Lurralde antolaketak nola eragiten du erabiltzen duzun hizkuntzan?
Lurralde antolaketak, hazkunde urbanistikoak esate batera, hiztun komunitateetan eragiten du, hizkuntza aldaketak sorraraz ditzake. Lurraldea & Hizkuntza jardunaldietan kontzeptu hori bereziki arnasguneetan nola garatzen den landuko dute.
Gipuzkoako Foru Aldundiak, Udalerri Euskaldunen Mankomunitateak eta Euskararen Gizarte Erakundeen Kontseiluak antolatu dituzte Donostian urtarrilaren 16an eta 17an egingo diren jardunaldiak. Udako Euskal Unibertsitatea izango dute bidelagun bi egun horietarako. Aipatu lehen hiru erakundeek ELE / Arnasguneak hedatuz proiektua abian jarria dute eta berau gizarteratzeko antolatu dituzte jardunaldiak.
Bi eguneko saioek hiru helburu dituzte: batetik, geografia eta hizkuntzaren arteko harreman estuaz hausnartzea; bigarrenik, lurralde antolaketak eta hirigintzak euskararen hiztun komunitatearengan duen eragin zuzenaz ohartaraztea; hirugarrenik, eragin hori kontuan har dadin hartu beharreko neurriez hausnartzea, kalteak murrizteko eta onurak indartzeko.
Euskal Herriaz kanpoko arnasguneetako (euskara nagusi den gune geografiko edo soziofuntzionalak dira) esperientziak entzun ahal izango dira Donostian, baita herri euskaldunen bizipenak eta beharrak mahai gainean jarri ere.
ELE /Arnasguneak hedatuz sortu aurretik Kontseiluko hainbat bazkide ari ziren alor hori jorratzen. Bertsozale Elkartea, Emun, Euskal Herrian Euskaraz, Euskaltzaleen Topagunea eta UEMAk lan-taldea osatua zuten. Haiek, egindako gogoetatik ondorioztatu zuten arnasguneek duten garrantziaz jabetu behar dutela eragileek eta gizarteak. Arnasguneen garrantziaz gain, euskararentzat gune berriak irabazteko jendartea aktibatzea proposatzen du lan-taldeak.
Lurraldea & Hizkuntza jardunaldietako egitaraua eta izen ematea
Kontseiluak arnasguneei buruz egindako bideoa
Egitarau aberatsa muntatu du beste behin Basaizea elkarteak: bertsolariak, dantzariak, gaiteroak, txarangak, herri bazkaria, merkatua eta kontzertuak. "Folklorismotik haratago", euskararen zilegitasuna aldarrikatuko dute Baigorritik apirilaren 28an.
Nafarroa Garaian euskararen aldeko jarrera gero eta handiagoa izan dadin ildo diskurtsibo berriak proposatu ditu Euskaltzaleon Topaguneak
Lazarraga kultur elkarteak jaso du udalaren eskutik 2023ko dirulaguntzaren zuriketaren xedapena: 112.000 euro itzuli beharko ditu. Elkarteak adierazi du “udalaren borondate faltak” Gasteiz Antzokiaren proiektua kolokan jarri duela eta “udalak sortutako... [+]
Euskararen Erakunde Publikoak (EEP) batzar orokorra izan du astelehenean 2024ko aurrekontua bozkatzeko. Alain Iriart, Euskal Elkargoko ordezkaria kontra bozkatu duen bakarra izan da.