Lurra eta Etxebizitza kolektiboak ostiraleko atxiloketak salatuko ditu Donibane Lohizunen
Lurra eta Etxebizitza kolektiboak deituta, elkarretaratzeak egingo dira bihar Donibane Lohizuneko komisaldegiaren aurrealdean, ostiralean atxilotutako bi lagunei babesa dierazteko.
aurre egingo dieten hedabide independenteak
Etxebizitzaren arazoa gizarteratu eta espekulazioaren aurka egitea du xede kolektiboak.
Ostiralean, poliziak bi lagun atxilotu zituen Donibane Lohizunen, Côte Ouest Immobilier higiezinen agentziaren aurka egindako ekintzaren harira. Hura okupatu eta beste zazpi agentzia ixtera behartu zituzten kolektiboko kideek. Ondoren manifestazioa egin zen, eta poliziak orduan atxilotu zituen bi lagunak, identifikatzeari uko egiteagatik. Ondorengo liskarretan beste hiru lagun zauritu zituen poliziak.
"Herrian 5.566 bigarren etxebizitza edo etxe huts daude; hau da, etxebizitzen erdia", nabarmendu dute kolektiboko kideek, Kazeta.info-k jaso duen bezala: "Agentziak dira Ipar Euskal Herriak pairatzen duen espekulazioaren aktore nagusiak".
Bi atxilotuak aske geratu ziren, baina bihar komisaldegian agertu beharko dute. Haiei babesa adierazteko bi elkarretaratze egingo dira: goizeko 10:00etan lehena eta 14:00etan bigarrena.
Ezkutuko grabaketak
Agentzia batzuetan ezkutuko mikfrono batekin grabaketak egin dituzte kolektiboko kideek. Grabazio horiek ardatz dituen bideoa sarean jarri dute jada:
