Euskadiko Jardun Jarraiaren Aldeko Plataformak EAEko administrazioari eskatu dio "jardunaldi mota aukeratzeko eskubidea" berma dezala. Bere ustez pandemia "egunez egun larriagotzen" ari da eta hezkuntzako protokoloak aurreikusten duen 2. agertokira pasa beharko litzateke.
Jardun Jarraiaren Aldeko plataformak azaldu duenez, ez dute "ulertzen" nola oraindik ez diren igaro EAEko ikastetxeetan koronabirusaren aurrean jarduteko protokoloak aurreikusten duen 2. agertokira. Agertoki horrek ahalbidetzen du malgutasun gehiago, eta goizeko ordutegi presentziala "babes neurri bat" dela dio, kutsaduraren aurrean.
"Ez dugu ulertzen Administrazioak Jardun Jarraiaren aurrean daukan jarrera itxia, derrigortzen milaka familia jantoki-zerbitzua erabiltzera, edo eskolara 4 bidaia egitera jantokia itxita duten edo zerbitzu hori erabili nahi ez duten kasuetan", diote plataformatik.
Gogorarazi dute EAEko Bigarren Hezkuntzan jadanik ezarri dela jardunaldi mota hori eta Nafarroan hezkuntza-etapa guztietan: ">Espero dugu Eusko Jaurlaritzak urrats bat ematea ildo horretan, eta eskaera hau babesten duten milaka familiei entzutea.
Euskadiko Jardun Jarrairen Aldeko Plataformak manifestua publikatu zuen ikasturte hasieran eta Araba, Bizkaia eta Gipuzkoako 10.000 guraso inguruk sinatu dute.
EHUk Tel Aviv-eko unibertsitatearekin etorkizuneko lankidetzarako bideak ahalbidetzen dituen zibersegurtasuneko katedra bat sortu izanaren harira, bertako langileok interpelatuak izan gara hainbat lekutatik, eta esan beharra dut neurri handi batean lotsatuta sentitu naizela,... [+]
Hirugarren urtez Xiberoako ikastolei bultzada emanen die Tulalaika bestak.
Ongi doazen ikasleak talde batean, zailtasunak dituztenak, bestean; maila akademikoaren arabera banatuko dituzte ikasleak datozen ikasturtean, Frantziako Estatuan. Ikasleak sozialki eta akademikoki sailkatu eta bereiztea, desoreka areagotzea eta egoera okerragoan daudenak... [+]
Gasteizko Haur eta Lehen Hezkuntzako ikastetxeetako baratzeak ikertu ditu Iratz Pou EHUko ikasleak. Zenbat eskolek dute ortua? Nolako erabilera ematen diote, zein helburu eta asmorekin? Probetxu pedagogiko eta didaktikoa ateratzen al diote baratzeari? Pourekin eta Igone Palacios... [+]