Martxoak 8 Etorbidea izena hartu du Juan Carlos I.a Etorbideak Gasteizen
Gasteizko alkate Gorka Urtaranek astearte honetan sinatu du Salburua auzoko Juan Carlos I.a Etorbideari izena aldatzeko dekretua. Gaurtik aurrera, Martxoak 8 Etorbidea izango da.
Duela aste batzuk hartutako konpromisoa bete nahi izan du Gorka Urtaran alkateak Gasteizko Salburua auzoko etorbide honen izena aldatuz. "Asko dira kale bat izatea merezi duten emakume gasteiztarrak", azpimarratu du Gorka Urtaranek, eta izendapen berri hori "berdintasunean oinarritzen den hiri askeago bat lortzeko bizitza eskaini diotenen aitorpen gisa" aukeratu dutela azaldu du.
Udalbatzak, ekainaren 19ko osoko bilkuran, herri-txandak aurkeztutako mozio bat onartu zuen aho batez, kale izendegian emakume gehiago egotearen alde. Gainera, emakumeak aintzatesteko eta berdintasun politikak bultzatzeko konpromisoa bete nahi du udal gobernuak
Gasteizko kale-izendegian emakumeek espazio handiagoa izan dezaten, Martxoak 8, Emakumeen Nazioarteko Eguna, aukeratu du Udalak.
Juan Carlos I.aren eredugarritasuna zalantzan
Hiriburuak "jarraitu beharreko adibidetzat hartzen dituen balioak eta printzipioak ordezkatzen dituzten pertsonei eskainitako kale ugari" dituela kontuan hartu du Gasteizko Udalak. Azken hilabeteetan, ordea, "balio eta printzipio horiekiko errespetua zalantzan" jartzen duten hainbat informazio ezagutu dira Juan Carlos I.a errege emerituaren inguruan.
Udal agintariek, halaber, martxoaren 15eko Erregearen Etxearen komunikatua ekarri dute gogora. Bertan, egungo errege Felipe VI.ak, "Koroaren eredugarritasuna babesteko helburuarekin", uko egin zion bere aita Juan Carlos I.arengandik legokiokeen jaraunspenari, baita edozein aktibo, inbertsio edo finantza-egiturari ere, baldin eta haien jatorria, ezaugarriak edo helburua "legezkotasunarekin edo zuzenbide-irizpideekin bat ez badatoz". Gainera, Juan Carlos I.ak Erregearen Etxearen aurrekontuan finkatuta zuen diru-kopurua kentzen zela jakinarazten zen.
"Egoera horiek guztiek agerian uzten dute Juan Carlos I.aren eredugarritasuna zalantzan dagoela, beste erakunde eta instantzia judizialek behin eta berriz adierazi duten bezala", azpimarratu du Udalak; "hiri onek ezin du, eta ez du nahi, horri guztiari arrotz izan".
Horrenbestez, "hirian kale bat duten pertsonek izan behar dituzten balioak babesteko", Juan Carlos I etorbidearen izena aldatzea erabaki du alkateak, eta erabaki horren berri eman dio gaur goizean Udaleko bozeramaileen batzordeari.
Arabako Foru Aldundiaren erabaki batek etxez etxeko zerbitzurik gabe utzi ditu 150 pertsonatik gora, EH Bilduk salatu duenez. 700 euroren truke etxe barruko langile edo interna jarri behar izaten dira emakume etorkin asko, ez dutelako logela bat ordaintzeko modurik, Nafarroako... [+]
Erantzunik gabeko galderez inguratuta eta “tristezia sakona” sentituz bizi izan da Daniela Cano. Artista kolonbiarra da, eta pandemia betean Madrilera ihes egin behar izan zuen Kolonbian mehatxatuta zegoelako. Arteaz, bereziki literaturaz baliatzen da erantzunak... [+]
Hegoaldetik ekimena pertsona migratuei ekonomia sozial eraldatzailea hurbiltzeko jaio zen 2023ko ekainean, Enarak kooperatiba, OlatuKoop eta Lankiren eskutik. Geroztik ari da bidea egiten, formazio saioak eskaini nahi ditu eta Katalunian izandako esperientziak konpartitu... [+]
Bitxi Bitxi queer kolektiboa sortu dute hogei bat kidek berriki Baionan. Queer izatea, heteronormatibitatetik kanpo izatea da besteak beste. Baita genero ezberdinen adierazpena sustatzea ere.