Al Jazeera debekatu du Israelek, Gazan dagoen nazioarteko hedabiderik handiena
Hamasen tresna izatea leporatuta ezarri du debekua estatu sionistak. Al Jazeerak akusazioak ukatu ditu eta ahots kritikoak isilarazi nahia salatu du. Nazioarteko hainbat elkartek kritikatu dute “prentsa askatasunaren aurkako erasoa”. Debekua 45 egunekoa da momentuz, baina luzatzeko aukera du gobernuak.
Igandean bete du Benjamin Netanyahuk Israelgo lehen ministroak aspaldian luzatzen ari zen mehatxua. Al Jazeera katea Israelen debekatu eta sarekada egin dute hedabidearen Jerusalemgo bulegoetan. Tresneria asko konfiskatu dute bertan. “Hamasen ahotsa desagerrarazteko” neurri gisa justifikatu du hartutako neurria Netanyahuk. Associated Press agentziaren arabera lehen aldia da Israelek nazioarteko hedabide bat debekatzen duena.
Al Jazeerak adierazi du “oinarririk gabekoak” direla Israelen salaketak, hedabidea Hamasen propaganda tresna gisa irudikatzen dutenak. Salatu du igandeko debekua “motibazio politikoz” hartutako neurria dela, hedabide arabiarrak isilaraztera bideratua, eta ez Israelen segurtasun kezken ondorio. Al Jazeerak Qatarren du egoitza nagusia, eta urriaren 7tik hona etengabe aritu da Gazako Zerrendak jasandako oldarraldien jarraipena egiten. Hilabete hauetan Israelen erasoek Al Jazeerako kazetari ugari hil edo zauritu dituzte.
Knessetak, Israelgo Parlamentuak, apirilaren 1ean eman zion boterea Netanyahuri atzerriko hedabideak behin-behinean ixteko, eta aukera baliatu du orain. 45 egunekoa da debekua, baina luzatu daiteke. Beraz, Gazaren aurkako erasoek iraun bitartean mantendu dezakete indarrean. Netanyahuk agindua publiko egin eta gutxira desagertu da Al Jazeera Israelgo telebista hornitzaileen eskaintzatik. Hala ere, iturri batzuek aipatu dute Facebooken bidez jaso daitezkeela oraindik haien edukiak.
Imran Khan Al Jazeeraren ingelesezko berriemaile nagusiak bideo bat argitaratu du igandean, hedabidea itxi eta denbora gutxira. “Aurrez grabatutako bideo hau ikusten ari bazarete, Al Jazeera debekatua izan da Israelen”. Bertan azaldu ditu debekuaren xehetasunak: Besteak beste, Al Jazeera telebista katea emititzea eta hedabidearen webgunea debekatu dituzte, eta Al Jazeeraren edukia sortu edo zabaltzeko erabilitako edozein gailu konfiskatu dezake gobernuak, kazetarien telefono mugikorrak barne. Bestalde, Hassan Massoud Al Jazeerako kazetariari Israelen sartzea galarazi diote, debekua indarrean sartu ondoren.
"If you’re watching this... then Al Jazeera has been banned in Israel."
Al Jazeera's @ajimran recorded his last report from occupied East Jerusalem, pre-empting the Netanyahu gov't’s unanimous decision to close Al Jazeera in Israel ?? pic.twitter.com/ZOzqxpSKGJ
— Al Jazeera English (@AJEnglish) May 5, 2024
Kritikak nazioartetik
Atzerriko Prentsaren Elkarteak, nazioarteko kazetarien elkarte handienetako batek, prentsa askatasunaren aurkako eraso larritzat jo du neurria, eta Israelgo Gobernuari dei egin dio atzera egitera. Kazetariak Babesteko Batzordeak ere kezka adierazi du debekuagatik, eta aldarrikatu du Al Jazeerak eta nazioarteko hedabide guztiek baimena izan behar luketela Israelen libreki lan egiteko, “batez ere gerra garaian”.
Nazio Batuen Erakundeko Giza Eskubideen Bulegoak ere eskatu dio Israelgo Gobernuari bertan behera utzi dezala neurria. “Kazetaritza aske eta independentea ezinbestekoa da gardentasuna eta erantzukizunak bermatzeko. Orain inoiz baino gehiago, Gazatik informazioa zabaltzeari jarritako mugak ikusita”. Izan ere, Al Jazeerako kazetariak izan dira Gazatik bertatik berri ematen aritu diren bakarrenetakoak.
Palestinako Futbol Elkartea eta Euskadiko Futbol Federakundea "lankidetzan" ari dira partida jokatu ahal izateko eta Espainiako Gobernuak oniritzia eman dio egitasmoari, Ser irrati kateak aurreratu duenez. Palestinako arduradunen esanetan, Israelek 355 futbol jokalari... [+]
Genoako portuko langilea da duela hogei urtetik, eta Portuko Langileen Kolektibo Autonomoko (PLKA) kidea da Italo. Erakunde hori 2011n sortu zen, eta azken asteetan ospetsu egin da nazioarteko komunikabideen, haien kide batek ziurtatu zuenean Israelgo Estatuak Gazara doan... [+]
Palestinan bideratzen ari den genozidioa salatu dute Euskal Herriko Unibertsitateko ordezkariek. Hainbat neurri hartuta ditu EHUk eta tartean, batzorde bat sortzeko proposamena egina dio errektoretzak Palestinaren aldeko unibertsitate mugimenduari, aurretik ere unibertsitateak... [+]
Ia ehun Ministro Kontseilutan genozidioaren kolaboratzaile zuzenen ondoan eserita egon ondoren, IU haserre-plantak egiten ari da eta mahaia uzteko mehatxua egin du.
Irailaren 18a Palestinaren Aldeko Borroka Eguna izango da nazioartean, NBEk Palestinako okupazioarekin amaitzeko hartutako ebazpenetik urtebetera. Hego Euskal Herriko hiru hiriburutan mobilizazioak deitu dituzte.
Artziniegan jaio zen Teresa Aranguren kazetaria: “Senide guztiok herrian jaio gintezen nahi zuen amak”. Madrilen hazi eta bizi arren, herriarekiko loturari eusten dio oraindik: udaro itzultzen da, eta bertan hartu gaitu Palestinaz hitz egiteko. Arangurenek... [+]
The Searchers filma ari ginen ikusten. Western bat, klasiko bat. Indioek Texaseko familia bati eraso egin eta bahituta eramango dute alaba. John Waynek urteak emango ditu indio gaiztoen atzetik alaba hura erreskatatu nahian. Filmak, bistan da, ez du kontatzen nolakoa zen Amerika... [+]
Ikama ikasle antolakundeak deituta, ikasleak Palestinaren alde mobilizatu dira astearte honetan, Hego Euskal Herriko hainbat ikastetxe eta unibertsitatetan. “Denon erantzukizuna da egoerari buelta emateko salaketa egin eta mobilizatzea”.
RTVE irrati-telebista kate espainiarreko Administrazio Kontseiluak astearte honetan onartu du erabakia. Jaialdiaren antolaketan pisu handia duen “Big Five” deituriko herrialdeen artean, Espainia da lehena iragarri duena Eurovision utziko duela Israelek parte hartuz... [+]
Astearte goizaldetik tankeak aurrera egiten ari dira Gaza Hirira bidean. AEBetako Estatu Idazkari Marco Rubio astelehenean egon da Israelen; Qatarren egongo da asteartean, harekin bakeak egin asmotan, Israelek eraso egin baitzion pasa den astean. NBEk lehen aldiz... [+]
"Palestina Aurrera" lelopean Nafarroa zeharkatu ondoren, Ibaitik Itsasora martxa irailaren 20an Hendaian amaituko da egun osoko ekitaldi batekin. Landetxa-Katea auzoan, aldiz, hilabete daramate egunero kazeroladak antolatzen. 80 bat bizilagun biltzen dira astelehenetik... [+]
Iruñera heldu da igandean Ibaitik itsasora Palestinaren aldeko martxa, mezu argi batekin: Israelekin harreman ekonomiko guztiak eten. MTorres-en hasi da ibilaldia eta enpresa horrek Israelgo armagintzarekin dituen loturak salatu dituzte. Noainen harrera egin ondoren,... [+]
Guatemala izan zen munduko lehen herrialdea Israelgo Estatua sortzearen aldeko botoa ematen, horrela diote garai hartako kronikek. 1947tik hona, jende askoren iruditeri kolektiboan Guatemala izan zen estatu sionistaren lehen harria jarri zuen lehen estatua.
Ordutik 80 urtera,... [+]