Lobby elektrikoaren presioak EBren klima politika ahuldu du
Europar Batzordeak klima aldaketari aurre egiteko helburu berriak aurkeztu ditu. Gizarte mugimenduko hainbat eragilek atzerapauso nabarmenak iragarrita zituzten; azkenean haien beldur guzti-guztiak gauzatu ez badira ere, elkarte ekologistek gogor kritikatu dute EBren proposamena. Greenpeacek, berbarako, orain arteko europar klima politikari traizio egin zaiola esan du.
Orain arteko planak, 20-20-20 izenaz ezagutu izan denak, 2020. urtea zuen helmuga, eta hiru helburu zituen ezarrita. Batetik, negutegi efektuko gasen igorpena %20 murriztea. Bigarrenik, energia berriztagarrien portzentajea, energia gastu osoarekiko, %20ra iristea. Bi horiek lotesleak ziren. Hirugarrena, borondatezkoa, efizientzia energetikoa %20 hobetzea zen, era horretan kontsumoa gutxitzeko. Plan horrek alderdi eztabaidagarriak zituen, baina orobat egokitzat jotzen zuten are EBren politikekin kritikoen agertzen zirenek ere.
Zer aldatu da
Igorpenak. Plan berriak 2030erako helburuak ezarriko ditu. Batetik, igorpenen murrizketa portzentajea nabarmen igo da, %40raino (azkenik %35ean gera liteke), eta loteslea izaten jarraituko du. Alabaina, portzentaje hori Klima-aldaketari buruzko Gobernuarteko Taldeak (IPCC) gomendatu duen %50-60aren oso azpitik dago.
Energia berriztagarriak. Hainbat elkarte ekologistak iragarri –eta gogor kritikatu– zuten Europar Batzordeak igo egingo zuela mix energetikoan berriztagarriek izan beharreko gutxieneko portzentajea (20tik %25 ingurura), baina helburu hori loteslea izan gabe. Azkenik, EBk amarrua egin du: portzentajea igo da, %27ra hain zuzen, eta derrigortasuna mantenduko da, baina EB osorako baino ez. 2020rako planean, estatu bakoitzak nahitaez bete beharreko gutxieneko portzentaje bat zeukan ezarrita, baina derrigortasun hori ez dute 2030erakoan. Baldintza horietan helburu globala nola lortuko den ikusteko dago.
Bestalde, guztizko portzentaje-igoera oso motz geratu da Greenpeacen ustez, Europar Batasunak kontsumitzen duen energia guztiaren erdia iturri berriztagarrietatik lortu bailezake aparteko arazorik gabe. Bestela esanda, %27ko portzentajea betetzeko "errazegia" da (kontuan hartu behar da dagoeneko %16ra iritsi dela).
Efizientzia. Europak bete egingo ditu igorpenei eta berriztagarriei zegozkienez 2020rako ezarrita zeuzkan helburuak, ez ordea efizientziarena. “Loteslea ez dena, ez da betetzen”, gogorarazten du Greenpeacek. Proposamen berriak ez du hori konponduko, EBk uko egin dio oraingoz arlo horretan helburuak zehazteari.
Lobbyen lana gertutik segitzen duen CEO elkartearen esanetan, konpainia elektriko handiek presio itzela egin dute EBk haien nahietara moldatutako plana ondu dezan –ikus joan den astean argitaratu genuen erreportajeko lehenbiziko koadroa–, eta gaur aurkeztutakoa horren emaitza da.
Planaren behin betiko forma, hala ere, ez dugu martxora arte ezagutuko. Europar Batasuneko estatuburu guztiak bilduko dira orduan, eta haiek eman beharko diote erabateko onespena gaur Batzordeak aurkeztutakoari.
Ehun konpainia multinazional baino ez daude baliabide naturalen erauzketarekin lotutako gatazka guztien % 20aren atzean, Bartzelonako Unibertsitate Autonomoak egin duen ikerketa baten arabera. Ikerketak agerian utzi du iparralde globaleko herrialdeetako konpainiak baliabideez... [+]
Berria izateari utzi dio: beroketa globalak bi graduak gaindituko ditu, eta gainditze horrek ondorio oso garestiak ditu. Klimaren gaia tabu bilakatzen ari den testuinguru berri honetan, banketxe handiek ez dute horri buruz komunikatzen, baina arazoaz ongi jabetu dira eta... [+]
Klima-aldaketari buruzko BC3 ikerketa-zentroak baieztatu duenez, Europako hiriak atzera geratzen ari dira klima-aldaketari egokitzeko neurrietan. Hain zuzen, nazioarteko beste zentro batzuekin batera egindako ikerketan frogatu dute egokitzapen klimatikoko planen ia % 70k ez... [+]
Apirilaren 28ko gauean Bartzelonako Badal Ramblako terrazak gainezka zeuden; hoztu gabeko garagardoak zerbitzatzen ziren, baina jendeak zoriontsu zirudien. “Munduaren amaierak iritsi behar badu, pozik harrapa gaitzala”, esaten zidan auzokide batek. Hamar ordu baino... [+]
Antonio Turiel fisikari eta CSICeko ikerlariak aspaldiko urteetan ez bezala bete zuen Hernaniko Florida auzoko San Jose Langilearen eliza asteazkenean. Zientoka lagun elkartu ziren Urumeako Mendiak Bizirik taldeak antolatuta Trantsizio energetikoaren mugak izeneko bere hitzaldia... [+]
Klima aldaketaren eraginez, munduko lurralde gero eta gehiago idortzen ari dira, milioika pertsonaren jarduera eta bizimoduak kolokan ezarririk. Fenomeno horren frontean dago India erdialdeko Maharashtra estatua, non klimaren berotzeari eta lehortzeari metatu zaizkien oihan... [+]
Donostiako Zurriola Haur Hezkuntza, La Asunción eta The English School ikastetxe inguruak eta Bilboko Kontxa Eskola eta Calasancio-Escolapios dira nitrogeno dioxidoaren muga legala gainditzen dutenak, Ekologistak Martxanek hainbat eskola ingurutan egindako azterketaren... [+]
Copernikusek eta Munduko Meteorologia Erakundeak urte hasierako ikerketak berretsi dituzte: Europak bero errekorra hautsi du. Gutxienez 413.000 kaltetu eta 335 hildako izan ziren iaz ekaitz eta uholdeengatik, Europan.
Egungo Venezia 118 uhartez osaturiko artxipelago baten gainean eraikita dago. Uharte horiek 455 zubik elkar lotzen dituzte. Lura baino lokatza du oinarri hiriak. Inguruetako milioika zuhaitz mozteari ekin zioten IX. mendetik aurrera, piloteak eraiki eta hiria zimendatzeko... [+]
Munduan gutien aipaturiko krisi humanitarioa da Angola hego-mendebaldean 2019az geroztik irauten duena. Klima aldaketak indarturiko lehorte luze baten ondorioz milioika pertsona janari eskasean edo desegokitasunean bizi dira eta ura bilatzeko ahalegin handiak egin beharrean... [+]
Lurrak guri zuhaitzak eman, eta guk lurrari egurra. Egungo bizimoldea bideraezina dela ikusita, Suitzako Alderdi Berdearen gazte adarrak galdeketara deitu ditu herritarrak, “garapen” ekonomikoa planetaren mugen gainetik jarri ala ez erabakitzeko. Izan ere, mundu... [+]
Eskola inguruko natur guneak aztertu dituzte Hernaniko Lehen Hezkuntzako bost ikastetxeetako ikasleek. Helburua, bikoitza: klima larrialdiari aurre egiteko eremu horiek identifikatu eta kontserbatzea batetik, eta hezkuntzarako erabiltzea, bestetik. Eskola bakoitzak natur eremu... [+]