Maletak egin, etxekoak agurtu eta lantokia bihurtu dute itxialdi leku 15 langilek. Beste zahar-etxe batzutan eman diren kutsadura eta heriotz kasu larriak ikusirik, San Jerónimo egoitzan bizi diren 62 zaharrak babestu nahi dituzte modu horretan.
Noticias de Navarrak eman du albistea. Martxoaren 23 iluntzean sartu dira zahar-etxean 15 zaintzaileak, eta bertatik ez dira aterako koronabirusaren une gailurra pasa arte. Langileena izan da ekimena, eta martxoaren 20an hartu zuten erabakia, zahar etxeko zuzendaria den David Cabrerorekin batera.
Sintomarik ez zutela frogatu eta erraza egin ez zaien erabakia hartu zuten. Cabreroren hitz hauek jaso ditu aipatutako egunkariak: "Kulpa sentimendua geneukan, lanera joanda koronabirusa zahar etxera eramaten ari gintezkeelako. Egin behar genuena hauxe dela uste genuen. Gure lanarekiko arduraz".
Zahar-etxea erabat aislatzeko, zaharrek ezin dute familien bisitarik jaso. Kanpoko hesira inguratzen dira kasu egitera, eta bideo-dei ugariren bidez mantentzen dute harremana.
Zahar-etxea bizitoki egin duten langileek adierazi dute, beren lan txanda bukatzean eta zaharrak lotara joaten direnean, bakoitzak bere buruarentzako denbora eta espazioa izatea dutela helburu, laneko estresak botatzeko. Aitortu dute bakoitzari bere etxekoengandik urrun egotea egingo zaiola gogorrena.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.