Iragan urtean GKE honek 2,17 milioi pertsona lagundu zituen Espainiako Estatuan, aurreko kopuruaren antzekoa dena. Horietatik %53 gutxienez kide batek lana zuen etxeetan bizi ziren, eta %62 baldintza oneko auzoetan. Horrek, Caritasen aburuz, bi gauza inplikatzen ditu: batetik, pobreziaren hazkundea gelditu egin dela eta, bestetik, enplegua izateak ez dakarrela txirotasunetik irtetea.
Caritaseko idazkari orokor Sebastian Moraren iritzirako, pobreziaren zifrak egonkortu izana “albiste pozgarria” da, baina era berean, kopuruak oraindik “kezkagarria” izaten jarraitzen du. “Egoera horretan dauden pertsonek txirotasuna geroz eta intentsitate altuagoan bizi dute, arazo geroz eta gehiago dituzte, eta arazook familia guztira hedatzen dira”, gaineratu du Morak.
Haren aburuz, 60. hamarkadatik aurrera lana “gizarteratze tresna” izan bada, egun, babes sozialeko politikak aplikatu ezean, ez du “nahikoa eraginkortasunik”. Horrez gain, Caritaseko idazkari orokorrak pobreziaren fenomenoa hedabideetatik desagertu izana salatu du: “Krisi ekonomikoaren kontzeptua desagertzen ari den arren, hedabideek jada ez dituzte beronek pertsonengan eragin eta oraindik eragiten dituen kalteak erakusten. Hala, baztertze sozialaren aurkako borroka galtzen jarraitzen dugu”.
Pobreziaren kronifikazioa eta gizarte arrakalen areagotzea
Langabezian daudenei dagokienez –Caritasek artatzen dituen familien %65,8 egoera horretan dago–, %74,2 iraunaldi luzeko langabeak dira, eta horrek, GKEaren arabera, pobreziaren kronifikazioa eta gizartean arrakala are handiagoak sortzea inplikatzen du. “Langabezia kronikoan daudenen eta lan-kontraturen bat lortzeko aukera dutenen arteko aldea geroz eta handiagoa da”, azaldu dute.
Bestalde, argitaraturiko datuen arabera, Caritasek geroz eta immigrante gutxiago artatzen ditu. Egun onuradunen %73 espainiar edota europarrak –15en Europako herritarrak– dira, bestelako naziotasuna dutenak, berriz, %26,6. Morak adierazi duenez, “ziklo aldaketa” horren atzean hiru arrazoi daude: euren laguntza eskatzen duen geroz eta espainiar gehiago egotea, immigranteen kopuruaren beherakada eta jende askoren nazionalizazioa, “batik bat latinoamerikarren aldetik”.
Pentsioak osatzeko 145.000 sinadura bildu dituen herri ekinaldi legegilea eztabaidatzeari ezezkoa eman ondoren, Euskal Herriko Pentsiodunen Mugimendua oso gogor agertu da Eusko Jaurlaritzaren jarrerarekin eta "bi aldiz engainatuta" sentitu direla azaldu du. EH Bilduk eta... [+]
Kalea bilakatu da espazio publiko. Ezarri zaio ordena diseinuaren, arauen eta zaintzaren bitartez. Higienismo garaikidea aztertu dugu Bilboko errealitatea ardatz hartuta.
Larunbat gauean gizon batek Bilboko Zorrotzaurreko pabiloi bat erre zuen, bertan bizi diren etxegabetutako pertsona batzuen kontra egiteko. Lekukoen arabera, 33 urteko gizonak errezelei su eman zien bertan zeuden batzuekin eztabaidatu ondoren. Bestetik, pasa den astean... [+]
Zenbait urtetatik hona sarri entzuten dugun kontzeptua da zaurgarritasuna. Gaur gaurkoz, diskurtso politikoetan pertsona zaurgarriez aritzea ohikoa da. Seguru nago nik ere inoiz erabili dudala berba hori Bizilan.eus webgunean, eskubide laboralak eta prestazio sozialak azaltzeko... [+]
Wikipedian bilatu dut hitza, eta honela ulertu dut irakurritakoa: errealitatea arrazionalizatzeko metodologia da burokrazia, errealitatea ulergarriago egingo duten kontzeptuetara murrizteko bidean. Errealitatea bera ulertzeko eta kontrolatzeko helburua du, beraz.
Munduko... [+]
Paris 365 jantokiak ez ditu martxora arte aurrez aurreko afariak emango eta erakundeei inplikazioa eskatu die konponbidea lortzeko.
Munduko populazioaren ia erdiak baino bi aldiz gehiago kutsatzen du aberastasun gehien pilatzen duen %1ak. Munduko aberatsenek hamar egunetan isuri duten kantitatera heltzeko, ia hiru urte beharko lituzke munduko aberastasunaren eskalan erditik behera dagoen herritar batek.
Iazko martxoaren 14an, polizia operazio handi bat izan zen Martuteneko Agustindarren eraikin okupatuan, Udaltzaingoaren, Ertzaintzaren eta Espainiako Poliziaren eskutik: 56 lagun atera zituzten eraikinetik eta 29 Espainiako Poliziaren komisariara eraman zituzten,... [+]
Bide honetatik jarraituta, mende amaierarako, 5.000 milioi pertsona baino gehiago biziko dira lur idorretan. Arazo humanitario, ekonomiko eta sozial ugari eragingo lituzke horrek.
.jpeg)
Paris 365 elkarteak 15 urteurrena ospatu zuen larunbatean Geltokin. 15 urte gosariak, bazkariak eta afariak egunean euro baten truke zerbitzatzen urteko 365 egunetan horren beharra duten guztiei. “Atsedenik gabe”, azpimarratu nahi izan zuten bezala. Horrez gain,... [+]
Duin bizi ahal izateko prestazio ekonomikoa jasotzen dutenak lupapean ditu, berriro ere, Eusko Jaurlaritzak: postontzia jarri du martxan, herritarrek modu anonimoan “jardun irregularren edozein susmo” jakinarazi dezaten, eta Lanbideko Kontrol Unitatea indartu du,... [+]
Bizitegi elkarteak 2016a geroztik antolatzen duen duen film eta antzerki jaialdia jada abian da Bilbon.
Gasteizko Errotako (Koroatze) auzoan izan diren manifestazio "anonimoek" kolokan jarri dute auzokoen arteko elkarbizitza. Azalera atera dituzte ere hauetan parte hartu duten partidu politiko batzuen eta beste kide batzuen izaera faxista eta arrazista.
Kaleko Afari Solidarioak (KAS) egitasmoko kidea da Ixiar Gonzalez Gurrutxaga. Donostiako Udalak asteazkenean debekatu egin die behar dutenentzako otordu beroak eskaintzen jarraitzea. 18:00etan prentsaurrekoa deitu dute beren erantzunaren berri emateko. "Hiru aukera ditugu:... [+]
Donostiako Kaleko Afari Solidarioak (KAS) taldeak ezin izango ditu otorduak eman ostegunetik aurrera, Egian behintzat. Hala jakinarazi diete udaltzainek asteazken iluntzean, ahoz, antolatzaileei, baimenik ez dutela eta Donostiako Udalaren erabakia dela argudiatuta. Asteazken... [+]