ARGIA.eus

2021eko uztailaren 28a

Lana


Libe Solozabal Askasibar
2021eko uztailaren 21a

Lanaren inguruan antolatzen ditugu gure bizitzak. Errutina lanaren baitan eraikitzen dugu, soldatapeko lanbidea oinarri hartuta. Gizartean txertatzeko bide bakarra den heinean, gure existentzia ziurtatzen du sistema honetan, dirua ematen digu eta estatusa. Eta hau garrantzitsua da.

Halaber, statu quo-ak pertsona batek bere komunitatean duen posizioari egiten dio erreferentzia eta maila batean kokatzen du. Harreman sozialak, kultura, diru-sarrerak eta ospea daude tartean, besteak beste. Gizarte batek pertsonei edo taldeei dieten errespetua, begirunea edota atxikitzen zaizkien gaitasunak gradu sozialaren araberakoak dira. Hori horrela, merkatuan egoteak eta produktibitateak okupatzen dute lekua gurean. Ondorioz, kanpo geratzen direnak presio handia bizi dute eta gizartean beharrezkoak ez direla sentitzen dute. Lana izan ezean ez zara baliagarria.

"Kanpo geratzen direnak presio handia bizi dute eta gizartean beharrezkoak ez direla sentitzen dute. Lana izan ezean ez zara baliagarria"

Gure sistema ekonomikoan zortzi orduko lanaldiak edo jardunaldi osoak bizitza ematen du, bizitzeko behar denerako sarbidea. Egunerokotasunean egokortasuna, janaria erosteko ziurtasuna, modako arropak erosteko dirua, akademian formatzeko aukera.

Baina, bizitza kentzen du. Eguna lanean ematen dugu, bizitzako orduek hegan egiten dute, eta bukaeran nekeak irabazi egiten die aisialdirako gogo eta indarrei. Estresaren zama osasunean nabari da eta jada ez dira nahikoak opor moduan esleitzen diren egunak.

Mbembek hala definitu zuen nekropolitika: botere sozial eta politikoaren erabilera pertsona batzuk bizi daitezkeela eta beste batzuk hil behar direla adierazteko. Sistemarentzako bizitza batzuk bizigarriak dira eta besteek ez dute balio. Gizakiak eboluzionatu du bere bizitza merkantzia bihurtzeraino. Produktibitatea ala hil.

Bidali zure iritzi artikuluak iritzia@argia.eus helbide elektronikora
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Iritzia  |  Enplegua

Iritzia kanaletik interesatuko zaizu...

Azkenak EGILEA
Argia buletina
Egunaren laburpena
zure e-postan
Eguneraketa berriak daude