Kontseilaritza banaketa dago PSNren eta Geroa Bairen ika-miken oinarrian
Ostiral honetan eratuko da Nafarroako Legebiltzarra eta hortik aurrera hiru hilabete izango dira Nafarroako Gobernua osatzeko, baina ez dirudi horretarako arazorik egongo denik, behintzat orain arte haren eraketan giltzarri diren alderdiek diotena kontuan hartuta.
aurre egingo dieten hedabide independenteak
Gobernua osatuko da beraz, baina kontua da nola, ea PSNk, Geroa Baik eta Zurekin Nafarroak zer indar izango duten haren baitan. Testuinguru horretan ulertu behar dira egunotan PSN eta Geroa Bairen artean dauden ika-mikak. Atzo bilera egin zuten PSNk eta Zurekin Nafarroak, eta sozialisten esanetan Geroa Bai ere gonbidatuta zegoen, baina ez zen agertu. Geroa Baik azaldu zuen aldez aurretik jakinarazi ziola PSNri ez zela agertuko, eta antzerkia egitea leporatu zien sozialistei.
Zergatik ez zen agertu Geroa Bai? Mami nagusia gobernuko kontseilaritzen banaketan dago, eta Uxue Barkosek gidatzen duen koalizioaren arabera, PSNrekin hitzartua zuen aldebiko bilera bat bi aldeen ordezkaritzaz hitz egiteko. PSNk, aldiz, bertan behera utzi omen zuen bilera hori asteazkeneko hiruko bilera deitzeko. Horren aurrean, Geroa Baik jakinarazi zion Chiviteri ez zela joango.
Joan den legealdian Geroa Bai kexu agertu zen, bere eta PSNren indarrak oso gaizki islatuta zeudelako gobernuan. 2019ko foru hauteskundeetan PSNk hamaika ordezkari lortu zituen –orain bezala–, eta Geroa Baik bederatzi –orain zazpi–. Indar horiekin PSNk lehendakaritza eta zortzi kontseilaritza eraman zituen gobernuan, eta Geroa Baik 4. Ahal Duguk kontseilaritza bat eraman zuen.
Hor dago, beraz, egungo ika-miken zioa. Geroa Baik bi parlamentari gutxiago atera dituenez, PSNk kontseilaritza gutxiago nahi ditu harentzat, baina Geroa Bai ez dago horrelakorik onartzeko prest, eta gutxienez iragan legealdikoari eutsi nahi dio, aurreko legealdian gobernuan ez zela behar bezala ordezkatuta egon argudiatuta.
PSNren eta EH Bilduren arteko bilera iragan asteartean egin zen, eta sozialistek iragarri dute ez dela bien arteko bilera gehiago egingo. Sozialisten esanetan argi adierazi zioten EH Bilduri ez zuela lekurik izango gobernuan eta beste instituzioetan ere ez zirela elkarrekin egongo inongo gobernutan. EH Bilduren esanetan, aldiz, kontatuak hasi besterik ez dira egin, eta badago bestelako akordioetarako aukerarik.
Kontuan hartu behar da, larunbatean eratuko direla udalak, eta ikusteko dagoela Iruñekoan zer gertatuko den. PSNk iragarria du ez duela Joseba Asiron sostengatuko, baina prest dagoela Geroa Baiko Koldo Martinezen hautagaitza sostengatzeko. EH Bilduk orain arte beti ukatu du gisa horretako hirugarren bide bat.
Unai Hualde Legebiltzarreko Mahaiko lehendakari
Aurreko legealdian ere bera izan zen kargu horretan, eta oraingoan ere hala dirudi izango dela. PSNk berriz nahi izan du lehendakaritza eskuratu, baina Geroa Baik argi utzi dio bere asmoak zeintzuk diren, eta itxuraz, Hualdek PSNren eta EH Bilduren sostenguak izango ditu. Kargu garrantzitsua da hori, besteak beste, mahaiak legebiltzarreko tempusak markatzeko ardura duelako. Honela gelditu da osatuta legebiltzar berria: UPNk 15 eserleku, PSNk 11, EH Bilduk 9, Geroa Baik 7, PPk 3, Zurekin Nafarroak 3 eta Voxek 2. Azken indar hori lehenbiziz sartu da Nafarroako Legebiltzarrean, 2019ko botoak hirukoiztuta.
Flamenco On Fire jaialdian ospatu dute ijito komunitatearen, flamenkoaren eta pilotaren arteko harremana. Iruñeko Alde Zaharreko Mañueta pilotalekuan antolatu dute jaialdia, eta bertan omenaldia egin diete lau pilotari ijitori.
Tenperatura igoera dago aurreikusita datozen egunetarako, eta, sute arriskuak ekiditeko, ostegun iluntzeko 20:00etatik aurrera debekatuta egongo da uzta lanak egitea. Aurretiaz ere neurriak hartuta zituen gobernuak, baina Zarrakazteluko sutea kontrolpean izanda, neurriak malgutu... [+]
338 hektarea erre ditu astearteko suteak. Nekazarien sindikatuak haserre agertu dira Nafarroako Gobernuak suteak saihesteko ezarritako murrizketekin. Asteazkenean beste sute bat piztu da Artaxoa eta Añorbe artean, baina hura ere kontrolpean dute suhiltzaileek.
Suhiltzaileek kontrolpean dute Ibarbeibar ibarreko sutea, Eneritz, Muruzabal, Añorbe eta Obanos herrietan egondakoak hain zuzen ere. Nafarroako Gobernuak behin-behineko debekua ezarri dio nekazaritzan sua erabiltzen duen edo sor dezakeen makineriari.
María Chivite Nafarroako Presidentearen "konfiantza galdu" duela eta, Ramón Alzórrizek PSNko idazkariorde nagusi eta Nafarroako Parlamentuko bozeramaile izateari utziko dio. Bere bikotekidea Servinabar enpresan lanean aritu zela publiko egin ostean eman du... [+]
Palestinaren askatasunaren aldeko eta genozidio eta okupazioaren kontrako Nafarroako plataforma izan da hautagai bozkatuena.
Euskararen Defentsarako Sareak elkarretaratzea egin du Nafarroako Parlamentuaren aurrean ostegunean, aldarrikatzeko lanpostu publikoetan hizkuntzak baloratzen badira, euskara baloratzen ez den lanposturik ez litzatekeela egon behar. Eta beraz, Nafarroako Gobernuak egindako... [+]
BSHk Ezkirotzeko lantokia itxiko duela berretsi du, 655 langile kaleratuko ditu eta Nafarroako Gobernua eta langileak "denbora" eskatzen ari dira, "berrindustrializatzeko".
Dagoeneko Guardia Zibilek eta zenbait herritako udaltzaingoek badute taser pistolak erabiltzeko eskumena Nafarroan, eta badirudi bide horretan hurrengoa Foruzaingoa izango dela: Nafarroako Kontseiluak Foruzaingoak taser pistolak eman ahal izatea "indarrean dagoen... [+]
Hamaika familiak egin dute ikastetxe publikoan D eredura pasatzeko eskaera. Zentroak baiezkoa eman du, baita Udalak ere, baina errefusatu egin du Nafarroako Gobernuak "espazio falta" argudiatuta.
Telefonicak intzidentzia bat izan du eta horrek sare finkoan eragin du. Ondorioz, EAEko Larrialdiei Kudeatzeko Zentroa kaltetu da. Hala ere, arazoa konpondu dela ezagutarazi dute eta 112 larrialdietako telefonoa martxan dago berriro. Nafarroan ere eragina izan du, baina... [+]
José María Agramontek agerraldia egin du asteartean Nafarroako Parlamentuan, UPN eta Contigo-Zurekin alderdiek eskatuta. Bardeako Komunitatearen Batzarreko lehendakariak nabarmendu du Espainiako Defentsa Ministerioa ingurumenarekin egiten ari den "esfortzua"... [+]
AINE Noain-Elortzibarreko talde independentea, Harana Gara eta Aldatu Elortzibar egongo dira udalaren agintean, eta azken horretako Luis Mayak hartuko du aginte makila. Martxoaren 31n iragarri zuten mozioa aurkeztuko zutela, UPNren kudeaketaren "noraeza" eta... [+]
Nafarroako funtzio publikoan 30.000 langile zeuden grebara deituta asteazken honetan. Deialdiak jarraipen desberdina izan du sektorearen arabera, eta sindikatuek salatu dute foru gobernuak "abusuzko" gutxieneko zerbitzuak ezarri dituela nahita.
Hego Euskal Herriko lau hiriburuetan egin dituzte manifestazioak. Israelek Palestinan egin duen eta aurrera daraman genozidioarekin kolaboratzen duten enpresei laguntza publikoa emateri uzteko eskatu diete Nafarroako Gobernuari eta Eusko Jaurlaritzari.