Kirol entrenamenduak daudela argudiatuz, otsailaren 4 eta 5ean Lizarrako kiroldegian pailazoen ikuskizuna egiteko eskaerari ezetz esan dio Gonzalo Fuentes alkateak, Naiz-ek jaso duenez.
Garean Euskaldunon Elkarteak egin zuen eskaera, Pirritx, Porrotx eta Marimotots pailazoen ekitaldia Lizarreria kiroldegian egiteko. “Kiroldegian entrenamenduak daude eta kirol instalazio bat denez, horiei eman behar zaie lehentasuna” erantzun du Navarra Sumako alkateak.
Jakina denez, Iruñeko udal gobernuak ere (Navarra Suma) ez zien pailazoei Baluarten ikuskizuna egiten utzi. Erantzuna: Anaitasuna pabiloia jendez gainezka zela egin zuten ikuskizuna hiriburuan.
Burlatan ere ikuskizunaren aurka azaldu zen Navarra Suma, baina alderdi politikoak gutxiengoa du han, eta ez zen betoa aurrera atera.
Zizur Zendeako Udala (Nafarroa) UPNren hautagaitza batek gobernatzen du. 1936an Iruñean fusilatutako trenbidegileak ordezkatzen dituen Konpartsa Txikiko erraldoi baten presentziari betoa jarri dio.
Talde erlijioso batek eskatuta kenduko dute LKN artistaren obra Iruñeko Morea saltokitik: "Ez dut inoiz iraintzeko asmorik izan; nire begirada artistikoa eskaini nahi nuen".
Ikusgela proiektuko bideo baten aurka jo du Covitek. Argudiatu du Txillardegiren irudia “zuritzen” duela, eta ETAk eragindako biktimak “iraintzen” dituela bideoan bera “euskal kulturaren salbatzaile” gisa aurkezteak.
Jose Luis Rebordinos Zinemaldiko zuzendariak prentsara gutuna bidali du. Bertan, Espainiako hainbat hedabidetan atera den gutuna kritikatu du. Izan ere, zalaparta ari dira sortzen hainbat biktima elkarte, Zinemaldian estreinatuko den No me llame Ternera (Jordi Evole eta Marius... [+]