LABek Euskal Herriko etxeko langileen baldintzen erradiografia osatu du
LAB sindikatuak azken kongresuan onartu zuen eredu sindikal tradizionala gainditu eta etxeko langileek sindikalgintza euren tresna gisa ulertzeko lanean aritzea. Sektorearentzako hitzarmen kolektiboaren beharra azpimarratu zuen orduan eta orain eskakizuna berretsi du. Sindikatuaren IparHegoa Fundazioak “Etxe barruan ezkutatzen dena” txostena argitaratu du. 25 orrialdeko monografikoan Ipar Euskal Herriko eta Hego Euskal Herriko etxeko langileengan eragiten duten araudiak eta dituzten lan baldintzak aztertu dituzte. Txostena kontzientziazio tresna izatea nahi dute.
LABek dioenez, sindikatuaren egitura aldatzen ari dira etxeko langileak bertan txertatzeko, helburu argi batekin: langileen lan eta bizi baldintzak hobetzea.
Sindikatuak sektore honekiko zor historikoa mahai gainean jarri du txostenaren sarreran: “Urte hauetan ezikusiarena egin dugu. Sindikatu gisa ez dugu haien egoera prekarioa jorratu, ez ditugu kolektibo gisa ulertu, subjektu politiko gisa, langile indibidual eta problematika indibidual gisa ikusi izan ditugu”. Etxeko langileek antolatzeko dituzten zailtasunak azpimarratu ditu sindikatuak, bakoitzak etxe batean eta enplegatzaile banarentzat egiten dutelako lan. Sindikatuak etxeko langileak antolatzeko tresna ez direla izan dio eta orain egoera horri aurre egiteko garaia dela azpimarratu du.
Monografikoaren sarreran azaldu dute feminismoaren bidetik jakin dela iraultzaren faktore bat intersekzionalitatea dela. Etorkizun bateratua idatzi behar dela eta etxeko langileak (ia denak emakumeak eta migratzaileak) funtsezko subjektutzat hartu behar direla dio sindikatuak: “Ikusgarritasuna eta balio politikoa ematea ezinbestekoa da. Gure borrokaren parte ez badira, huts egin dugu, ezkertiar, independentista eta feminista bezala”.
Arrazakeria, diskriminazioa eta islamofobia salatu ditu langileak, eta Iruñeko Lan Ikuskaritzaren aurrean elkarretaratzea egin dute, SOS Arrazakeriak eta LAB sindikatuak deituta. Ikuskaritzak salaketa itxi du, eta onartu egin du Misericordia enpresaren argudiaketa, dioena... [+]
ELE, Etxeko Langileen Elkarteak emandako zifra da, Bizkaian egindako galdeketen emaitzak jasota. Urtero bezala, etxeko langile egoiliarren eta kanpo-langileen lan baldintzei buruzko txostena egin du. Egoera erregularrean zegoen %35,38k ez zuen jaso lanbide arteko gutxieneko... [+]
Berdintasuna, haurdunaldia bezalaxe, badago edo ez dago. Berdintasunik ez dagoenean, ezberdintasuna dago, hori da neurtu eta baloratu daitekeena. Akaso berdintasunaren ondorioak izan daitezke gehiegizkoak batzuentzat, baina horrek eztabaida ondorioetan kokatuko luke, sekulan ez... [+]
Errenteria (Gipuzkoa), 1892. Aizpitarte kobazuloetan Gipuzkoako lehen indusketa arkeologikoak egin ziren, Lersundi kondea buru zuen taldearen eskutik. Handik hamaika urtera, 1903an Alfontso XIII.a Espainiako erregeak bisita egin zuen aztarnategira, eta aitzakia horrekin argazkia... [+]
