Kooperatiba eraldatzaileak lurraldean nola saretzen diren aztertzeko plaza Lazkaon
Lazkaoko Biziola Fabrikan Lurralde Kooperatibak Josten jardunaldiak egingo dituzte urriaren 6an eta 7an, OlatuKoopek Mondragon Unibertsitateak eta GEZKIk antolatuta. Esperientzia kooperatibo eraldatzaileak ezagutuko dituzte topaketa horretan.
aurre egingo dieten hedabide independenteak
Kooperatiba eraldatzaileak ugarituz joan ahala euren artean saretzen ari dira lurralde eta eskualde askotan. Lazkaon duela gutxi martxan jarritako Biziola kooperatibaren fabrikan esperientzia horiek ezagutzeko aukera izango da urriaren 6an eta 7an, Lurralde Kooperatiboak Josten jardunaldian.
"Esperientzia kooperatibo eraldatzaileen arteko topaketa hauek elkarrekin ikasi, hausnartu eta erronkei elkarrekin heltzeko plaza izatea nahi dugu", azaldu du Andoni Mikelarena Talaios kooperatibako eta Biziolako kideak. Jardunaldiak KoopFabrika programaren barruan antolatu dituzte OlatuKoopek, Mondragon Unibertsitateak eta GEZKIk.
Besteak beste, Lakaon izango da Ivan Miró Bartzelonako La Ciutat Invisible ekimenaz eta polo kooperatiboez hitz egiteko; Jule Goikoetxea EHUko irakaslea, XXI. mendeko lurraldeez eta demokraziaren pribatizazioaz ariko da; eta Andoni Egiak gobernantza publiko-komunitarioak izango ditu hizketagai. Horrez gain, Hernani Burujabe eta Malerreka Commons esperientziak ere ezagutuko dituzte.
Bi egunez, esperientzien trukeak, lurralde eskolak, musika emanaldiak –ostegunean Ines Osinaga izango da– eta amaierako festa egingo dituzte.
Biziola kooperatiba martxoan aurkeztu zuten, "Goierri bizigarriago bat" egiteko fabrika gisa, eta ekonomia sozial eraldatzaileko eragileak eta bestelako erakundeak saretzeko ekimenak barnebiltzen ditu. Urriaren 20an, esaterako, Kooperatibismo Feministaren Topaketa egingo dute bertan, Farapi Koop-ek antolatuta.
Kooperatibismo bat komunitateari begira UEUko topaketek, komunitatea ahaldundu eta lurraldeetako beharrei erantzuteko tresna direla gogorarazi ziguten. Halaxe da, bai, baina ekaina ez da kooperatibetan idealizaziorako garai egokiena, ez behintzat kooperatibetako kudeaketa... [+]
Bi kooperatibek euren arteko elkarlanean "urrats sendoagoak" emango dituztela iragarri dute, energia eta telekomunikazio sistema "erresiliente" bat sortzeko. Deia egin diete herritarrei Itzali sistema, piztu alternatibak manifestuarekin bat egin dezaten.
Maiatzaren Lehenaren kari, bere gogoeta partekatu nahi izan du Olatukoop Ekonomia Sozial Eraldatzailea sustatzeko sareak. Langileen egunari lotuta, lanaren izaeraren eta zentzuaren inguruko gogoeta egin dute, lan burujabe eta desiragarriak denontzako garatzeak gure bizitzak eta... [+]
Aurrekontuak eta urteko kontuen itxiera, ez da besterik urteko garaiotan; etxeko ekonomiatik hasita, partekatzen ditugun espazio sozioekonomiko gehienetara. Enpresa handiak hasi dira kalkulagailuak ateratzen eta 2025ari begira asmo handiak martxan jartzen. Erakunde eta eragile... [+]
Proiektu ekonomiko kooperatibo eta komunitarioak abian jartzeko grina duten pertsona eta taldeentzako doako eskola da KoopFabrika. Dagoeneko izena emateko epea irekita dago. Urtarrilaren 28an egingo da lehenengo saioa. Olatukoop, Gezki eta Lankiren baliabideei esker antolatu... [+]
Ostegun eta ostiral honetan 40 hizlari baino gehiago ariko dira EHUko Leioako campusean Lana eta sindikalismoa XXI. mendean Nazioarteko Lehen Biltzarrean. Lan munduaren eta sindikalismo eraldatzailearen erronkez eta estrategiez eztabaidatuko dute.
Urriaren 17tik 19ra Burujabetzak izeneko jardunaldiak antolatu dituzte Oiartzun Burujabek eta Udalbiltzak. Tokiko esperientzia eraldatzaileak ezagutzeaz gain, Gironako alkate Lluc Salellasek eta CUPeko parlamentari-ohi Mireia Vehík ere parte hartuko dute hitzaldi banatan.
Lerro hauek idazterako, gazta egiteari utzi diogu eta antzutze prozesu betean gaude. Horrek esan nahi du jetzaldiak gero eta sakabanatuagoak direla denboran, ardiei esnea desagertu arte. Batzuen kasuan, egun gutxitan bukatuko da prozesua, eta gutxi batzuei gehiago kostako zaie.
Kale Nagusiko 54. zenbakian dagoen XVIII. mendeko eraikina eskuratu dute, egun Katakraken liburu-denda dagoen ondoan. “Eraikin honetan ez da egongo hostelik, ez luxuzko hotelik, ezta inguruko auzokideek ordaindu ezingo luketen etxebizitzarik ere, hemen hiri-lurra eraikiko... [+]
Ekonomia Sozial Eraldatzailearen Sareak, Olatukoopek, hamar urte bete ditu, eta larunbatean festa egin dute Donostian, sareko kide eta partaideen artean. Ekonomia eta kooperatibismoa beste ikuspegi batez landu litezkeela aldarrikatu (eta frogatu) dute: herrigintzatik, herritar... [+]
80 bat lagun batu dira Iruñeko Katakraken aretoan, ekonomia sozial eraldatzailearen erreferentzia bihurturiko Olatukoop sarearen hamar urteak ospatzeko. Ekonomia eta lurraldeak eraldatzeko proposamenak zehatz-mehatz aurkezteko ekimena izan da.
Gizartea eraldatzeko helburuz jaio zen Ekonomia Sozial Eraldatzailearen mugimendua Euskal Herrian duela hamar urte, Olatukoop sarean bilduta. Denbora honetan ez da gutxi egindakoa: hamaika kooperatiba eta ekimen jarri dituzte martxan, eta sarea zabaldu egin da. Baina erronkak... [+]
Olatukoopek beste hainbat eragilerekin batera garatu duen proiektu nagusienetako bat KoopFabrika da, ekintzailetza soziala bultzatzeko helburuz 2017an sorturiko programa, eta gaur egun oraindik martxan dagoena.
Hasiera batean, lehenengo ideia izan zen ekonomia... [+]