Emakumeak borrokan

Markajea egin diete Gasteizko hainbat joko-aretori

  • Gasteizko joko-areto ezberdinak margoarekin eta “Zer dago jokoan?” galderarekin agertu dira astelehen goizean. Gaur egun, mota honetako 32 lokal daude Arabako hiriburuan, 2018an baino sei gehiago. Aiaraldean ere antzeko ekimena aldarrikatu du Ernaik.

Hala Bedi @halabedi
2019ko urtarrilaren 29a

Joko-aretoen fenomenoa Gasteizen etengabe hazten doa. Txagorritxuko bizilagunak Abendaño Ikastolatik gertu ireki duten aretoarekin kezkatuta daude, Judimendin orain dela urtebete baino gehiago hasi zuten lanketa bat, Salburuan beste berri bat ireki nahi dute… Gaur egun, gutxienez, 32 joko-areto daude zabalik Gasteizen, 2018an baino sei gehiago.

8.000 biztanletik, joko-areto bat dago hiriburuan. Auzo bakoitzeko, bi joko-areto. Bitartean, Baskonia edo Alaves kirol taldeen babesle nagusia apostu-etxe bat da. Hau da Gasteizko errealitatea eta, badirudi, errealitate hau salatzeko ekimen bat egin dute azken orduetan Arabako hiriburuan, Hala Bedi-k jaso dituen argazkietan ikus daitekeenez. 

Gasteizko joko-areto ezberdinetan margoa eta bestelakoak bota dituzte, “markaje” bat egiteko asmoarekin edo. Frantzia kaleko lokalean, adibidez, “Zer dago jokoan?” margoketa agertu da margo txuriarekin batera.

Judimendiko Gazte Asanbladak, auzoko joko-aretoaren inguruan egindako behaketa lanetik ondorioztatu duenez, aretoetara bertaratzen den gehiengoa langile klasekoa da, batez ere joko-makinak dauden espazioan. “Zergatik gutxien daukanak, daukan gutxia apostatzeko gai da? Behar ekonomikoekin jolasten dutelako horrelako negozioek”.

Aurreko asteetan, Arabako hiriburuko zonalde ezberdinetan kartel ezberdinak agertu dira “Zer dago jokoan?” galderarekin. Gainera, beste kartel batzuetan joko-areto hauek nork babesten dituen salatzeko panelak ikusi ahal izan dira, Ernai Gasteizek bere sare sozialetan zabaldu duen bezala.

Ekimena Aiaraldean

Asteburuan zehar, Ernai Aiaraldeak ere bideo bat zabaldu du sare sozialetan, bertako Elexondo apustu-etxearen aurka egindako ekimen bat zabaltzeko, Amurrion.

Bideoan gogoratu dutenez, 12-22 urte bitarteko hiru gaztetatik bat jokoan erortzen da eta jokoan aritzen diren gazteetako %15a ludopatak bilakatzen dira. Horrela jasotzen du Deustuko Unibertsitateak egindako ikerketa batek, aiaraldea.eus-ek eskualdeko joko-aretoen fenomenoa aztertzeko egin zuen erreportaje batean irakurri daitekenez.

Bide batez, otsailaren 16an Gazte Antolakundeak Bilbon prekarietatearen aurka deitutako manifestaziora joateko deia zabaldu dute.

 

Albiste hau Hala Bedik argitaratu du eta CC-by-sa lizentziari esker ekarri dugu ARGIAra.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Apustu etxeen gorakada  |  Gasteiz

Apustu etxeen gorakada kanaletik interesatuko zaizu...
2019-05-02 | ARGIA
Joko eta apustuen publizitatea debekatzea onartu du EITBk

"Helburua da jokoak eta apustuek sor ditzaketen adikzio arazo larrietatik pertsona ahulenak babestea", azaldu du EITBko zuzendari nagusi Maite Iturbek, Administrazio Kontseiluaren batzarrean. "Hartara, eta salbuespen jakin batzuekin, jokoarekin zerikusia duten publizitate eta promozio-jardunak eta emisioak debekatu nahi ditugu".

 


2019-04-08 | Topatu.eus
Judimendiko bizilagunek aurrerapauso bat eman nahi dute joko aretoaren kontra

‘Judimendik joko aretorik ez’ deitutako dinamikari ekingo diote bizilagunek eta soinean txapak jantziko dituzte. Gainera, balkoietan eskegitzeko banderolak ere egin dituzte eta joko aretoan ez kontsumitzeko deia egin dute, auzokideak konpromiso pertsonalak hartzera animatuz.


2019-04-04 | Topatu.eus
"Judimendik joko aretoari ez" dinamika aurkeztuko dute larunbatean

Gasteizko Judimendi auzoko bizilagunek Olagibel kalean dagoen joko aretoaren kontrako dinamika aurkeztuko dute: "Judimendik joko aretoari ez".


2019-04-01 | Jon Torner Zabala
Dozena bat Carlos Sobera RETAren Errekaldeko egoitzan, apustu-etxeen kontrako ekintzan

Eragin Bilbo gazte prekarizatuen asanblada osatzen duten dozena bat lagun RETA enpresak Errekalde auzoan duen egoitzara sartu dira, Carlos Sobera telebista aurkezlearen maskarak jantzita, "gazte langileen egoera ekonomiko lotsagarriaz baliatzen diren enpresa nazkagarriak" auzoetatik joan daitezela eskatzeko.


2019-03-29 | Uztarria
Hamar elkarretaratze egin ostean, amaitu dute Azpeitiko apustu etxearen kontrako ekimen iraunkorra

Urtarrilean hasi zen Azpeitiko Elkar-ekin taldea ostegunetan apustu etxearen kontrako protestak egiten. Hamar elkarretaratze jarraian egin ondoren, ostegunean amaitu zuen Elkar-ekinek apustu etxearen aurkako ekimen iraunkorra.


2019-03-21 | Jon Torner Zabala
Madrilek apustu etxeen iragarkiak debekatu ditu telebista eta irrati autonomikoetan

Madrilgo Batzarrak hala erabakita, hedabide publiko autonomikoek debekaturik izango dute apustu etxeen iragarkiak emititzea. Telemadrid telebista kateari eta Onda Madrid irratiari eragingo die debekuak.


Adin txikikoek apustu etxean jokatzeko oztoporik ez Azpeitian

Adin txikiko batek oztoporik gabe herriko apustu etxe batean nola jokatu dezakeen grabatu du Azpeitiako (Gipuzkoa) Ernaik. Ekintzaren bideoarekin batera idatzi bat egin dute publiko, Uztarria.com-ek argitaratu duena.


2019-02-14 | ARGIA
Adin txikikoek Azpeitiko apustu etxean jokatzeko oztoporik ez dutela erakusten duen bideoa

Ernai erakundeak egindako bideoan ikus daitekeenez, 16 urteko gazteak arazorik gabe jokatzen du RETA enpresak Azpeitian ireki duen apustu etxean


2019-01-30 | I˝igo Igartua
Apustu etxeen aurkako pankartak jarri dituzte Arrasaten, eta Bilbon Udalari neurriak eskatu

"Apustu etxeak kanpora" edo "zuen aberastasuna, herriaren miseria"  leloak dituzten pankartak jarri dituzte Arrasateko Jaiki taldeko kideek Codere apustu etxe batean. Jokoaren mendekotasunaren inguruan antolatu duten hitzaldira bertaratzeko deia egiten duten kartelak ere itsatsi dituzte.


Azkenak
EGILEA
Eguneraketa berriak daude