Konfinamenduaren aurkako protestak piztu dira Boliviako auzorik pobreenetan
Apirilaren 15era arte konfinatuta dago Hego Amerikako estatua, baina honen luzapena da litekeena. Herrialdeko biztanleriaren %57ak ez du uste konfinamendua pasatzeko beste diru izango duenik, apirilaren 15era arte bada ere.
120 kutsatu ofizial daude herrialdean. Mundu mailako bataz-bestekoarekin alderatuz gero, egoera lasaia dela esan daiteke, hala ere, Bolivia koronabirusari aurre egiteko zailtasun gehien izango duen herrialde bezala izendatu du Oxford Economics-ek. Eta hori ospitaleetan nabaritzen da, kutsatu gutxi badaude ere ez baitaude prest horrelako mehatxu bati aurre egiteko.
Egoera katastrofe bilakatu ez dadin aukera bakarra, beraz, konfinamendua betetzea da. Baina ez da mendebaldeko estatuetan bezain erraza. Herrialdeko biztanleriaren %30ak soilik du enplegu formala, gainontzeko %70a negozio txikietatik lortzen duenetik bizi da: kale kantoietan janaria saltzen edota familia aberatsen arropak garbitzen.
Azken horiek ez dute etxetik lan egiteko aukerarik, ezta etxean geratzekorik ere; bertan geratuz gero janaria faltako zaie. Horren aurrean Boliviako Gobernuak 60 eta 70 dolarreko diru-laguntzak emango dizkio 60 urtetik gorakoei, haurdunei, aniztasun funtzionaldunei eta lehen hezkuntzako ikasleei.
Morales errudun
Hauteskundeen krisiari gainjarri zaio osasun krisia. Joan den urte amaieran Evo Morales presidentea boteretik kendu zuten, eta ordutik Jeanine Áñez eskuindarra da agintaria Bolivian. Bere gobernuak koronabirusaren krisian hartutako neurrien aurka protestak egon dira, konfinamendua ezarriz gero jendea gosez hilko dela salatzen duten herritarren artean.
Áñezek protesta horiek hauspotzearen errudun egin du Evo Moralesen alderdia, MAS (Movimiento al Socialismo, Sozialismora Mugimendua). Alderdiak salaketa hori ukatu zuen, protestak deitu ez dituela eta alderdiaren ospearen aurkako kanpaina abiatu dutela salatuz. “Aurreiritzi arrazistak” salatu eta esan du alderdiaren ardura nagusia zaurgarritasun egoeran dauden familiei eman beharreko diru kopurua emango diotela ziurtatzea dela.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.