LABek eta ELAk garbiketa hitzarmenaren aurreakordioa kritikatu dute: “Ez ditu grebaren helburuak betetzen”
Asteartean, greba hasteko ordu gutxi falta zirenean, greba batzordeari informatu gabe egindako bileran, CCOO eta UGT sindikatuek patronalarekin akordioa lortu dute. LAB eta ELA azken orduko mugimendu hori kritikatzera atera dira kalera: "Saldu gaituzte".
ELA eta LAB sindikatuek gogor kritikatu dute CCOO eta UGT sindikatuek eta patronalak garbiketa sektoreko hitzarmenerako lortutako aurreakordioa, zeinaren ondorioz bertan behera utzi duten asteartetik aurrera egitekoa zen greba. Haien ustez, akordioak "ez du lortu nahi zen helburuetako bat ere betetzen". Greba bertan behera gelditu arren, kalera atera dira, protesta egitera: "Saldu gaituzte", salatu dute.
Aitzitik, UGT sindikatuak akordioa defendatu du, "ona" dela eta negoziazio mahaira eraman zituzten "aldarrikapenak" betetzen dituela iritzita.
LABek ohar baten bidez kritikatu du greba hasi baino ordu gutxi batzuk lehenago CCOO sindikatuak greba batzordeari ezkutaturik deitutako negoziazio bilera batean, CCOOk eta UGTk patronalarekin akordioa lortu izana. Akordio horrek, LABen ustez, "oso maila txikian hobetzen du mahaian zegoen patronalaren eskaintza".
"Akordio honek ez du grebaren helburuetako bat ere betetzen, sektoreko soldata arrakala eta prekarietatea betikotzen ditu eta malgutasun handiagoa sartzen du, ordu osagarriak legezko gehienezko kopurura zabalduz", salatu du LABek.
Hori dela eta, sindikatu abertzaleak dei egin die garbiketa sektoreko langile guztiei "hasitako borroka zabaltzeko eta CCOOk eta UGTk gaur egun ez duten gehiengo sindikala zabaltzen jarraitzeko".
Ildo berean, ELAk kritikatu egin du CCOOk garbiketa greba hasi bezperan bertan behera uztea erabaki izana, patronalari "aldebakarreko" hitzarmen proposamen bat aurkezteko deituz, gainerako sindikatuak kontuan hartu gabe.
ELAk "oso negatibotzat" jo du CCOOren "erabateko desleialtasuna". "Ez du ezertarako balio Nafarroan lehen sindikatua izateaz harrotzeak, patronalari bakarrik mesede egiten dion desmobilizazioaren alde egiten denean, sektoreko batasun sindikala hautsiz eta patronalari uneoro bilatu duten hitzarmena oparituz", adierazi du.
Haren ustez, "ez da nahikoa" lortutako aurreakordioarekin soldatak eguneratzea, erosteko ahalmenari eusteko bermerik gabe. "Eta horrez gain, ez dago aipatzeko moduko beste edukirik", ELAren arabera.
"Akordio honen bidez, CCOOk eta UGTk uko egin diote sindikatuek negoziazioan defendatu duten guztiari, sektorearen egiturazko arazoei aurre egiteko. Horrez gain, honek garbiketa lanari balioa emateari uko egitea ere badakar. Baina sektore hori funtsezkoa dela frogatu da, eta hori gabe, oinarrizko zerbitzuek ezingo lukete funtzionatu ", adierazi du ohar batean.
Akordio "ona" UGTrentzat
Aitzitik, UGT sindikatuaren ustez, lortu duten hitzarmena "ona da", eta negoziazio mahaira eraman zituzten "aldarrikapenak betetzen ditu". "KPIaren gainetik igotzea, medikuen bajen osagarria handitzea eta lanordu gutxiago dituzten langileen lanaldia handitzea defendatzen genuen", azaldu du sindikatuak ohar batean.
Ildo horretan, gogorarazi du CCOOk eta UGTk patronalarekin lortutako akordioak %2,5eko igoera jasotzen duela 2021erako; eta %1,75ekoa 2022rako eta 2023rako, urte guztietan indarrean dauden soldata taulei aplikatuko zaizkienak.
"Erronka izugarria" duen mahaia jarri du martxan Eusko Jaurlaritzak, 50 bat eragilerekin: eskola segregazioa gainditzeko neurriak adostea. STEILAS eta ELA sindikatuek ez dute parte hartu; Jaurlaritzak oinarri dituen politikek segregazioa betikotzen dutela diote.
Horixe da datorren irailaren 10ean Frantziako Estatua hankaz gora jarriko duen deialdi herritar berriaren lema. Sarean gaia lantzen ari diren gune asko daude, baina bi interesgarrienak aipatzearren, hor daude, besteak beste, @lessoulevements edota @bloquonstout atariak.
Izan... [+]
Greban dira Benito Menni egoitzako langileak joan den abuztuaren 25etik, irailaren 8ra bitarte. Hermanas Hospitalarias enpresak agindutako kaleratzeen eta unitate itxieren aitzinean, Nafarroako Gobernuak ez duela arduratsuki jokatzen ari salatu dute.
2025ean hazkunde ekonomiko txikia (%0,6) ez da gai izango langabezia-tasak %8ko muga gainditzea saihesteko; Zor Publikoak bi bilioi euro (BPGren %115) gainditzen ditu EK-k ezarritako %60aren oso gainetik, eta Gastu Publikoak estratosferan jarraitzen du.
Horri gehitu behar... [+]
ELA, LAB, ESK, Steilas, Hiru eta Etxalde sindikatuek aurkeztu dituzte Herri Ekimen Legegilearen sinadurak Eusko Legebiltzarrean. Orain pilota alderdien teilatuan dagoela esan dute, eta herritarren borondatea kontuan izatea eskatu diete.
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
Bilboko Udaltzaingoak kale saltzaileak Bilboko Gas plazatik kanporatu ditu, bertan bizi baitira kale egoeran Aste Nagusian salmentak handitzeko asmoarekin. Bilboko Konpartsek eraso arrazisten kontrako protokoloa aktibatu, eta elkarretaratzea egin dute.
Plantillak astelehenean ekin dio grebari, kaleratzeei ezetz esateko. Espedientearen kontsulta-aldia abuztuan hasi izana salatu du Hego Uribeko LASek, enpresaren asmoa "langileen mobilizazioa eta erantzuna oztopatzea" izan delakoan.
LAB sindikatuak Euskotren enpresaren "koherentzia eza eta erantzukizun sozialaren gabezia" salatu ditu, zezenketen publizitatea zabaltzen ari delako bere ibilgailuetan.
Euskararen normalizazioaren motorrak herri dinamikara bueltatu behar du aurrera egin nahi badugu
Plantillak baiezkoa eman dio aurreakordioari, eta, printzipioz, urte hau amaitzean itxiko dute fabrika.
Gasteizko lorezainen grebak lau hilabete bete ditu, langileek salatu dute Enviser enpresak eta Gasteizko Udalak blokeatu dutela auzia, bilera berririk ez dutelako egin uztailaren 7tik.
ELAk eta LABek ez dute lan batzordearen gehiengoak erdietsitako eta langileen gehiengoak onartutako aurreakordioa sinatu: "Ez da 1.000 familiarentzako irtenbiderik planteatzen. Finean, lanpostu askoren galera eta fabrikaren itxiera dakar", adierazi du LAB sindikatuko... [+]
Uztailak 8, 16 eta 21 izan dira greba egiteko ELA eta CCOO sindikatuek aukeratutako egunak. Kontsumorako Prezioen Indizea (KPI) eta soldatak parekatzea eta lanaldiak murriztea eskatzen dute.
Langile batzordeak eta enpresak adostutako aurreakordioak 655tik 609ra murriztuko ditu kaleratzeak, gainerakoak birkokatuko dituzte. Astelehen arratsaldean jakin da langileen %78k babestu dutela akordioa. Nafarroako Gobernuak eta langile batzordeak etorkizunari begira,... [+]