Itxialdiak hamar egunetik zazpira murriztea adostu dute Espainiako Gobernuak eta erkidegoek. Positiboekin kontaktu estua izan eta txertatu gabe dauden pertsonei ere eragingo die neurriak.
Espainiako Osasun Ministerioak eta autonomia erkidegoetako Osasun Publikoko zuzendari nagusiek aho batez erabaki dute konfinamendu epea hamar egunetik zazpira murriztea, COVID-19 kasu arinak edo asintomatikoetarako. Neurria berehala sartuko da indarrean, datozen orduetan protokoloak egokituko dituzte eta.
Txertatuei zein txertatu gabekoei eragingo die arauak. Positibo batekin harremana izan eta txertoa hartu dutenek ez dute isolatu behar joan den astetik, baina txertatu gabeek hamar egunez etxetik atera gabe egon behar zuten, negatibo izanik ere. Orain hamar egun ordez zazpi egin beharko dituzte. Horrez gain beste aldaketa esanguratsu bat ere badakar neurri berriak: ez da beharrezkoa izango PCR emaitza negatibo bat edukitzea konfinamendua amaitzeko.
Zazpi eguneko epea sintomak agertu direnetik hasiko da kontatzen, edo, asintomatikoen kasuan, positiboa direla jakin duten egunetik aurrera.
Ingalaterraren eta AEBen ildotik
Aditu gehienen arabera, birusa transmititzeko arriskua oso txikia da bosgarren egunetik aurrera, eta horri heldu diote itxialdien epeak murrizteko Ingalaterran (ez, ordea, Eskozian, Galesen eta Ipar Irlandan, han hamar egunekoak indarrean jarraitzen du) eta AEBetan. Azken honen kasuan erdira jaitsi du konfinamenduaren egun kopurua: hamarretik bostera. Italiak ere asteazkenean erabakiko du konfinamendua murriztu ala ez. Mahai gainean duten aukeren artean dago errefortzu-dosia duten pertsonentzat itxialdia hiru edo bost egunera jaistekoa edo erabat kentzekoa. Beste ertzean, aldiz, Alemania dago, pandemia hasi zenean agindu zuten hamalau eguneko itxialdiak indarrean jarraitzen du.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.