Eskola inguruetako aire kutsadurarik handiena Donostiako hiru ikastetxetan eta Bilboko bitan atzeman dute
Donostiako Zurriola Haur Hezkuntza, La Asunción eta The English School ikastetxe inguruak eta Bilboko Kontxa Eskola eta Calasancio-Escolapios dira nitrogeno dioxidoaren muga legala gainditzen dutenak, Ekologistak Martxanek hainbat eskola ingurutan egindako azterketaren arabera. Gainerako ikastetxeek ere emaitza txarrak utzi dituzte. Arrazoi nagusia: eskola inguruetako trafiko handia.
Hirugarren urtea da Ekologistak Martxan elkarteak airea neurtzen duena ikastetxe eta osasun zentro inguruetan, airearen kutsadurak haur eta gazteengan duen eragina aztertze aldera. Espainiako Estatuko hamalau hirigunetako 174 hezkuntza-ingurune ikertu dituzte, Hego Euskal Herrian zehazki 48, batez ere trafiko ugari dutenak, eta emaitza garbia da: horietako bakar batek ere ez du lortu Osasunaren Mundu Erakundeak (OME) gomendatzen duen aire kutsadura maila ez gainditzea. OMEren arabera, urtean batez beste nitrogeno dioxidoaren 10 mikrogramo metro kubikoko gainditzea ez da onargarria, eta guztiek gainditu dute muga hori.
Legalki, 40 mikrogramo metro kubikoko karbono dioxidoa da muga, eta muga hori ere Donostian neurtutako bederatzi ikastetxeetatik hiruk eta Bilbon azterturiko hamaseietatik bik gainditu dute. Iazko urrian, zuzentarau berria onartu du Europar Batasunak, 2030erako bete beharko dena: 20 mikrogramora jaitsi du muga onargarria. Bada, muga hori Bilbon eta Donostian neurturiko gainerako ikastetxe guztiek gainditu dute: Bilbon, Basurto Eskolak (Autonomia kalekoak eta Zankoetakoak), Iparragirre Ikastolak, Indautxuko Eskolak (Autonomia eta Manuel Allendekoak), Jesuitak ikastetxeak, Pureza de Mariak, Miguel de Unamunok, Mujikak, Kontxa Haurreskolak, Deustuko Ikastolak, Nuestra Señora del Pilarrek, Botikazarrek, Atxuriko eskolak eta Cervantesek. Donostian, Zurriola Lehen Hezkuntzak, Zuhaiztik (Ategorrietan, Presentacion Marian eta Biterin), Jesuitak ikastetxeak eta Zurriola BHIk.
Barakaldo eta Tutera dira Euskal Herrian neurturiko beste bi hiriak. Barakaldon neurturiko bederatzi ikastetxe inguruetatik zazpik gainditu dute 20 mikrogramoko muga, eta gainerakoek gainditu dute OMEk gomendatzen duen muga. Tuteran, hamalautik sei dira 20 mikrogramoko muga gainditzen dutenak eta gainerakoek gainditu dute OMEren muga.
Aire kutsadura, bereziki kaltegarria haur eta nerabeengan
Ekologistak Martxanek gogoratu du nitrogeno dioxidoak, ingurumenarentzat kaltegarria izateaz gain, arnasbideak narritatzen dituela, eta bronkitis akutua edo kronikoa eragin dezakeela, denboraren eta esposizio-mailaren arabera. “Kutsadurak eskola-adineko gazteei eragiten die bereziki; izan ere, beren ezaugarri fisikoak eta garapena direla eta, egunean helduek baino askoz gehiagotan hartzen dute arnasa, eta beraz, beren gorputzak, proportzionalki, kutsatzaile gehiago jasotzen ditu”, ohartarazi du. Ez dugu ahaztu behar haur eta gazteek ordu asko igarotzen dituztela eskolan.
Aipatu bezala, trafiko handiko errepideak dira aukeratutako eskola inguruetako asko, eta igarotzen diren autoek, gainera, sarri ez dituzte betetzen horietan ezarritako abiadura mugak. Horri gehitu behar zaio guraso asko autoan doazela ikastetxera, seme-alabak eramatera eta hartzera, eta ondorioz, ordu jakin batzuetan trafikoa areagotzen da. Mugikortasun eredua “goitik behera” aldatu behar dela iritzi dio Ekologistak Martxan taldeak, kalitatezko garraio publikoa eta bizikletentzako bide egokiak behar direla, besteak beste, eskolara oinez edo bizikletaz modu seguruan joateko.
Eskola inguruak benetan oinezkoentzat izan daitezela eta neurketaren emaitza txarrak oso kontuan har ditzatela eskatu die udalei talde ekologistak.
Public Eye eta Unearthed Gobernuz Kanpoko Erakundeek eman dute gehiegikeria horren berri irailaren 23an plazaraturiko txostenean. Inportatzaileen zerrendan 93 herrialde ageri dira, eta horietatik hiru laurdenak diru sarrera txikiak edo ertainak dituzten herrialdeak dira.
Valle de Odietako epaiketa epaiaren zain geratu da ostiral honetan Iruñeko Justizia Jauregian akusatuek deklaratu eta akusazioek eta defentsak haien ondorioak azaldu eta gero. Ez da aldaketarik egon alde bakoitzak egindako eskaeretan.
Astearte honetan egin da Valle de Odietako makroetxaldearen aurkako epaiketa Iruñeko Justizia Jauregian. Epaileak ebatzi behar du ea 2021ean haien lur sailetan egindako isuri baten ondorioz, lur eremu horiek larri kutsatu zituzten ala ez, eta nork eragin zuen. Aditu... [+]
Plastikoaren kutsadura saihesteko azken gailurra porrot izugarriarekin amaitu da Suitzako Geneva hirian, abuztuan. Hori zuten bilatzen petrolio-herrialdeek, plastikoa milioika tonatan sortzen jarraitzeko. Birziklapena da beraien tekno-soluzioa, baina gero eta garbiago dago... [+]
Irailaren 2an hasi da epaiketa Iruñeko Zigor Arloko 2. epaitegian, ustez 2021ean makroetxaldeak haren inguruko lurrak minden hondakinekin kutsatzeagatik. Sasoi hartan Valle de Odieta makroetxaldeko administrazio kontseiluan ari ziren bost pertsona epaituko dituzte. ARGIA... [+]
Ikerketa batek ondorioztatu du adituek uste baino AMOC korrontearen kolapsoa egoteko aukera handiagoak daudela. Korrontean aldaketa handiek eta azkenengo kolapso batek euri tropikaletan eraldaketa handiak eragingo lituzke, Europan negu oso hotzak eta uda lehorrak izango... [+]
Europa barruan hegaldiak hartzea trenez bidaiatzea baino 26 aldiz merkeagoa izan daiteke, 31 herrialdetako 142 ibilbidetan oinarritutako Greenpeaceren ikerketa baten arabera. Hegaldien zerga pribilegioei egotzi die desparekotasuna, eta trenbidea merketzeko neurriak eskatu ditu.
Erabilera bakarreko plastikoen ekoizpenari eta erabilerari jarri nahi dizkiete mugak bereziki. Plastikoaren ekoizpena bikoiztu dute mende hasieratik, eta igoera horren arrazoia erabilera bakarreko plastikoak dira nagusiki.
The Lancet aldizkariak argitaratutako ikerketa batek eman du datua eta ohartarazi du plastikoaren ekoizpenak osasunean eragina duela bere ekoizpen prozesu osoan eta gazte zein helduei eragiten diela. Gehitu du 1950tik 200 aldiz biderkatu dela plastikoen ekoizpena.
220 milioi tona plastiko sortzen ditugu munduan eta %10a soilik birziklatu. Zifra hori, gainera, hamar urtez jarraian ez da aldatu. Iaz zabor plastiko horren herenak gaizki kudeatzeagatik gure inguruko bazter, erreka, itsaso eta atmosferan bukatu zuen. Greenpeacek salatu... [+]
220 milioi tona plastiko sortzen dira munduan eta %10a soilik birziklatzen da, zifra hori hamar urtez mantendu da bere horretan. Hainbat talde ekologistek salatu dute egoera uztailaren 3an, plastikozko poltsarik gabeko nazioarteko egunean.
EHUko ikerketa-talde batek dio Europako emisio-inpaktuaren %60 datorrela sektore energetikotik.
EHUko Ekopol ikerketa taldearen datuen arabera, Bizkaia da Euskal Herrian ingurumen inpaktu handiena eragiten duen lurraldea, guztizkoaren %52 izanda. Euskal Herrian ingurumen-inpaktu handiena duten 25 industria-instalazioen artean, Muskizeko Petronor petrolio-findegia da... [+]
