Maddalen Arzallus izan da garaile Ligiko saioan
- Ligiko herriko gelan jokatu da lehen faseko laugarren saioa. Saioa irabazteaz gain bigarren fasera sailkatu da Maddalen Arzallus.
Ligiko herriko gelako kadirak beteta, jendea xutik zela abiatu dugu lehen faseko azken saioa. Alozeko bertso eskolako haurrek doinu biziz sarrarazi gaituzte bertso txapelketan, boz ederrekin entzun ditugu arratsaldeko lehen bertsoak. Ondotik honako bertsolari hauek aritu zaizkigu kantuan:
- Beñat Larrory Tanto
- Bittor Thicoïpe Leizagoien
- Irantzu Idoate Funosas
- Irati Alcantarilla Urdanpilleta
- Maddalen Arzallus Antia
- Pettan Prebende Thikoipe
- Maddalen Arzallus Antia-----------------------357
- Irantzu Idoate Funosas--------------------------329
- Irati Alcantarilla Urdanpilleta-----------------324,5
- Bittor Thicoïpe Leizagoien---------------------298,5
- Pettan Prebende Thikoipe---------------------292,5
- Beñat Larrory Tanto-------------------------------291
Gai emaile lanetan Oihana Larrandaburu Goñi aritu da.
Epaile lanetan aldiz, Zuhaitz Olazabal Susperregui, Abel Zabala Elizazu, Lur Renteria Maleta eta Ortzi Murua Berra aritu dira. Eta idazkari lanak Mae Laskarai Laganek egin ditu.
Ligiko herriko etxearen laguntza ukan du Bertsularien lagunak elkarteak saioa antolatzeko. Ligiko dantza eskolako burasoak eskertu nahi ditugu, ostatua eta taloak proposaturik.
Xilabak bere bidea segituko du eta bigarren fasean sartuko da heldu den larunbatean, abenduak 6, Aiherrako Denen etxean 17:00etan.
Sartzeak www.bertsosarrerak.eus loturan eskura daitezke.
