Zentsura mozioa bozkatzeko osoko bilkura egin dute Lizarrako Udalean, eta Leozek gehiengoaren babesa jaso du; bederatzi zinegotzirena.

Ate itxian eta ezohiko osasun neurrien inguruan eginen da asteartean Lizarrako udalaren bilkura berezia. Gonzalo Fuentes, Navarra Sumako alkatearen kontrako zentsura mozioa eztabaidatu eta bozkatuko da. Aldaketarik ez badago, EH Bilduko Koldo Leozek berreskuratuko du aginte makila.

Martxoaren 24ean Lizarrako udalbatzak Gonzalo Fuentes Navarra Sumako alkatearen kontrako zentsura mozioa eztabaidatu eta bozkatuko du. Koldo Leoz, EH Bilduko zinegotziak hartuko du aginte makila. “Eskuina boteretik kanporatzea izan da gure helburua legegintzaldi hasieratik” adierazi du Leozek Euskalerria Irratian.

Elgorriagan, Lizarran, Barañainen eta Iruñean jokatu dira Bardoak Nafarroako taldekako bertso txapelketako bigarren asteburuko saioak, bost guztira. Lehenbiziko faseko azken asteburu baten faltan, bi taldek finalaurrekoetarako sailkapen zuzena lortu dute.

Oteitzako Iturtxipia kiroldegia txiki geratu da ostegunean Bizi Dantza ikuskizuna ikusteko. 1.000 lagun inguru bildu dira Pirritx, Porrotx eta Marimotots pailazoen emanaldian. Lizarran egitekoa zen, baina Navarra Sumako alkateak zentsuratu zuen. Horragatik emanaldia Lizarratik gertu dagoen Oteitza herrira lekualdatu dute.

Kirol entrenamenduak daudela argudiatuz, otsailaren 4 eta 5ean Lizarrako kiroldegian pailazoen ikuskizuna egiteko eskaerari ezetz esan dio Gonzalo Fuentes alkateak, Naiz-ek jaso duenez.

Elkarretaratzea egin ostean sartu dira administrazio publikoko bulegoetara eta okupatu egin dute denbora batez; urtarrilaren 30eko greba orokorraren aldeko kartelak eta oihuak jaurti dituzte.

Etxetik ekarritako produktuen nekazal salmenta, eta komertzio handietan eskuragai daudenak aurrez aurre daude Euskal Herrian. Lizarran eztabaida pil-pilean dute. Navarra Sumak alkatetza lortu zuenetik, Lizarraldeko nekazal produktuen Plazara! merkatua arriskuan dagoela salatu dute.