“Martxak ezin badu aurrera egin, beste alternatiba batzuk jarriko dituzte martxan; zerbait egingo dute ziur”
Gazarako Martxara bidean, Kairoko aireportuan atxilotu zituzten euskal herritarren artean dago Agus Gorbea, eta momentuz deportatu duten bakarra izan da. Euskal Herrira bidean dagoela erantzun ditu ARGIAren galderak.
Lehenik eta behin, zelan zaude?
Frustrazio handiarekin. Gure asmoa zen martxan parte hartzea, baina martxa hasi aurretik oztopoak jartzen hasi dira Egiptoko Gobernua eta Armada. Ez da batere sentsazio ona. Baina, tira, adiskideek egingo dute martxa edo ahal dutena.
Orain autobusean zaude Madriletik Bilbora. Zelakoa izan da deportazio prozesua?
Gasteizko adiskide gehiago atxilotu zituzten nirekin batera, baina azkenean horiek askatu zituzten aireportuko komisarian egon eta gero, eta niri “tokatu” egin zait. Hango egoera oso desatsegina izan da, 70 pertsonatik gora egon gara 66 metro karratuko gela batean. Armada sartu da bost aldiz... Oso desatsegina, oso urduri geunden.
Baina guk fokua ez dugu deportazioan eta martxan jarri nahi: martxa tresna bat da, besterik ez, Askatasunaren Ontzidia bezala. Fokua jarri nahi dugu Gazan eta Palestina osoan egiten ari diren astakerietan. Gure planteamendua izan da salaketa egitea eta Rafahko pasabidea irekitzeko exijitzea. Ea zer gertatzen den.
Tunisiatik ere abiatu da martxa jendetsubat, Egipton egin behar zenuten bat. Horri buruz gutxi entzun da Euskal Herrian. Bere berririk baduzu?
Bagenekien beste martxa bat zetorrela Tunisiatik. Gure asmoa zen martxa elkarrekin egitea Arishetik (Egipto) aurrera. Baina ez dut uste hori lortuko dugunik. Guri oztopoak jartzen badizkigute zuriak izanda eta Europatik eta AEBetatik etorrita, pentsa zer egingo dieten Marokotik, Algeriatik, Tunisiatik datozenei... Oztopo gehiago jarriko dizkiete, suposatzen dut.
March to Gaza plataformak aurrera jarraitzeko deia zabaldu du. Zu ezkor zaude. Zer espero duzu gertatzea martxarekin gaur-biharretan?
Ostiral arratsaldean jakingo dugu martxa aurrera joango den ala ez. Asmoa era baketsuan aurrera joatea da, baina ezin dut ezer aurreikusi momentu honetan. Martxak ezin badu aurrera egin, beste alternatiba batzuk jarriko dituzte martxan; zerbait egingo dute ziur.
Zergatik da garrantzitsua mota honetako ekimenak antolatzea?
Askatasunaren Ontzidia edo Gazarako Martxa ez dira garrantzitsuak, planteamendua bera da garrantzitsua, oso indartsua da. Gazara doaz, arazoen erdigune neuralgikora, eta gainera indartsu daude. Tresna bat dira.
Baina berriro diot gure asmoa ez dela martxari buruz hitz egitea, baizik eta Gazan eta Palestina osoan gertatzen ari dena kontatzea, sionismoak inpunitate osoz egiten duena ikusaraztea. Eta gure gobernuek, Espainiako Estatukoak, Eusko Jaurlaritzak, Europako Batzordeak, AEBetako Gobernuak etab. sionismoarekin konplota dutela salatzea, eta genozidio honetan erantzule ere badirela erakustea. Gobernuek ez badute egiten egin behar dutena, gizarteak esku hartu behar du.
Ez dugu uste lortuko dugunik, Israelek inpunitate osoa baitu nahi duen guztia egiteko. Baina tira, jarraitu beharko dugu hori salatzen hemen, han eta toki guztietan.
Mezuren bat bidali nahi diezu martxan jarraitzen dutenei?
Animo adiskideei, zorte on.
Palestinako herria pairatzen ari den genozidioa salatzeko bi eguneko baraualdia egingo du Argituz elkarteak Donostian asteburu honetan, larunbatean eta igandean. Garibai kaleko 19. zenbakian egingo dute elkartasun ekintza.
Erdaraz hitz egiten duzu, Francok nahi zuen bezala’ kamiseta dut gogoan egunotan, OlaXonMario Galiziako sortzaile digital kuir eta independentistaren diseinua.
Gogora ekarri dut, lehenengo, Isabel Díaz Ayusok alde egin duenean Imanol Pradales lehendakariak... [+]
Metro Bilbaok I-SEC Aviation Security S.L. segurtasun-enpresa kontratatu zuen apirilean. Horren aurrean, kexak aurkeztu dituzte dozenaka herritarrek Metro Bilbaoren bulegoetan, Bilbo-Palestina Herri Ekimena eta Nodo BDZ-Bizkaiak deituta.
Okupatutako Jerusalemgo Ekintza Nazional eta Zibileko batzordeak jakinarazi du trenaren bigarren fasearen hasiera, eta gaitzetsi egin du kokalekuen arteko komunikazioa indartzea duelako helburu. Zisjordanian 22 kokaleku berri ezarriko dituela adierazi du Israelek.
Lehiaketan parte hartu izan duten 72 artistak iazko edizioa "historiko politizatuena eta desatseginena" izan zela salatu dute, eta aurtengoa ere ez da salbuespena izan. Online botoari esker gertu izan du garaipena Yuval Raphael Israelgo ordezkariak. Polemikaz beteriko... [+]
“Gazako sarraskiak gerra gertaerak dira, eta erruduna Hamas da. (...) Ez dut inondik inora lotsagorritu beharrik borrokak eramateko Israelen moldeaz. (...) Denak poztuko lirateke Israelek lana bukatuko balu”. Haïm Korsiaren hitzak dira, Frantziako Rabbi... [+]
Euskal Herrian harreman mota asko dago Israelekin, eta arrazoi eta interes ugari harremanak ez eteteko. Horietako batzuk aletu dituzte Palestinarekin Elkartasuna plataformako kideek iragarri berri dute liburuxkan, Israel hemen hasten da izenburupean. Maiatzaren 7an aurkeztuko... [+]
Poloniar bat, bi irlandar eta estatubatuar batek jaso dute Alemania apirilaren 21a aitzin uzteko manua. Hori gertatu ezean, kanporatuko dituztela argitu die Berlineko Migrazio Bulegoak. Salaketa jarri dute kanporaketa prozedura geldiarazteko xedez.
Okzitaniako Tolosako elkartea da aipatu kolektiboa eta Frantziako Gobernuak dekretuz desegin zuen 2022an. Orain Estatu Kontseilua gobernuaren erabakia egokia dela berretsi du.
Saskibaloi talde israeldarraren eta Baskoniaren arteko lehia bertan behera uztea exijitzeko manifestua aurkeztu du Palestinaren aldeko mugimenduak. Euskal Herriko 40 saskibaloi klub, talde zein Baskoniako zaletuen taldek, kirol munduko 91 pertsona ezagunek eta Gasteizko 65... [+]
Otsailaren 7an, Maccabi Tel Aviv taldeak Baskoniaren aurkako partida jokatzeko asmoa du Gasteizen. Palestinarekin Elkartasuna Plataformak salatu du Israelek kultur eta kirol ekimenak palestinarren aurkako krimenak estaltzeko erabiltzen dituela. Aurpegi zuriketaren aurka,... [+]
Via Campesinako ordezkaritza bat Palestinan izan da abenduaren 8tik 18ra, bere kide den Palestinako Lan Komiteen Batasuna-k (UAWC) gonbidatuta. Bidaia horrekin herri palestinarrari elkartasuna adierazi nahi izan diote, "Gazan egiten ari diren genozidioaren erdian eta... [+]
Israel entitate sionista Palestinan egiten ari den "genozidio eta sarraski terrorista" salatzeko Lekeitioko hainbat eragilek txandakako hamar orduko elkarretaratzea egingo dute abenduaren 28an.
Ehunka pertsona mobilizatu dira ostiralean Santutxun ireki berri dutenMcDonald’s jatetxearen itxiera eskatzeko. Enpresa amerikarraren aurkako boikot kanpainan aktiboki parte hartzea eskatu du mobilizazioa deitu duen Bilbo-Palestina herri ekimenak.
.jpeg)
Azaroak 20an, Haurren Nazioarteko Eguna, ikastetxe sarreretan krespoi belzdun bandera palestinarra eta bi zapata pare jartzea proposatu du hezkuntza arloko ekimen herritarrak. Azaroaren 30etik urtarrilaren 31ra bitartean haur palestinarrentzako elkartasun mezuak jaso eta ondoren... [+]