Astearte goizeko 10:30etan hasi da ELA eta LAB sindikatuek deituriko manifestazioa, Gasteizen. Uztailaren 22an gizarte elkarrizketaren mahaiaren harira Eusko Jaurlaritzak, Confebaskek, CCOOk eta UGTk negoziazio kolektiboaren inguruan sinatutakoa salatu dute eta “bozetan langileek aukeratutako gehiengo demokratikoa” errespetatzeko aldarrikatu dute.
Manifestazioa Lehendakaritzaren egoitzaren aurrean amaitu da eta bertan hitza hartu dute ELA eta LABeko idazkari nagusi Adolfo Muñoz eta Ainhoa Etxaidek. Muñozek “gobernuak patronalari emandako babesa sindikalgintzaren askatasunaren aurkako erasoa” dela adierazi du eta Eusko Jaurlaritzari eskatu dio akordioa bertan behera uzteko. Urkullu buru duen gobernuak “patronalaren ‘erabakitzeko eskubidea” babesten duela gaineratu du.
“Aztertzen ari direna patronalaren boterea oztopatzen duena erditik kentzea da. Gu oztopo bat gara eta erditik kendu nahi gaituzte”, azaldu zuen Etxaidek irailaren 12an izandako manifestazio deialdiaren aurkezpenean.
Euskal langileok ez dugu iruzurrik onartuko. PNV-CONFEBASK-CCOO-UGT langileon hitza errespetatu #prekarietatearistop pic.twitter.com/V9bM2Xvzgb
— LAB OarsoBidasoa (@LABoarsobidasoa) 13 de septiembre de 2016
Gaur Gasteizen elkartuko gara lan-harremanen esparru propioaren alde #GehiengoaErrespetatu #IruzurrikEz pic.twitter.com/mOjVedkRs9
— ELA sindikatua (@ELAsindikatua) 20 de septiembre de 2016
Twitterren #IruzurrikEz traola erabiltzen ari dira informatzeko. Azpian txio jarioa.
Aste honetan egiten ari dira lanuzteak, lan-baldintzetan hobekuntzak exijitzeko. Aurreko hiru hilabeteetan ere izan dituzte grebak.
Gaur, apirilak 16, Eusko Jaurlaritzari eta Industria Sailari beren industria-politikan jarrera aldaketa bat exijitzeko manifestazioa egin dute Bizkaiko 60 industria-enpresa inguruk Mecaner enpresako langileakaz batera, Bilbon. Adierazi dute "hitzetatik ekintzetara"... [+]
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Langileen aldarrikapenak eztabaida politikoaren erdigunera eraman, eta aldaketa soziopolitikoa lortzeko "eragile aktibo" izanen dela nabarmendu du LABek 50. urteurreneko ospakizunean.