Amets Arzallus Antia nagusitu da Gabadin ospatutako Xilabako azken kanporaketako saioan

  • XILABA 2021 Bertsulari Txapelketako laugarren kanporaketa jokatu da Gabadin,eta final erdietako saioak nola osatuak izanen diren erabakita gelditu da. Odei Barroso Gomilak eta Maddi Sarasua Laskaraik egin dute bigarren eta hirugarren, hurrenez hurren. 145 bertsuzalek, giro ederrean bete dute Gabadiko Herriko gela urriaren 10ean. Datorren larunbatean final erdietako lehen saioa jokatuko da Mauleko "MAULE BAITHA" gelan.

Artikulu hau egilearen baimenari esker ekarri dugu.

2021eko urriaren 11n - 06:55
Azken eguneraketa: 08:57
Argazkia: bertsozale.eus.

XILABA 2021 Bertsulari Txapelketari segida emanaz, kanporaketetako laugarren eta azken saioa jokatu da Gabadiko Herriko gelan.

Saioko irabazlea Amets Arzallus Antia izan da, 469 punturekin, eta horrela geratu da sailkapena:

Amets Arzallus Antia ..................469

Odei Barroso Gomila .................440,5

Maddi Sarasua Laskarai ............424,

Egoitz Zelaia ..............................414,5

Maindi Murua Berra ...................406

Johaine Sarraillet .......................382

XILABA 2021 Bertsulari  Txapelketaren final erdietako lehen saioa, hurrengo larunbatean (urriak 16) ospatuko da Mauleko "MAULE BAITHA" gelan. Amets Arzallus Antia, Maddi Ane Txoperena Iribarren, Maddi Sarasua Laskarai, Aitor Servier Etxexuri, Kerman Diaz, eta Karlos Aizpurua Etxarte bertsulariekin. Aurkezlea, Oihana Larrandaburu izanen da.

Saioa 17:00etan hasiko da. Ohi bezala, sarrerak lekuan berean erosten ahalko dira.

Horrela osatuta gelditu dira final erdietako beste bi saioak:

Urriak 23, Bardozeko Ezker Paretan, 17:00etan.- Miren Artetxe Sarasola, Maddalen Arzallus Antia, Xumai Murua Berra, Ramuntxo Christy, Irati Alcantarilla Urdanpilleta, eta Iker Altuna. Aurkezlea, Pantxika Solorzano.

Urriak 30, Izpurako Faustin Bentaberri gelan, 17:00etan.- Patxi Iriart, Odei Barroso Gomila, Egoitz Zelaia, Maindi Murua Berra, Gillen Hiribarren eta Johaine Sarraillet. Aurkezlea, Joana Itzaina.


Kanal honetatik interesatuko zaizu: Xilaba
2023-09-06 | ARGIA
Xilaba txapelketan 38 bertsolarik hartuko dute parte, bederatzi taldetan banatuta

Taldekako Xilaba bertso txapelketa irailaren 22an abiatuko da Ozazen, eta finala azaroaren 18an egingo da Aiherran.


2021-11-09 | ARGIA
Dena prest larunbat honetan Xilabaren finala jokatzeko

Xiberoa, Lapurdi eta Baxenabarreko VI. Bertsulari Txapelketako finala azaroaren 13an Donibane Lohizunen izango da. Bertan kantatuko dute sei bertsolari hauek: Amets Arzallus Antia, Odei Barroso Gomila, Maddalen Arzallus Antia, Maddi Ane Txoperena Iribarren, Patxi Iriart... [+]


2021-10-25 | Bertsozale.eus
Maddalen Arzallus Antia nagusitu da Bardozen egindako Xilabaren bigarren Final Aitzineko saioan

XILABA 2021 Bertsulari Txapelketako bigarren final aitzinekoa jokatu da Bardozen. Bertan, Maddalen Arzallus Antia bertsulariak Finalean kantatzeko txartela irabazi du. Miren Artetxe Sarasolak eta Xumai Murua Berrak egin dute bigarren eta hirugarren, hurrenez hurren. 130 bat... [+]


2021-10-18 | Bertsozale.eus
Amets Arzallus Antia nagusitu da Maulen egindako Xilabaren lehen Final Aitzineko saioan

XILABA 2021 Bertsulari Txapelketako lehen final aitzinekoa jokatu da Maulen urriaren 17an. Bertan, Amets Arzallus Antia bertsulariak Finalean kantatzeko txartela irabazi du. Maddi Ane Txoperena Iribarrenek eta Aitor Servier Etxexurik egin dute bigarren eta hirugarren, hurrenez... [+]


2021-10-04 | Bertsozale.eus
Patxi Iriart nagusitu zen larunbatean XILABA 2021 Txapelketaren hirugarren kanporaketan

XILABA Bertsulari Txapelketako hirugarren kanporaketa jokatu zen larunbatean (urriak 2) Hiriburun. Aitor Servier Etxexurik eta Kerman Diazek egin zuten bigarren eta hirugarren, hurrenez hurren. 100 bat bertsuzale izan ziren Hiriburuko La Perle aretoan. Datorren larunbatean... [+]


Eguneraketa berriak daude