Lannemezanen preso dagoen George Abdallahren eskandaluaz filma egiteko crowdfundinga abiatu dute
Europan espetxeraturik urte gehien –35.a betetzen oraintxe– daraman preso politikoaren inguruan film bat ari dira ekoizten, urriaren 24an Bordelen aurkeztuko dutena. Kalitatez txukunez burutzeko beharrezko diren 10.000 euroak jendeen ekarpenez biltzeko kanpainari ekin diote Frantziako Estatuan.
Euskal preso politiko anda bildu duten Lannemezaneko presondegian urriaren 24an beteko ditu zehazki 35 urte preso Georges Ibrahim Abdallah militante ezkertiar libanoarrak. Aspaldi kalean behar zuen 68 urteko gizonak ez du lortu espetxetik irteterik, epaileek horretarako baimena eman arren, baina Parisko gobernuek batak bestearen ondotik lortu dute Abdallahk preso jarraitzea, AEBek horretarako presio egin duelako, bere abokatuek salatu eta Wikileaksek frogatu zuenez. 1980 hamarkadako Ekialde Hurbileko gatazken arrasto fosil bat bezala atxikitzen duten gizon honen kasua ARGIAk kontatua du "Georges Abdallah amerikarren preso Lannemezanen" erreportajean.
Orain istorio latz hori film bihurtzen hasi da Pierre Carles kazetaria. Carles ezaguna egin zen mundu frankofonoan 1992an erakutsi zuelako nola telebista frantsesetako izarra zen Patrick Poivre d’Arvorrek faltsutu zuen Fidel Castrorekin egindako sasi-elkarrizketa. 1995an "Pas-vus à la télé" (Telebistan ikusi ez direnak) egin zuen, non salatzen zuen kazetarien eta politikarien arteko konplizitatea.
Orain ekin dio Abdallahren kasuari: film berria deituko da "We want Georges ibrahim Abdallah in jail" (Abdallahk espetxean segitzea nahi dugu). Titulua espres dago ingelesez jarrita, esaldi hori Iparramerikako agintariena delako. Urtero presoaren elkartasunezko manifestazioa Lannemezaneko presondegiaren atariraino eramaten duten militanteen artean dagoenekoz 3.500 euro bilduak dituzte eta filma kostatuko den 10.000 euroetara falta direnak osatzeko crowdfundinga antolatu du Le Grand Soir hedabide ezkertiarrak. Diru-bilketa Le Pot Commun plataforman ari dira egiten.
Venezuelan dauden Askapena talde internazionalistaren brigadistekin hitz egin du ARGIAk, hauteskundeen osteko egoeraz eta etorkizunaz.
Euskal Herria Bizirik eta Askapena brigada bat antolatzeko elkartu dira. Europan lurraldearen defentsan dauden bi borroka bisitatuko dituzte: Lurraren Altxamenduaren borroka Frantziako Estatuan, eta NO TAV mugimendua Italian.
Maiatzean jarri zieten debekua, berriki salatu dutenez. Larunbatean, Palestinarekin elkartasunez mobilizatu ziren Hego Euskal Herriko parke denetako suhiltzaileak.
Uribe Kostako Palestinaren aldeko Khalas! elkartasun taldeko hainbat kidek salaketa ekintza egin dute Eusko Jaurlaritzak Bilbon duen egoitza barruan. Jaurlaritzak Israelekin dituen harremanak azaleratu eta salatu nahi izan dituzte.
Contigo-Zurekin taldeak proposatutako ebazpena onartu du Nafarroako Parlamentuak, EH Bildu eta Geroa Bairen aldeko bozkekin. Israelek Gazan duen jarrera genozida salatu eta neurriak hartzeko eskatu dio Parlamentuak Nazioarteko Olinpiar Batzordeari.
Hiru militante euskaldun itsasoratuko dira Gazara bidean apirilaren 21ean, Turkiatik irtengo den Askatasunaren Ontzidian: Pili Revilla, Agus Gorbea eta Mikel Zuloaga ‘Mikelon’. Ostegunean hartu dute Bilbotik Istanbulera eraman dituen hegaldia, eta bi egun lehenago... [+]
Munduko dozenaka erakundek osatzen dute Askatasunaren Ontzidia eta bere helburua da 2007az geroztik Israelek Gazari jarritako blokeoa haustea. Iragan urriaren ondoren blokeo hori erabat areagotu da, eta flota horrek Gazara iristeko saioa egingo du datozen egunetan.
Herritarrok kalera irten gara behin eta berriro Palestinarekin elkartasuna adierazteko. Herriaren nahia argi utzi dugu. Hala ere, instituzioek gor eta tinko jarraitzen dute sionismoari arnasa ematen. Palestinar herriak sufritzen duen genozidioaren inguruko berriak (zaharregiak... [+]
Abenduaren 22an Azpeitiko herriko plazan egingo dute Gazako sarraskia salatzeko ekimena. Herritarrek bata bestearen atzetik irakurriko dituzte ahoz goran Israelek hil dituen dozenaka milaka palestinarren izenak.
Abya Yala historia zapalkuntzaz beteriko bizitza dela esan daiteke. Bertako aberastasun naturalek paper garrantzitsua betetzen dute munduko burgesiaren metatze prozesurako.
10 urte bete ditu historia modernoko lan hilketa handienetako batek. Bangladeshko bost mila langilek arropa-fabrika batean lan egitera behartu zituzten egoera penagarrian zegoen eraikin batean. Eta hala, apirilaren 24an Rana Plazako eraikin hori bertan behera erori eta 1.132... [+]
