Konfinamendua gehiago luzatzearen alde da Jaurlaritza, baina umeak kalera ateratzen utzita
Egungo alarma egoera maiatzaren 10era arte luzatuko balitz, Jaurlaritzak dio Espainiako Gobernuaren eta autonomia erkidegoen artean adostu beharko litzatekeela horren aplikazioa. Eusko Jaurlaritzak lantzen ari den proposamena ez dago zehaztuta, baina aurreikusten ditu kalean jarduerak "pixkanaka" berreskuratzea, lehentasunetan jarriz kirola aire zabalean egitea eta haurrak kalera ateratzea, Josu Erkoreka Eusko Jaurlaritzako bozeramaileak asteartean adierazi duenez.
Iñigo Urkulluren taldeak uste du konfinamenduaren balizko luzapen baten baldintzak lasaitu egin beharko liratekeela apirilaren 26tik aurrera. Eusko Jaurlaritzako bozeramaile Josu Erkorekak asteartean adierazi duenez, Pedro Sanchezek apirilaren 26tik aurrera alarma-egoera luzatzea erabakiz gero, neurria babestuko dute.
Nolanahi ere, adituen txostenen eta azken datuen arabera, luzapena konfinamenduaren pixkanakako erlaxazio-neurriekin laguntzearen alde dago Jaurlaritza. Neurri horien artean aipatu ditu haurrei gurasoekin edo tutoreekin irteten uztea eta aire zabalean kirola egiteko baimena ematea.
Bi aukera horiek mahai gainean izan zirela aipatu du Erkorekak, Sanchezek igandean autonomia erkidegoetako presidenteekin egin zuen bideokonferentzian. Halere, astelehenean Espainiako Osasun ministro Salvador Illak baztertu egin zituen oraingoz, haurrak birusaren "transmisio bektoreak" direla argudiatuta.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.