Oztopoak oztopo, Iruñeko Anaitasunan izango dira Pirritx, Porrotx eta Marimotots abenduaren 22an
Enrique Maya Iruñeko alkateak pailazoak zentsuratu ostean, ostiralean Baluarten ematekoak ziren “Bizi dantza” ikuskizuna Anaitasuna kiroldegian emango dute.
Iruñeko alkate Enrique Mayak Pirritx, Porrotx eta Marimotots Iruñean saiorik gabe uzteko asmoa alperrikakoa izan da. Anaitasuna kiroldegiarekin adostasuna lortu dute pailazoek. Iñigo Santxo abokatuarekin batera, azken egunera arte Iruñeko Udalak jarrera aldatzeko zain egon ostean, eta Iruñeko beste leku batean egitea erabaki dute.
“Bizi dantza” ikuskizuna abenduaren 22an emango dute. Nafarroako Kontseiluak Katxiporreta konpainiako kideei arrazoia emanda ere, udalak ez du aldatu erabakia, eta horrek izan ditzakeen ondorioen harira, “hurrengo pausuak patxadaz” emango dituztela adierazi du Santxok.
Pailazoek esan dute udalarekin duten auziak “nekea” eta “etsipena” eragin diela ostegunean Katakrak liburu dendan egin duten agerraldian. Hala ere, nabarmendu dute ez dutela inor beraiek “zapaltzen utziko”.
Zizur Zendeako Udala (Nafarroa) UPNren hautagaitza batek gobernatzen du. 1936an Iruñean fusilatutako trenbidegileak ordezkatzen dituen Konpartsa Txikiko erraldoi baten presentziari betoa jarri dio.
Talde erlijioso batek eskatuta kenduko dute LKN artistaren obra Iruñeko Morea saltokitik: "Ez dut inoiz iraintzeko asmorik izan; nire begirada artistikoa eskaini nahi nuen".
Ikusgela proiektuko bideo baten aurka jo du Covitek. Argudiatu du Txillardegiren irudia “zuritzen” duela, eta ETAk eragindako biktimak “iraintzen” dituela bideoan bera “euskal kulturaren salbatzaile” gisa aurkezteak.
Jose Luis Rebordinos Zinemaldiko zuzendariak prentsara gutuna bidali du. Bertan, Espainiako hainbat hedabidetan atera den gutuna kritikatu du. Izan ere, zalaparta ari dira sortzen hainbat biktima elkarte, Zinemaldian estreinatuko den No me llame Ternera (Jordi Evole eta Marius... [+]