Sestaoko (Bizkaia) ontziolako enpresa zuzendaritzak jakinarazi duenez epaitegiak igorri du ebazpena, zeinaren arabera langileak La Navaleko behargin izateari utzi dioten otsailaren 28az geroztik.
Astelehenean jakinarazi zieten La Navaleko 173 langileei epaileak igorritako ebazpenaren arabera kalean zirela. Berriak jasotzen duenez, lantalde osoarentzako kontratu amaiera kolektiboa “zuzenbidearen araberakoa” jotzen du Lan Agintaritzak, epailearen hitzetan.
Kaleratzeen aurrean, langileek asanblada egin dute astearte goizean, mobilizazioei zein jarraipen eman erabakitzeko. 11:30etan, aldiz, manifestazioa egingo dute Bilboko Plaza Eliptikotik. Martxoaren 15ean, bestalde, Espainiako Industria Ministerioarekin bilduko dira Madrilen, langileen egoeraz jarduteko.
150 langilek Navantia ontziola publikora joateko aukera izango dute, honen aurrekari Izar enpresa publikoko langileak izateagatik La Naval pribatizatu zutenean. Lana emango dietela zin egin badiete ere, lanpostuak Euskal Herritik kanpo leudeke: Cartagena, Cadiz eta Ferrolen. Hiru ontziola hauek ere kaleratze arriskuan daude.
Aste honetan egiten ari dira lanuzteak, lan-baldintzetan hobekuntzak exijitzeko. Aurreko hiru hilabeteetan ere izan dituzte grebak.
Gaur, apirilak 16, Eusko Jaurlaritzari eta Industria Sailari beren industria-politikan jarrera aldaketa bat exijitzeko manifestazioa egin dute Bizkaiko 60 industria-enpresa inguruk Mecaner enpresako langileakaz batera, Bilbon. Adierazi dute "hitzetatik ekintzetara"... [+]
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Langileen aldarrikapenak eztabaida politikoaren erdigunera eraman, eta aldaketa soziopolitikoa lortzeko "eragile aktibo" izanen dela nabarmendu du LABek 50. urteurreneko ospakizunean.
500 lagun batu dira Baionan buruturiko manifestazioan. Sektore publikorako erreformarekin Frantziako Gobernuak sektore pribatuko logika funtzionarioen baitan txertatu nahia salatzeko mobilizazioa ere izan da.