LOMCE indargabetuko duen Hezkuntza Legeari argi berdea eman dio Espainiako Gobernuak

  • Hego Euskal Herriko ikastetxeetan eragingo duen Hezkuntza Legea onartu du Espainiako ministroen kontseiluak. Bertan behera geratuko dira LOMCEk ezarri zituen errebalida polemikoak eta ibilbide espezializatuak, eta Erlijioa ez da notarako izango, besteak beste.


2020ko martxoaren 03an - 15:11

PPk bultzatu zuen LOMCE legearen aurka agertu ziren hasieratik hezkuntza eragileak eta oposizioko alderdi politikoak, eta mobilizazio jendetsuak eragin zituen gizartean. Orain, beste lege bati argi berdea eman dio Espainiako gobernu berriak, Isabel Celaá Hezkuntza ministroa buru (Eusko Jaurlaritzako Hezkuntza sailburu izandakoa), eta Espainiako parlamentuak onartzea izango da hurrengo urratsa.

Hego Euskal Herrian, Espainiako Estatuak %55eko eskumena izango du hezkuntzan (alegia, edukien %55 zehaztuko duela) eta  Madrilgo Gobernuak ezarritako oinarriei lotuta jarraituko du gure ikastetxeetako jardunak.

Datozen aldaketak

Aldaketen artean, aipagarria da errebalidak bertan behera geratuko direla, baina ebaluazio diagnostikoak egingo dituzte Lehen Hezkuntzako 4. mailan eta DBHko 2. mailan. EAEn, kanpo-ebaluazioak egin ditu urteotan Eusko Jaurlaritzak, esanez ez direla errebalidak, ebaluazio diagnostikoak baizik. Ikasgaien arabera aukeratu beharreko ibilbide espezializaturik ere ez da egongo. Erlijio ikasgaia ikastetxeetan ematen jarraituko dute, baina ez du espedienteko notarako eraginik izango eta Erlijioa jasotzen ez duten ikasleek oraindik zehaztu ez den “beste zerbait” egingo dute. Balio zibiko eta etikoei loturiko ikasgaia ikasle guztiek jasoko dute.

Celaák ez ditu nahi hainbeste errepikatzaile

Espainiako Estatuan ikasle errepikatzaile gehiegi dagoela iritzita, kopurua txikitzeko neurriak ezarri nahi ditu lege berriak. Adibidez, irakasle guztiek adostuta hartu beharko da ikasle batek errepikatzeko erabakia eta ikasgai bat gainditu gabe ere lortu ahalko da Batxiler titulua (ikasturtea errepikatzearen inguruan artikulu sakona argitaratu genuen Argian: Icebergaren tontorra).

Indarkeria matxistaren prebentzioan eta konpetentzia digitaletan ere indarra jarri nahi du legeak, Celaáren esanetan.

Humanitateei lekua egiteko eskatu dute

Bestalde, lege berria datorrela aprobetxatuz, arteei, filosofiari eta orokorrean humanitate arloko ikasgaiei presentzia handiagoa emateko (edo gutxienez LOMCEren aurretik zuten lekua berreskuratzeko) eskatu dute arlo horietako irakasleek.


Kanal honetatik interesatuko zaizu: Hezkuntza
2024-05-17 | UEU
37 euskal ikertzailek hartu dute parte Txiotesia7 lehiaketan

37 euskal ikertzailek hartu dute parte asteartean Txiotesia7 lehiaketan. Mastodon eta X/Twitter sare sozialetatik zabaldu zituzten beren ikerketa lanak, euskaraz.


Itxialdiak egin dituzte Iruñerriko institutuetan Gazaren alde, nahiz eta Nafarroako Gobernuak espresuki eskatu ez baimentzeko

Astearte gauean Israelen genozidioaren aurkako itxialdia "normaltasunez" egin dute DBH eta Batxilergoko ikasleek Iruñerriko hainbat institututan, ARGIAri kontatu diotenez. Itxialdi horiek egin ez zitezen saiatu da Nafarroako Gobernua, astearte eguerdian... [+]


Heziketa perfektuaren sindromea: nekeak jotako gurasoak eta presioak itotako haurrak

Heziketa perfektua jasoko duen seme-alaba perfektua izateko nahiak eta espektatiba eta lorpenetan oinarritutako kulturak estresa, antsietatea eta jarrera arazoak sortzen dituzte, eta zabalduta dagoen fenomenoa da gainera. Hala dio ikerketa berri batek.


Pantailarik gabeko aisialdiari ekin diote 1.553 ikaslek Ipar Euskal Herrian

Hamar egunez, aisialdi orduetan telebista, bideo-joko eta smartphoneak alboratuko dituzte gutxienez 1.553 ikaslek, Ipar Euskal Herrian. Helburua lortzeko, pantailarik gabeko alternatibak diseinatu dituzte aisialdirako, denok bat eginik deskonexio digitala errazagoa dela... [+]


2024-05-13 | ARGIA
Beskoitzeko ikastola eraikitzeko baliatuko da Herri Urratsen jasotako dirua

Maiatzaren 12an Senpereko lakuaren inguruan egin da Herri Urrats, ohi bezala. 41. edizioan Nekane Artola Ikastolen Elkarteko lehendakariak hiru gauza galdegin ditu: baliabideak, hizkuntza politika ausartagoak eta euskararen ofizialtasuna.


Eguneraketa berriak daude