Kalez jantzitako guardia zibilek Altsasuko gazteak probokatu dituzte beste behin
Berehala identifikatuak izan ziren kalez jantzitako guardia zibilek gazte ugari probokatu dituzte Altsasun joan den larunbat gauean. Gazteei beren izenez deitu eta “orain bai, lau baten aurka” bezalako esaldiekin kalera borrokatzera joateko “gonbiteak” luzatu dizkiete.
Adur, Jokin eta Oihan gazte altsasuarren aurkako sarekadatik bi urte bete diren astean, elementu polizialen beste eraso bat gertatu da Altsasun.
Hitzondo hedabidean irakurtzen denez, lekukoen arabera, goizeko 2:00etan herriko Biltoki tabernan gertatu zen. Ironiaz beterik, gazteak probokatzera joan ziren baina biolentziarik nahi ez zutela ohartarazi zioten guardia zibilek festa giroan zeuden pertsonei. Koxka tabernara ere joan ziren gero, baina ordurako gertatutakoaz behar bezala abisaturik zeuden herritarrak. Tabernariek tentsio handiz aurre egin zioten momentuari.
Altsasuko mugimendu herrikoia gaia aztertzen ari da dagoeneko eta denbora gutxiren buruan emango du gertakarien inguruko iritzia.
Ostegun honetan estreinatu da Madrilen 2016ko Altsasuko gazteen atxiloketa eta auzipetzea ardatz dituen antzezlana La Abadia antzokian, Voxek zentsura kanpaina handia egin ondoren.
Giza Eskubideen Europako Auzitegiak ez du aintzat hartu Altsasuko gazteek epaiketa bidezkoa izan zuten aztertzeko eskakizuna. Auzipetutako gazteetako batek, Iñaki Abadek, eman du jakitera berria.
Espainiako Auzitegi Nazionalaren ebazpenean dago oinarritua erabakia eta dioenez, Altsasuko gazteak zigortu zituen ebazpenean ez zen terrorismorik aipatzen, beraz, ez administrazioak ez Auzitegi Nazionalak ezin dute terrorismoaren biktimen kalte ordainik onartu.
