Maiatzaren Lehena berezia izan da aurten Euskal Herrian, konfinamenduak behartuta kalean apenas egin baita mobilizaziorik, auto karabana batzuk salbu. Balkoiak eta sare sozialak bilakatu dira aldarrikapen bozgorailu.
Aurtengoan, Hego Euskal Herrian, ELA, LAB, ESK, Steilas, Hiru eta Etxaldek irudi bera baliatu dute Maiatzaren Lehenaren aldarria plazaratzeko, eta makina bat herritarrek atera dute balkoira edota sare sozialetan zabaldu, ELAk osatutako argaki-galeriak erakusten duenez.
Ipar Euskal Herrian, indarrak batu dituzte CGT, LAB, Bizi!, Aitzina eta Egiazko Berdintasunaren Alde kolektiboak.
ELA: "Kolektiboak eta publikoak guztion berdintasuna bermatzen dute, eta horrek bakarrik salba gaitzake"
ELAko idazkari nagusi Mitxel Lakuntzaren hitzetan, aurtengo Maiatzaren Lehenak "gogorarazi digu zeintzuk diren bizitzarako ezinbestekoak diren enplegu eta sektoreak, eta kolektiboa eta publikoa direla bizitzak aurrera egiteko berme bakarra". Lakuntzak nabarmendu du zer nolako "injustizia humanitarioa" izan den milaka pertsona hiltzea, osasun arreta nahikorik eta behar bezalako segurtasunik izan ez dutelako: "Pandemiak ez digu guztioi berdin erasan; klase irakurketa ere egin daiteke. Aurtengo aldarriak berebiziko mezua dakar berarekin batera: gogoratzen du zer den funtsezkoa biziak jarrai dezan; zeintzuk diren behar-beharrezko sektore eta enpleguak, eta kolektiboa eta publikoa denaren balioa, bera baita berme bakarra egun bizi dugun moduko erronka larriei aurre egiteko".
Guretzat, Maiatzak 1 egunero da. Ezin izango ditugu kaleak hartu, baina transmititu nahi dugun mezua hil ala bizikoa da. #BizitzaGara pic.twitter.com/8UxDHJ9aDf
— ELA Bilbo (@ELABilbo) May 1, 2020
LAB: "Kapitalaren boterea fronte guztietan borrokatuko dugu: enpresetan, kalean eta instituzioetan"
Garbiñe Aranburu idazkari nagusiak adierazi duenez, "indarrean dagoen eredu kapitalista, heteropatriarkala eta ekozida honek ezinezkoa bilakatzen du bizitza duina". Gaineratu du konfinamendu eredu hau "kapitalaren, enpresa handien interesen arabera" diseinatua izan dela, eta hartzen ari diren erabakietan pertsona eta osasuna ez daudela erdigunean. "Eta horrek, gu guztiok, herritarrok, konfinamendu gogor bat pairatzera eraman gaitu. Era berean ere, egoera hau baliatzen ari da Estatuen aldetik zentralizazioaren aldeko apustua egiteko, militarizazioan sakontzeko, kontrol soziala areagotzeko. Gure askatasun indibidualak urratuak izan dira, baita eskubide zibil, sozial eta politikoak ere".
Langileontzat Maiatzaren Lehena beti da berezia, aurtengoa ezhoikoa, baina ez horregatik mamirik gabea. Esandakoa, garai berri baten aurrean gaude, oztopoz baina aukeraz betea, prest gaude mundua eraldatzen jarraitzeko. Animo eta aurrera! #MaiatzarenLehena2020 #BizitzaErdigunera pic.twitter.com/LxKuZvjniM
— LAB SINDIKATUA (@LABsindikatua) May 1, 2020
ESK eta Steilas, elkarrekin...
ESK eta Steilas sindikatuek elkarrekin ospatu dute aurtengo Maiatzaren Lehena, Bizitza vs kapitala leopean. Iruñean sei laguneko elkarretaratze estatikoa egin dute ESK, Steilas, CGT eta Solidari sindikatuek Recoletas plazan. LAB elkarretaratzera gonbidatu dute, sindikatuak Nafarroan aurreikusita zituen mobilizazioak debekatuak zeudelako.
Los sindicatos @ESKsindikatua @STEILAS_ @cgtnafarroa @solidari_sind hemos celebrado el #1mayo en #Iruñea .
— ESK Sindikatua (@ESKsindikatua) May 1, 2020
Hemos invitado a @LABsindikatua que se han sumado a nuestro acto ya que su celebración estaba prohibida.
Gora langileria! Gora Elkartasuna!#BizitzaErdigunean pic.twitter.com/I9ZwxLACHq
... baita CCOO eta UGT ere
CCOOk eta UGTk ere elkarrekin ospatuko dute Maiatzaren Lehena, Lana eta zerbitzu publikoak, beharrezkoa da beste eredu sozial eta ekonomiko bat lelopean.
Loli Garcia CCOO-Euskadiko idazkari nagusiak azpimarratu duenez, osasun krisiak argi utzi du "funtsezkoena gizarte hau mantentzea bermatu duten langile guztiak" direla. Zaintza erdigunean jarri beharra nabarmendu du Garciak.
Bestalde, UGT-Euskadiko idazkari nagusiak, Raul Arzak, "lan segurua" eskatu du, baita ERTE sistemak alarma egoeratik haratago jarraitzea ere, "ahalik eta lanpostu gehien bermatzeko eta mantentzeko". Halaber, nabarmendu du "enpresa pribatuen eskuetan jartzen ditugun funtsezko zerbitzuei buruz hausnartu beharra dagoela".
Aste honetan egiten ari dira lanuzteak, lan-baldintzetan hobekuntzak exijitzeko. Aurreko hiru hilabeteetan ere izan dituzte grebak.
Gaur, apirilak 16, Eusko Jaurlaritzari eta Industria Sailari beren industria-politikan jarrera aldaketa bat exijitzeko manifestazioa egin dute Bizkaiko 60 industria-enpresa inguruk Mecaner enpresako langileakaz batera, Bilbon. Adierazi dute "hitzetatik ekintzetara"... [+]
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Langileen aldarrikapenak eztabaida politikoaren erdigunera eraman, eta aldaketa soziopolitikoa lortzeko "eragile aktibo" izanen dela nabarmendu du LABek 50. urteurreneko ospakizunean.