Mankomunitateak deuseztatzeko asmoa dauka PPren gobernuak
Administrazio lokalaren erreformarekin, Espainiako gobernuak 3.500 milioi euro aurreztu nahi ditu. Baina horretarako, mankomunitateak deuseztatu eta zinegotzi kopurua gutxitu nahi du.
PPk 2012ko abenduaren 29an bidali zion erreforma hori egiteko aurreproiektua PSOEri eta horren ondoren zabaldu denez, Espainiako Estatuko udalei hainbat konpetentzia kendu nahi dizkie. Gainera, udalen gainetik dauden erakundeak deuseztatzea jarri du helburu Rajoyren gobernuak –mankomunitateak edo kuadrillak, adibidez–.
Helburu horrek talka egin dezake EAEko edo Nafarroako marko juridikoarekin. EAJko Emilio Olabarriak Noticias de Gipuzkoari aurreratu dionez, Gernikako Estatutuak eta Lurralde Historikoen Legeak babesten ditu udalen gaineko erakunde horiek.
Olabarriak, erreformaren xehetasunak ezagutzen ez dituen arren –PPk oraindik ez die gainontzeko alderdiei bere asmoen berri zehatzik–, kezka adierazi du: Espainiako gobernuak EAEren berezitasunak “ahaztu” ote ditzakeen susmoa daukala adierazi dio Raquel Ugarriza kazetariari.
Bestalde, Rajoyk %30 inguru gutxitu nahi du zinegotzi kopurua eta soldata izango duten ordezkari publikoen kopurua zehaztuko du, herritar kopuruaren arabera. Gainontzeko zinegotziek dietak bakarrik kobratu ahalko dituzte.
Europako Banku Zentraleko lehendakari orde Luis de Guindosek Europak dituen "mehatxuez" hitz egin du Bartzelonan: "Berriz ere erreforma estrukturalen inguruan hitz egin behar dugu".
Europar Batasuneko Ekonomia eta Finantza ministroen Ecofin kontseiluak arau fiskal zorrotzagoak ekarri dizkigu opari urte berriarekin. Pandemia ondorengo norabidea aldatu eta berriz ere inbertsio publikoa txikitzea eta herrialdeek murrizketak egin behar izatea ekarriko du... [+]
Europar Batasuneko 27 herrialdeetako ekonomia eta finantza ministroen kontseiluak arau fiskal zorrotzagoak ezartzea adostu du abenduaren 20an. Azken urteetako norabidea aldatu eta berriz ere inbertsio publikoa txikitzea eta herrialdeek murrizketak egin behar izatea ekarriko du... [+]
Araba, Bizkaia eta Gipuzkoako sektore publikoan greba eguna da gaurkoa, ELA, LAB, CCOO, Steilas, SATSE eta ESK sindikatuek deituta. Goizaldean abiatu dira lehen zutabeak eta manifestazioa handienak eguerdian egingo dituzte hiriburuetan.
Hizkuntza gabeziari lotutako hezkuntza atzerapenak eta premia handiak dituzte Gasteizko Federico Baraibar institutuko ikasleek. Beti baliabidez urri dabiltzala, baina hurrengo ikasturterako Eusko Jaurlaritzak esleituriko baliabidetan murrizketak izango dituztela salatu dute... [+]