Lan hitzarmen “duina” eskatu dute Tolosaldeko Asuncion klinikako langileek
Asuncion klinikako langileek elkarretaratzea egin dute larunbatean Tolosako Trianguloa plazan. "Sei urte baino gehiago daramatzagu lan hitzarmen baten eske", esan du Ander Figuerido LABeko ordezkari eta enpresa batzordeko kideak.
"Gure asmoa da zuzendaritzarekin negoziatzea eta horretan ari gara, baina ikusten ari gara ez dutela nahi lan hitzarmenik".
Figueridok esan duenez, "Asuncion klinikako zuzendaritzak nahi du Madriletik datozen lan erreformen erremintak erabili eta gure eskubideak gero eta gehiago urratu". Orain dela hilabete batzuk hasi dira mobilizazioekin. "Aurreko negoziaketetan ikusi genuen borondate pixka bat bazutela, baldintza batzuk hobetuko zituztela, baina azken bileretan ikusi dugu atzerapausoak egin dituztela, eta lortuta genituen akordio txiki batzuk atzera bota dituztela".
Lan hitzarmen "duin" bat eskatzen dutela diote langileek. Orain dela sei urtetik hona soldata izoztuta dutela salatu dute. "KPIa behintzat kontuan izatea eskatzen dugu, eta kontratazioa areagotzea, geroz eta lan gehiago dago eta", esan du Figueridok.
Asuncion klinikak Eusko Jaurlaritzarekin duen hitzarmena azken urteotan areagotu egin dela diote, "horrek dakarren lan kargaren handitzearekin. Finantziazio handitzea dakar, baina gure soldatak bere horretan jarraitzen dute, eta hobekuntza bat besterik ez dugu eskatzen".
Mobilizazioekin jarraituko dutela diote. "Ikusita zuzendaritza honek ez duela asmorik negoziatzen jarraitzeko, hurrengo pausoa izango da Eusko Jaurlaritzara joatea, eta gure lan baldintzak salatzea", esan du Figueridok. "Azken finean Eusko Jaurlaritzak ematen du dirua, guztiona dena. Eta horren kontrolik ez dute; horren kontrol bat egon behar da".
Figueridok gaineratu du Asuncion klinikak sare publikoan sartu beharko lukeela. "Tolosaldean badago plataforma bat Asuncion klinika publikoa izan dadin eskatzen duena, eta guk ere langile bezala bertan parte hartu beharko genuen. Azken finean eskatu behar duguna da klinika hau sare publikoan sartzea eta langileak ere sare publikoan sartzea, bertako baldintza berdinekin".
Informazio gehiago:
Tolosaldean osasungintza alorreko gatazkaz erreportajea argitaratu genuen ARGIAren 2.276 zenbakian.
Albiste hau Tolosaldeko Atariak argitaratu du eta CC-by-sa lizentziari esker ekarri dugu ARGIAra.
Sinadura bilketa abiatuko dute Aiaraldea osoan osasun sistema “publiko eta duina” aldarrikatzeko. Hala jakinarazi dute gaur goizean Urduñako Kontsultategiaren aurrean eginiko agerraldian. Aiaraldeko hainbat herritako bizilagunak bildu dira bertan, Osakidetzan... [+]
Elizondoko osasun etxeko medikuaren bulegoan ez da medikurik izan gaur. Lehen eguna dute herrian sendagilerik gabe eta kezkatuta daude. Bizilagunak Baztango Osasun Plataforman batzartzen hasiak dira eta asteazkenetan protesta egiten dute kalean egoera salatzeko.
IMQ osasun enpresa pribatuak “baldintza ekonomiko esklusiboak” eskaintzen dizkie unibertsitate publikoko milaka langileri eta beren familiei, %15eko beherapenarekin “gutxienez”. Urteak dira unibertsitate publikoak osasun aseguru pribatuen eskaintza... [+]
Gizartea kontzientziatzeko eta informatzeko kanpaina bat abiatu dute LAB, CGT, STEILAS, ESK, CNT eta LSB-USO sindikatuek, Nafarroako Osasun Plataformak eta Osasun Publikoaren Aldeko Herri Plataformak.
Milaka pertsona elkartu dira larunbat honetan Araba, Bizkaia eta Gipuzkoako hiriburu bakoitzean,“osasun publikoaren narriadura, desegitea eta pribatizazioa” salatzeko. Osakidetzako aurrekontuaren %25 Lehen Mailako Arretara bideratzea eskatu dute.
Osasun publiko eta kalitatezkoaren aldeko manifestazioak izango dira larunbat honetan. Eguerdiko 12:00etan Gasteizen eta Bilbon, eta 17:00etan Donostian.
Nafarroako Osasun Plataformak salatu du osasun sistema publikoa gainbeheran dagoela eta pribatizatzen ari dela.
Bilbo, Donostia eta Gasteizen mobilizazioak egin dituzte larunbatean, Osasungintza Publikoaren Aldeko Herri Plataformek deituta.
“IMQ Institutu Mediko Kirurgikoak Unibertsitateko langileen eskura jartzen du beren osasun-aseguruak prezio merkeagoetan kontratatzeko aukera”. Horrela dio EHU Euskal Herriko Unibertsitate publikoko langileek administraziotik jaso duten mezuak, ARGIAk eskuratu duen... [+]
Bilbon, Donostian eta Gasteizen egingo dituzte mobilizazioak osasungintza publikoaren aldeko herri plataformek. Salatu dute itxaron zerrendak murrizteko jendea klinika pribatuetara bideratzea “negozio biribila” dela gobernuentzat, pribatizazioa bultzatzen ari... [+]
Naiz eta El Diario Vasco agerkariek eman dute berria. Eskuratu duten informazioaren arabera, Osasun Sailak plan bat prestatu du ebakuntzetako itxaron zerrendak murrizteko. Bi adar nagusi ditu planak: batetik, ospitale publikoetatik gaixo multzoak bideratuko dituzte ospitale... [+]
Josefina Arregi Klinikaren irekieran Gorka Urtaran jarduneko alkatea ere egon da.
CCOO, UGT, CEOE, CEPYME eta AENCeren arteko akordioa salatu du Nafarroako Osasun plataformak. Akordioaren xedea da gaixoen baimen arruntak mutualitateek kudeatzea.