Irunen Palestinaren aldeko murala egitea debekatu du udalak
Larreundiko Auzo Elkartea mural bat margotzen hasi zenean "gelditzeko agindua" jaso zuen. Izan ere, udalbatzan onartuta dago Palestina eta Israelen arteko auzian hirian ez dutela posizionamendurik onartuko eta "bakea" irudikatuko dela soilik.
Joan den astelehenean, hilak 21, San Juan plazan bildu ziren 200 herritar baino gehiago Palestinako genozidioa gelditzeko eskatzeko. Gernika Palestinarekin herri ekimenak bultzatutako elkarretaratzea izan zen eta Leire Vargasen ahotsa entzuteaz gain, Larreaundiko Auzo Elkartekoek ere mikrofonoa hartu zuten.
Auzoan Palestinarekin “elkartasun ariketa” bat egite aldera, auzoko ikastetxeekin harremanetan jarri eta mural bat egitea adostu zuten pasa den irailaren 21ean. Udalari eskaera egin zion auzo elkarteak, eta artista dagoeneko paretan marrazten ari zela, “gelditzeko agindua” jaso zutela salatu du auzo elkarteak.
Irailaren 24an murala egiteko baimenik ez zutela jakinarazi zien udalak “baina arrazoirik eman gabe”. Gero, bilera bat egin zuten Parte Hartzearen ordezkariarekin baina aterabiderik ez zutela topatu deitoratu dute. Izan ere, udalbatzako erabaki barren berri eman zieten: “Ez dira ez alde batekin ez bestearekin lerratuko, eta egitekotan bakea aldarrikatuko da”. Erabaki hau PSE-EE, EAJ eta PPren babesarekin onartu zen.
Elkartasun ekimena “blokatzea eta zentsuratzea” leporatu diote udalari. Irungo paretak “udaletxearenak” direla gaineratu zien udalak eta udal gobernuak “boterea” daukala erabakitzeko “zer bai eta zer ez bere irizpide politikoen baitan”. Irizpide politiko horrek Palestinarekiko elkartasuna ekiditen duela salatu du auzo elkarteak.
Dena den, murala egiteko “bestelako bideak” bilatzen ari direla aurreratu du auzo elkarteak, “irudimena da gure ekintza zuzenik onena” erantsi dute. Udalarena ez den pareten batean egingo dutela ziur dira eta proposamenak entzuteko prest daude. “Guk ez diogu porrotei beldurrik, bai ordea, izua eta galanta gainera, gure bizilagunen artean indiferentzia, axolagabekeriaren hedatzearen mehatxuari” bukatu dute.
Hitzaldia
Larreaundiko Auzo Elkarteak Irun Palestinarekin herri ekimenarekin elkarlanean, hitzaldi bat antolatu du auzo elkartean bertan biharko, hilaren 25erako. Susana Mangana arabiar eta islamiar azterlanen irakaslea, hizlaria eta nazioarteko analistarena izango da hitza, eta hitzordua 19:00etan finkatu dute eta aurreratu dute hitzaldia gaztelaniaz izango dela. Horrez gain, Palestinari atxikimendua adierazteko zapiak jarriko dituzte salgai 5 euroan.
Nafar regionalistek “txiringito independentistei mesede egiten dien” emanaldi gisa kalifikatu dute iganderako Atarrabian aurreikusitako ikuskizuna. Ez da lehen aldia, aurretik ere egin izan dute Iruñean, Lizarran eta Burlatan.
2021ean sortu zen Lizarran Raimundo el Canastero taldea, eta iaz ikusi zuen argia haien lehenengo diskoak –N.T.E.R.–. Kaxoia, gitarra, ordenagailua eta hiru lagun langabezian: Julen Arbizu (Lizarra, 1995), Imanol Viñarás (Lizarra, 1995) eta Mikel Beltza... [+]
UPNk mozioa aurkeztu du Tafallako udalbatzan gobernu taldeari eskatzeko bertan behera utz dezala Raimundo el Canastero musika taldearekin zuen kontratua jaietan kontzertu bat egiteko. Lizarrako jaietan izandako polemikaren ondoren etorri da zentsura eskaera. PSN batu zaio... [+]
Udaltzaingoak ostegunean deklaratzera deitu du Raimundo el Canastero taldeko abeslaria, Lizarrako jaietan txosnak debekatzearen aurka sareratu duten abestiagatik. Ondoren, aske utzi dute, baina ikerketak aurrera jarraituko du. Sarean zentsuraren aurkako eta elkartasun mezuak... [+]
Urriaren 7tik azaroaren 4ra bitartean, milaka profil eta eduki ezaba zitzatela eskatu zieten sionistek hainbat plataformari. Eskaeren %60 izan ziren Meta taldeari, eta horien %94 bete zituen enpresak.
Hamasen tresna izatea leporatuta ezarri du debekua estatu sionistak. Al Jazeerak akusazioak ukatu ditu eta ahots kritikoak isilarazi nahia salatu du. Nazioarteko hainbat elkartek kritikatu dute “prentsa askatasunaren aurkako erasoa”. Debekua 45 egunekoa da momentuz,... [+]
Zizur Zendeako Udala (Nafarroa) UPNren hautagaitza batek gobernatzen du. 1936an Iruñean fusilatutako trenbidegileak ordezkatzen dituen Konpartsa Txikiko erraldoi baten presentziari betoa jarri dio.
Talde erlijioso batek eskatuta kenduko dute LKN artistaren obra Iruñeko Morea saltokitik: "Ez dut inoiz iraintzeko asmorik izan; nire begirada artistikoa eskaini nahi nuen".
Ikusgela proiektuko bideo baten aurka jo du Covitek. Argudiatu du Txillardegiren irudia “zuritzen” duela, eta ETAk eragindako biktimak “iraintzen” dituela bideoan bera “euskal kulturaren salbatzaile” gisa aurkezteak.
Jose Luis Rebordinos Zinemaldiko zuzendariak prentsara gutuna bidali du. Bertan, Espainiako hainbat hedabidetan atera den gutuna kritikatu du. Izan ere, zalaparta ari dira sortzen hainbat biktima elkarte, Zinemaldian estreinatuko den No me llame Ternera (Jordi Evole eta Marius... [+]
Zentsura kulturalaren Iruñeko adibidearen berri eman dugu ostegunean (Herriko Tabernari ezarritako debekua) eta horrekin lotuta, hain zuzen, asteazkeneko albiste bat dakargu orain: Espainiako zenbait erakunde profesional kulturalen baitatatik adierazpen edo manifestu... [+]
Bertan behera utzi behar izan du San Ferminetarako antolatutako egitarau kultural guztia. Gauzazen duen ekimen bakoitzeko 6.000€ eta 60.000€ bitarteko isun zigorrekin mehatxatu baitu Udaltzaingoak
“Hedabideek isilarazten dutenaz mintzo dira hormak”, zioen erdaraz Barakaldoko mural batek 1990eko hamarkadan, horma-irudien eta pintaketen zeregin nagusia azpimarratu nahian. Ahots anonimoak dira, horman idatzitako hitzetik mintzo direnak, espontaneoak gehienak, gai... [+]
Errusiarrez dauden edo "garai sobietarrekoak" diren 19 milioi liburu erretiratu dituzte liburutegietatik azken hilabeteetan, eta ez dute argitu zer egin duten horiekin.