ARGIA.eus

2022ko urtarrilaren 24a

LGTBI kolektiboko pertsonen %30ak orientazio sexuala ezkutatzen du lanean, beldurragatik

  • Kataluniako Homofobiaren Aurkako Behatokiak kaleratutako txostenaren arabera, Espainiako Estatuko LGTBI bikoteen erdiek ez dute afektua erakusten jendaurrean, diskriminazioaren beldur. Azken urtean gutxienez diskriminazio pasarte bat sufritu du galdekatutakoen %42k.

Leire Artola Arin @aleirea
2021eko azaroaren 16a
Sexu orientazioagatik edo identitateagatik eskolan jazartu dituztenen %17 saiatu da bere buruaz beste egiten. / Argazkia: Foto Forbes.

Katalunian argitaratutako azken ikerlanak datuak baieztatu ditu: Espainiako Estatuko LGTBI pertsonen %42k gutxienez diskriminazio egoera bat sufritu du azken urtean. Ondorioz, diskriminazioaren nahiz erasoen beldur, haien identitatea edo orientazio sexuala ezkutatzea erabakitzen du askok. Kataluniako Homofobiaren Aurkako Behatokiak galdekatutako LGTBI pertsonen %16k dio ez diola inoiz bikoteari eskutik heltzen jendaurrean, eta beste %32k ia inoiz ez. Beraz, bikoteen ia erdiek ez dute publikoki afekturik erakusten. Gainera, kaleko eremu batzuetatik ez pasatzea hautatzen du %30ak.

Txostenak egiturazko LGTBIfobia aztertu du, eta azaleratu egin ditu jendarteko hainbat arlotan pairatzen dituzten bidegabekeriak: osasunean, hezkuntzan, lanean, etxebizitzan, administrazioan eta justizian. Esaterako, lanean euren orientazio sexuala ezkutatzen du, ikaragatik, galdekatutakoen ia %30ak. Dokumentuak azpimarratu ditu trans pertsonek lan arloan sartzeko dituzten zailtasunak: %37 diskriminatu egin dute lanean hasterakoan, eta %27 laneko inguruan.

Etxebizitza bat alokatzerakoan ere bazterketa sufritzen dute. Hain zuzen, diskriminazio kasuen %15 alor horretan gertatzen da, bereziki trans emakumeen aurka. Hezkuntza eremuan, txostenak eskola jazarpena nabarmendu du, zeinak pertsona horiengan eragiten duen, besteak beste, ikasketak lehenago uztea edota ikasteko zailtasun handiagoa izatea. Kezkagarriagoa da beste datu hau: sexu orientazioagatik edota identitateagatik jazarri dituzten ikasleen %17 bere buruaz beste egiten saiatu da.

Osasun sisteman ere LGTBIfobia zabalduta dagoela nabarmendu du ikerketak. Zenbait profesionalek “ezohikotzat” edota “gaixotasuntzat” hartzen dute aniztasun afektiboa, sexuala zein generoarena. Bazterketa eta eraso horiei guztiei aurre egiteko, proposatu dute langile profesionalak LGBTIfobiaren aurka heziko dituen programa bat martxan jartzeko, askotan haien aldetik baitator diskriminazioa.

Kanal hauetan artxibatua: Homofobia  |  LGBTI  |  Espainia  |  Katalunia

Homofobia kanaletik interesatuko zaizu...
Munilla apezpiku izango den herriko bizilagunek haren aurkako sinadura bilketa hasi dute

Valentziako Orihuelara lekualdatu dute José Ignacio Munilla apezpikua, baina bere “teoria homofobo eta antifeministak” gogoan, herriak ez duela apezpiku hori merezi eta sinadura bilketa abiatu du hainbat bizilagunek, alkateak ez diezaion egin gotzain berriei... [+]


Munilla apezpiku polemikoa Euskal Herritik Valentziara lekualdatu dute

Hamabi urtez Donostiako apezpiku izan ostean, kargua utzi beharko du José Ignacio Munillak, Frantzisko aita santuak Orihuela-Alacanteko apezpiku izendatu duelako. Polemika ugari eragin ditu urteotan, feminismoarekin eta LGBTI komunitatearekin sartzeagatik eta Elizaren... [+]


Oraingoan bai, harreman homosexualak despenalizatu dituzte Botswanan

“Garaipen historikoa” ospatzen ari da Botswanako LGBTI komunitatea. Sexu berekoen arteko harremanak zigortzen zituen legea indargabetu zuen herrialdeko Auzitegi Gorenak 2019an, baina Gobernuak helegitea jarri, Fiskaltzak onartu eta berriz ere auziari heldu diote... [+]


2021-11-04 | Ehgam
Aliantzak sendotzen: gay askapenetik sexu askapenera

1977. urtean, Durangon egindako bileraren ostean, EHGAM sortu zen. Akronimoaren atzean, Euskal Herriko Gay Askapen Mugimendua hitzak eta, ekimenaren atzean, urte luzeetan sexu askapenaren borrokan, eta beste hainbatetan, protagonista edo ekintzaile anonimo izan diren hainbat... [+]


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude