Azaroaren 3an, Hendaiako Bakarxoko eta Donibane Garaziko Luisenia ostatuetan jokatu ziren Taldekako XILABA Xapelketako ligaxken laugarren asteburuko bi saioak.
Larunbatean, "Otsoaren 7 umeak" taldeak prestatutako pintxo goxoak jastatu ahal izan zuten Lizeoko ikasleen txarangaren animazioarekin saioa hasi baino lehen, Garaziko Luisenia ostatuan bildutakoek. Luisenia ostatuko gela hotza berehala berotu zuten bertaratu ziren 100 bat lagunek. Zenbaitek saioa xutik entzun behar izan zuen toki eskasez. Bi taldeek agur zirikatzaileekin ekin zioten saioari tonua emanez. Saio bixi, umoretsu eta hunkigarri baten ondotik, "Kontrabanda" taldea nagusitu zen lehia zinez parekatua izan zelarik. Txalo zarta handien artean agurtu ziren parte hartzaile guziak.
Asteburuko bigarren saioa ere larunbatean ospatu zen Hendaiako Bakarxoko ostatuan. Bakarxoko ostatuak prestatutako pintxoak dastatzeko aukera izan zuten bertan bildutakoek. Saio hau ere parekatua izan zen, eta "Tirrit" taldeak irabazi zuen "Sasi bertsolariak" taldeko kideekin lehian jardun ondoren.
Hurrengo saioa, azaroaren 9an:
Datorren asteburuan, saio bakar hau jokatuko da: Baigorriko Manexenea ostatuan, 20:00etan, bertso afaria. "Tirrit" taldeak antolatzen du saioa eta gomita "Dilindan" taldeak jasotzen du. Afariarentzak izena emateko telefonoa: 06 31 91 91 12
Taldekako Xilaba bertso txapelketa irailaren 22an abiatuko da Ozazen, eta finala azaroaren 18an egingo da Aiherran.
Xiberoa, Lapurdi eta Baxenabarreko VI. Bertsulari Txapelketako finala azaroaren 13an Donibane Lohizunen izango da. Bertan kantatuko dute sei bertsolari hauek: Amets Arzallus Antia, Odei Barroso Gomila, Maddalen Arzallus Antia, Maddi Ane Txoperena Iribarren, Patxi Iriart... [+]
XILABA 2021 Bertsulari Txapelketako bigarren final aitzinekoa jokatu da Bardozen. Bertan, Maddalen Arzallus Antia bertsulariak Finalean kantatzeko txartela irabazi du. Miren Artetxe Sarasolak eta Xumai Murua Berrak egin dute bigarren eta hirugarren, hurrenez hurren. 130 bat... [+]
XILABA 2021 Bertsulari Txapelketako lehen final aitzinekoa jokatu da Maulen urriaren 17an. Bertan, Amets Arzallus Antia bertsulariak Finalean kantatzeko txartela irabazi du. Maddi Ane Txoperena Iribarrenek eta Aitor Servier Etxexurik egin dute bigarren eta hirugarren, hurrenez... [+]
XILABA 2021 Bertsulari Txapelketako laugarren kanporaketa jokatu da Gabadin,eta final erdietako saioak nola osatuak izanen diren erabakita gelditu da. Odei Barroso Gomilak eta Maddi Sarasua Laskaraik egin dute bigarren eta hirugarren, hurrenez hurren. 145 bertsuzalek, giro... [+]