Lecornuren arabera “48 ordu barru” izendatuko dute Frantziako Lehen ministro berria
Dimisioa aurkeztu zuen astelehenean Sébastien Lecornuk, gobernu berria osatu eta hamalau ordutara. Frantziako krisi politikoari aterabide bat atzemateko 48 orduko ultimatuma emana zion Emmanuel Macron lehendakariak. Epea bukaturik, egoerak blokeatuta segitzen du, eta Macronen esku utzi ditu ondoko negoziaketak.
aurre egingo dieten hedabide independenteak
Frantziako Gobernuko krisi politikoari aterabide bat aurkitzeko 48 orduko ultimatuma emana zion Emmanuel Macronek Lehen ministro kargua astelehenean utzi zuen Sébastien Lecornuri. Epea bukaturik, asteazken gauean eman du azken negoziaketek utzitakoaren berri, France 2 telebista kate publikoari eskainitako elkarrizketan. Gobernu berriaren osaketari buruzko argibideak espero ziren, baina ez du notizia handirik plazaratu. Iazko udan iragandako Legebiltzarreko hauteskundeetako ezkerraren garaipena behingoan aitortu eta ezkerreko Lehen ministro bat izendatzea espero zuten hainbatek. Geroz eta ordezkari politiko gehiagok mahai gainean jartzen duten Macronen dimisioaren jakinarazpena ere bazen azken orduetako zurrumurruen artean. Baina ez, ez bata ez bestea. Legebiltzarraren desegitea eta bozketa berrietara deitzeko aukera ere baztertu du.
Zehaztasunik gabeko erantzun lausoak izan ditu Lecornuk, eta horrela jakitera eman du, demagun, "balitekeela" Lehen ministroaren izendapena aste bukaera aitzin etortzea: "Uste dut bide bat irekita egon daitekeela oraindik. (...) Uste dut egoerak egingarri bihurtzen duela 48 ordu barne Lehen ministro baten izendatzeko aukera". Elkarrizketa bukatu bezain laster baieztatu du informazioa Eliseoak: ondok bi egunetan jakinen da Lehen ministro berriaren aurpegia.
Plazaratutakoari segi, Macronek bideratuko ditu izendapenera arteko negoziaketak. Gobernu berriari buruzko adostasuna lortzeari buruz "baikor" agertu da Lecornu: "[577 diputatuetatik] 210k egonkortasuna nahi dute, eta aurrekontuari begira ere gutxi gorabehera gauza bera nahi dute". Hori horrela, uste du "disoluzio perspektibak urrunduz doazela".
Irekidura txikia, erretreten erreformari begira
Legebiltzarrean gehiengo argirik gabe aitzina egin beharrean dabil Emmanuel Macron. Hori horrela, krisi politikoa are gehiago korapilatu egin zaio, iazko Legebiltzarreko hauteskundeez geroztik, dimisioz dimisio, gobernuak erortzen zaizkiolako bata bestearen ondotik. Horregatik ari da zentsurarik ez aurkezteko bermeak negoziatzen ezkerrarekin zein eskuin muturrarekin.
Erretreten erreforma atzera botatzea da hastapenetik ezkerraren baldintzetariko bat. Horri dagokionez, irekidura batzuk adierazi ditu Lacornuk: erreforma horri dagokionez, "bozketarik egon ez zelako ideia finkatu zen. (...) Frantsesek uste dute eztabaida ez dela normal joan. Blokeo iturri bat da parlamentuan. Ikusten dut bidea bilatu beharko dela eztabaida pentsioen erreformaren inguruan egin dadin", ziurtatu du. Gobernuaren postura aldaketa eztabaida irekitzeari mugatu du, ordea, zehaztuz erreformaren izozteari edo ezeztatzeari buruzko erabakia datorren gobernuaren esku gelditzen dela.
Frantziako politikako historian geldituko da Lecornuren Lehen ministro kargualdia; ez harturiko erabaki eta neurri politikoengatik, baizik eta bere izaeragatik: François Bayrouk dimititurik izendatu zuten Lehen ministro irailaren 10ean; orduz geroztik 26 egun eman zituen bere gobernua hautatzeko –bestela erranda, 26 egunez gobernurik gabe egon da Frantziako Estatua– eta osatu bezain laster aurkeztu du bere dimisioa, finean, hamalau orduz bakarrik iraunaraziz bere gobernua. Dimisioa onartu zion astelehenean Macronek, baina 48 orduz "azken aukerako negoziaketak" bideratzea galdetuz.
Macronek onartu du Lecornu lehen ministroaren dimisioa, baina azken aukera eskatu dio, eta Lecornuk hitzeman du ahalegina egingo duela: asteazken gauera arte du beste gobernu bat osatzea posible den edo ez jakinarazteko. Agertoki posibleak aztertu ditugu artikuluan.
Sébastien Lecornu lehen ministroak dimisioa aurkeztu du, Asanblea Nazionaleko buru izendatu eta hilabetera. Emmanuel Macron estatuburuak onartu egin dio. Bi aukera ditu orain Macronek: beste norbait izendatzea lehen ministro, edo Asanblea Nazionala desegitea eta... [+]
Frantziako Gobernuaren aurrekontua fintzen ari diren honetan, "justizia soziala eta fiskala" aldarrikatu dute karrikatik. Irailaren 18ko mobilizazioak baino jarraipen ahulagoa ukan du osteguneko greba deialdiak.
2025eko uztailaren 12an izenpetu zuten hiru aldeen arteko Bougivaleko Akordioa, irlaren etorkizun instituzionala adosteko asmoz. Frantziako Estatuaren "instrumentalizazioa" salatzean gain, FLNKS alderdi independentistak argitu nahi izan du beraiek izenpeturiko dokumentua... [+]
Frantziako Estatuak Palestinako Estatua formalki aitortu zuen astelehenean NBEren biltzar nagusian. Bere horretan, urrats inportantea, diplomatikoki pisutsua: 193 estatuetatik 158k dute orain ezagutzen Palestinako Estatua, eta azken ezagupen horiekin Mendebaldeko estatu... [+]
Badirudi larrazkena agorrila erditsutan hasten dela aldaketa klimatikoaren ondorioz. Euri eskasez hostoak firurikan erortzen dira eta Otso Errekako iraztorrak denbora baino lehen gorritzen dabiltza: ikusgarria da! Historiako udarik beroena ukan dugu aurten eta tenperaturek... [+]
François Bayrouk dimisioa eman eta ordu gutxitara izendatu du Emmanuel Macron Frantziako presidenteak ordezkoa: Sébastien Lecornu izango da lehen ministro berria, aurretik Defentsa ministro izandakoa eta Macronen oso gertukoa. Oposizioa haserre mintzatu da, ezker zein... [+]
Astelehen arratsaldean konfiantza mozioa galdu du Frantziako lehen ministro François Bayrouk. Konfiantza mozioa eskatu zuen, datozen lau urteetarako austeritate usaina zuten aurrekontu batzuk aurkeztu eta bere aurkako zentsura mozioa iragarri zuenean eskuin muturrak. Aurrez... [+]
Irailaren 10a izanen dute protestarako lehen hitzordua. 2018 urteko Jaka Horien mugimenduaren segipen gisa ikusten dute anitzek deia, nahiz eta alderdi politikoak eta sindikatuak dinamikari lotu izanak ezberdintzen dituen biak. François Bayrouren austeritate politikaren... [+]
2025ean hazkunde ekonomiko txikia (%0,6) ez da gai izango langabezia-tasak %8ko muga gainditzea saihesteko; Zor Publikoak bi bilioi euro (BPGren %115) gainditzen ditu EK-k ezarritako %60aren oso gainetik, eta Gastu Publikoak estratosferan jarraitzen du.
Horri gehitu behar... [+]
Konfiantzaren erronka izenburua jarri diote Kanakyko indar independentisten eta unionisten arteko akordioari. Ozeano Bareko uhartediak herrialde europarraren parte izaten jarraituko luke, baina estatu izaera lor dezake kaledoniarrek hala bozkatzen badute. Datorren urte hasieran... [+]
Dozenaka lagunek agerraldia egin dute astelehen arratsaldean Baionan, Pirinio Atlantikoetako Departamenduaren egoitzaren aurrean. Frantziak EEPn 100.000 euro gehiago inbertituko dituela iragarrita, euskararen etorkizuna bermatzeko hizkuntza politikak "ausardia eta... [+]
"Egungo baldintzetan" EEP Euskararen Erakunde Publikoak berritzeko hitzarmena sinatuko ez duela mehatxu eginda, Euskal Hirigunearen Elkargoak sei hilabete eman die erakunde publikoa osatzen duten partaideei Parisekin negoziatzen jarraitzeko. Astelehenean agerraldia egin... [+]
Maider Behotegi Euskararen Erakunde Publikoaren (EEP) lehendakariak inbertsio handitze guztiak berri onak direla adierazi zuen iaz. Hala ere, erakunde bakoitzak gutxienez 300.000 euro gehiago ipintzea "beharrezkoa" dela nabarmendu zuen, helburua 2050ean hiztun kopurua... [+]
Maiatzaren 27an Frantziako Estatuko Legebiltzarrak onartu zuen heriotzarako laguntza baimentzen duen legea. Askok aurrerapen humanistatzat jo arren, lege berri honek kezkak piztu ditu pertsona ezinduen eskubideen aldeko mugimenduetan. Gaur egungo gizarteak ez badizkie pertsona... [+]