |  Matxismoa  |  Antikapitalismoa

Feminismoa kanaletik interesatuko zaizu...
2018-10-23 | I˝igo Igartua
Feministon Herria eguna larunbatean ospatuko da Bilbon

Aste osoan Bilbo jasotzen ari den Emakumeen Mundu Martxaren XI. Nazioarteko Topaketaren ekitaldi nagusia izanik, guztion indarrak batu eta askotariko alternatiba feminista erakustea izango du helburu ekimenak.


2018-10-19 | Hiruka .eus
Eraso matxistei aurre egiteko antolatuta daudela jakinarazi dute Uribe Kostako neska* gazte feministek

Joan den irailaren 21ean Uribe Kostako neska* gazte feministek Getxoko Azkorri aldean egindako ekintzaren nondik norakoak azaltzeko bideoa eta irakurketa kaleratu dute.


2018-10-16 | Amaia Lekunberri
Egitarau oparoaz dator Feministon Herria

Euskal Herriko Emakumeon Mundu Martxak prentsaurrekoa eman du asteartean Bilboko La Bolsan. Emakumeon Mundu Martxaren XI. Nazioarteko Topaketaren eta beronen baitan egingo den Feministon Herria egunaren xehetasun guztiak azaldu dituzte.


2018-10-14 | Aitor Aspuru Saez
Faiza Abdi
"Erakundeetan emakumeon eskubideak babestu ezean, iraultzak ez du emaitzarik izango"

Faiza Abdi Kobane kantoi kurduko Legebiltzarreko presidentea da, eta hango gonbidatuen etxean ongi etorria egin zion Durangotik joandako ordezkaritzari. Emakume hurbila, beroa eta alaia da. Munduan barrena ibilitakoa, Sobietar Batasunean eta Espainiako Estatuan izan da, besteak beste. Gerra hasi baino lehen Siriako hiri modernoetan bizi zen, orain, Rojavan lan egiten du buru-belarri: “Ez dut ezer faltan sumatzen, Kobanen gizatasuna dago nonahi”.


2018-10-14 | Saioa Baleztena
Melanie Serrano. Etiketak erraustu
"Baršan hasi nintzenean gure taldea amateurra zen, orain profesionala da"

Emakumezkoen Barcelona taldeko (FCB) jokalaririk aspaldikoena da Melanie Serrano (Sevilla, Andaluzia, 1989). Neska-mutilen arteko parekidetasunetik urrun egon arren, hamabosgarren denboraldia abiatu berri duenean emakumezkoen futbolaren eboluzioa azpimarratzen du gorri-urdinak.


Pare 10 urtez
MULTIMEDIA - dokumentala

Bilboko Deustuko Gazte Talde Feministak, Parek, 10 urte bete ditu aurten. Hori dela eta, dokumental honetan taldetik igaro diren eta egun kide diren emakumeen ahotsak batu dituzte, hamarkada baten ibilbidea laburtzeko.


Epaitegian deklaratu beharko du hainbat emakumeri modu jarraian eraso egin zien Haritz Varelak

“Erasoa jasan genuen hamar emakumek Haritz Varelaren aurkako salaketa jarri dugu Donostiako epaitegian, eta auzibidea aurrera doala jakinarazi nahi dugu”. 80 emakumek astearte arratsaldean Donostiako Tabakalera ondoan prentsaurrekoa eskaini dute jakinarazteko ezker abertzaleko eta Donostiako Piratetako kide ohiaren aurkako auzia zertan den. Ez dute publiko egin noiz izango den deklarazioaren eguna, eta zailtasunak salatu badituzte ere, "bidean topatu ditugun emakumeen... [+]


"Zahar egoitzetako langileek sektore maskulinizatuetakoek baino %30 gutxiago kobratzen dute"

Txomin Lasa ELAko erresidentzietako arduraduna da Gipuzkoan. 2017an negoziazio mahaiak ezer eman ez zuela-eta greba egunak jarri dituzte urria-azaroa-abendurako. ELAk sektore estrategikotzat du egoitzetakoa, adinekoen zaintzaz ari delako eta sektore feminizatu eta prekarizatua delako.


2018-10-09 | ARGIA
Hondarribiko Alardea berdintasun problema dela gogorarazi dio Jaizkibelek Gipuzkoako Foru Aldundiari

Hondarribiko Jaizkibel konpainia parekideko ordezkariak Gipuzkoako Batzar Nagusietako Berdintasun Batzordean izan dira astelehenean Podemos-Ahal Duguk eskatuta eta salatu dute atzerapausoak eman dituztela instituzioek legegintzaldi honetan, Alardearen gatazka konpontzeko bidean.


Eguneraketa berriak daude