Europako Banku Zentraleko lehendakari orde Luis de Guindosek Europak dituen "mehatxuez" hitz egin du Bartzelonan: "Berriz ere erreforma estrukturalen inguruan hitz egin behar dugu".
Azken asteetan beste hainbat agintarik egin moduan, EBZko buruek ere armagintzaren industriarako gastua handitu eta diru hori beste nonbaitetik kentzeko beharraz hitz egin dute.
Luis de Guindos espainiar Ekonomia ministro ohi eta EBZko lehendakariordea Bartzelonan izan da, Godó enpresa taldearen Vanguardia Foroan parte hartzeko, eta adierazpen esanguratsuak egin ditu: "Mundua aldatzen ari da eta mehatxuak entzun ditugu", esan du bere diskurtsoan, eta horren ondorioz Europak "defentsan gehiago gastatu behar du, hori ebidentziaa da".
Bere esanetan EBk "bere kabuz defenditzeko" gai izan behar du, eta izenik esan gabe, Donald Trump AEBetako presidente izateko hautagaiak egindako adierazpenak nabarmendu ditu. Trumpek esan zuen ez dituela babestuko NATOko europar herrialdeak Errusiaren aurrean, baldin eta ez badute euren Barne Produktu Gordinaren %2 baino gehiago gastatzen armetan.
Hala, EBZko agintariak "erreforma estrukturalak" iragarri ditu, defizit publikoa eta zor publikoa jaisteko, baina aldi berean gastu militarra handitzeko. Gogorarazi du herrialdeek politika fiskalari buruzko euren programak aurkeztu beharko dituztela irailean, eta Europako Batzordeak aztertu beharko dituela "doitze fiskal" horiek.
Vanguardia Foroak hainbat babesle ditu, tartean Indra, Espainiako Estatuan armagintzaren industriako enpresa nagusienetakoa dena.
Europar Batasuna pandemia aurreko zerga arau zorrotzetara bueltatzeko bidean da, Europako Parlamentuak estatu kideek duten defizita eta zorpetzea mugatzeko neurri fiskal berriak onartu ostean. Ecofinek 2023 urte amaieran erabakitakoari jarraiki, austeritate eta murrizketa... [+]
Europar Batasuneko Ekonomia eta Finantza ministroen Ecofin kontseiluak arau fiskal zorrotzagoak ekarri dizkigu opari urte berriarekin. Pandemia ondorengo norabidea aldatu eta berriz ere inbertsio publikoa txikitzea eta herrialdeek murrizketak egin behar izatea ekarriko du... [+]
Europar Batasuneko 27 herrialdeetako ekonomia eta finantza ministroen kontseiluak arau fiskal zorrotzagoak ezartzea adostu du abenduaren 20an. Azken urteetako norabidea aldatu eta berriz ere inbertsio publikoa txikitzea eta herrialdeek murrizketak egin behar izatea ekarriko du... [+]
Araba, Bizkaia eta Gipuzkoako sektore publikoan greba eguna da gaurkoa, ELA, LAB, CCOO, Steilas, SATSE eta ESK sindikatuek deituta. Goizaldean abiatu dira lehen zutabeak eta manifestazioa handienak eguerdian egingo dituzte hiriburuetan.
Hizkuntza gabeziari lotutako hezkuntza atzerapenak eta premia handiak dituzte Gasteizko Federico Baraibar institutuko ikasleek. Beti baliabidez urri dabiltzala, baina hurrengo ikasturterako Eusko Jaurlaritzak esleituriko baliabidetan murrizketak izango dituztela salatu dute... [+]