LAB: "Berandu dator, baina beharrezkoa dela esaten jarraitzen dugu; borrokak jarraitzen du"

  • LAB sindikatuak urgentziazko balorazioa igorri du hedabideetara. Bertan diotenez, berandu iritsi da Pedro Sanchezek iragarritako neurria: funtsezkoak ez diren lanak geratzea. Hala ere, beharrezko jo dute berriro ere.

     


2020ko martxoaren 28an - 21:28
Garbiñe Aranburu, LABeko idazkari orokorra, artxiboko argazki batean (Dani Blanco)

Jarraian LABen irakurketa osoa:

"Oinarrizko zerbitzuak ez diren jardueretako langileak bi astez kutsatzen eta arriskuan egon ondoren, dator Pedro Sanchezek gaur arratsaldean iragarritako neurria. LAB sindikatutik lehen egunetik defendatu eta eskatu dugun neurria. Berandu dator, baina beharrezkoa dela esaten jarraitzen dugu.

Bi aste berandu dator, eta horrek hainbat langile eta familia kutsatuta egotea ekarri du. Eta etenaldia dekretatzen da langileen kontura, orduak errekuperatzearen truke. Neurrion ondorioak ere, beraz, langileon bizkar gainean jarri nahi dituzte. Patronalak krisi hau ere ez al du ordainduko? Eskandalagarria iruditzen zaigu.

Hau ez da horrela geratuko, hau ez da langileon kontura izango. Langileok haserre gaude, ostiralean Haserre Egunean erakutsi genuen bezala. Borrokak jarraitzen du.

Bihar igandean, martxoaren 29, LABeko idazkari nagusi Garbiñe Aranburuk balorazio sakonago bat egingo du, Streaming bitartez egingo dugun agerraldi baten bitartez, 10:30ean, lotura honetan".


Irakurrienak
Matomo erabiliz
Azoka
Kanal honetatik interesatuko zaizu: Koronabirusa
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


Ikasgela kalera ateratzetik lau horma artera itzuli al dira eskolak, pandemia ostean?

"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]


2023-07-04 | Ilargi Manzanares
Asteazkenetik aurrera ez da derrigorrezkoa musukoa Hegoaldeko osasun zentroetan

Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]


90.000 milioi euro irabazi zituen industria farmazeutikoak, diru publikoz finantzatutako COVID-19 txertoekin

Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.


Gaurtik aurrera maskara ez da beharrezkoa garraio publikoan Hegoaldean

Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.


Eguneraketa berriak daude