Macroni COVID-19a diagnostikatu diote eta Gobernuko hainbat kide isolaturik daude
Jean Castex Frantziako Lehen Ministroak jakinarazi du isolatuta dagoela, azken egun hauetan presidentearekin harremanetan egon delako. Beste batzuk ere egon daitezke, justu bezperan afaria egin zutelako bere alderdiko eta Modem alderdi zentristako hainbat hautetsiren artean.
Zazpi egunez isolaturik egonen da Emmanuel Macron Frantziako presidentea, koronabirusa duelako. Nahiz eta sintomarik ez ukan, isolaturik egonen da Lehen Ministroa ere. Baina baliteke beste hautetsi batzuk ere PCR testan positibo agertzea, justu bezperan La Republique en Marche eta Modem alderdietako hainbat hautetsi egon zirelako Macronen inguruan, afaltzen. Eskualdeetako hauteskundeak, ekologiari buruzko erreferenduma eta ondoko hilabeteetako erreformak ukan zituzten aipagai, goiko kargudunen arteko afari horretan.
Hori horrela, Castexek ezin izan du ostegun honetan "txertoari buruzko estrategia" aurkeztu Senatuan eta Olivier Veran Osasun ministroak hartu du honen ardura. Ministroen Kontseilua ere bideokonferentziaz egingo dute ondoko egunetan. Pedro Sanchez Espainiako Estatuko presidentea ere abenduaren 24a arte egonen da berrogeialdian, Macronekin bildu zelako astelehenean.
Txertoari buruzko estrategia
Haatik, bezperan Legebiltzarrean aurkeztu ahal izan zuen txertoari buruz harturiko estrategia Lehen Ministroak. "Baldintza guztiak betetzen badira, lehen txertoak abenduko azken astetik aurrera egin daitezke, abiadura azkartuz urtarrilaren hasieratik goiti". Lehen fasean, zahar etxeetako egoiliarrei eta egitura horietan arriskuan dauden profesionalei bideratuko dizkiete txertoak –milioi bat lagun inguru–. Bigarren fasean eta "hornidurak egin ahala", txertoa arrisku-faktoreak dituzten beste 14 milioi frantsezi helaraziko zaie, eta gero, "udaberriaren bukaeran", "publiko orokorrarentzat" zabalduko dituzte.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.