Kaleak desinfektatzea "alferrikakoa eta arriskutsua" dela dio Frantziako Osasun Ministerioak

  • Euskal Herriko herri askotan garbitzaileak ari dira kaleak desinfektatzen eta hala ibili dira Espaniako Armadako kideak ere, Hego Euskal Herriko zenbait geltokitan, fusilak utzita eta lixiba hartuta. Frantziako Île-de-France eskualdeko Osasun Agentziak ohartarazi du ez dela eraginkorra eta gainera arriskutsua dela.


2020ko apirilaren 03an - 10:58
Espainiako armadako kideak Bilboko Abanto tren geltokian. Argazkia: EuropaPress

"Lixiba edo beste desinfektatzaile bat lainoztatzea alferrikakoa da, eta, aldi berean, ingurumenarentzat arriskutsua", adierazi du Île-de-France eskualdeko Osasun Agentziak asteazkenean, Parisko Udalari bidalitako mezu elektroniko batean. Zortzi departamendu, Paris hiriburua tartean, barnebiltzen ditu Île-de-France eskualdeak.

Euskal Herrian bezalaxe, Frantziako Estatuko zenbait herritan kaleak desinfektatzeari ekin diote, Txinan eta Hego Koreako hiri batzuetan egindakoa eredu hartuta. Parisen zergatik ez zen horrela egiten ari galdetu diote egunotan zenbait alderdi politikotako eledunek Parisko alkate Anne Hidalgori. Hala, Udalak adituengana jo eta asteazkenean erantzuna jaso zuen eskualdeko Osasun Ministeriotik. Le Monde egunkariak aletu ditu emandako agurdioak.

Erantzunak dio Osasun Publikorako Kontseilu Gorenak nazioarteko kasuak aintzat hartuta azterketa egin beharko lukeela eta azterketa horrek ondorioztatuko balu desinfektatzea komenigarria dela, orduan Parisen ere egin beharko litzatekeela. Baina hori egin bitartean, "Osasun Agentziak zein Frantziako Osasun Ministerioak ez dute inolaz ere gomendatzen kaleak desinfektatzea", dio dokumentuak. Argudioak argiak dira. Nagusiki, "birusak gainazaletan duen iraunkortasun txikia" eta "euste-baldintza orokorra". Hori kontuan hartuta, ingurumenean dagoen karga birala "hutsaltzat" jo behar dela diote.

Testuak ez du zehazten zer arrisku dakartzan, baina zenbait adituk dagoeneko aipatu dute erabilitako desinfektatzaileak uretara filtratzeko arriskua. Bere erantzunean Île-de-France-ko Osasun Agentziak beste irtenbide batzuk nabarmendu zituen, ohikoagoak eta ez hain garestiak. "Kaleak txukun mantentzea ohiko ekipamendu eta materialekin", eta "etxera itzuli bezain laster eskuak garbitzea" aholkatzen du.

 


Kanal honetatik interesatuko zaizu: Koronabirusa
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


Ikasgela kalera ateratzetik lau horma artera itzuli al dira eskolak, pandemia ostean?

"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]


2023-07-04 | Ilargi Manzanares
Asteazkenetik aurrera ez da derrigorrezkoa musukoa Hegoaldeko osasun zentroetan

Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]


90.000 milioi euro irabazi zituen industria farmazeutikoak, diru publikoz finantzatutako COVID-19 txertoekin

Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.


Gaurtik aurrera maskara ez da beharrezkoa garraio publikoan Hegoaldean

Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.


Eguneraketa berriak daude