Espainiako Gobernuak Gasteizen duen Ordezkariordetzaren aurrean giltzaperatu dira, Altsasuko zazpi atxilotuen argazkiekin.
Aste honi begira Ernai gazte antolakundeak Altsasuko gazteei ezarritako epaia salatzeko egingo dituen mobilizazioen parte da ekintza. Datozen egunetan, “Espainiar faxismoarekin hautsiz, Altsasukoak aske!” lemapean hainbat deialdi egin ditu antolakundeak. Ostegunean eta ostiralean Euskal Herriko hainbat txokotan mobilizazioak egingo dituzte.
Larunbatean, ekainak 16, Altsasuko gazteei ezarritako epaiaren kontra manifestazio nazionalean egingo da Iruñean.
Ernaik antolatutako mobilizazioen kartela:
Ostegun honetan estreinatu da Madrilen 2016ko Altsasuko gazteen atxiloketa eta auzipetzea ardatz dituen antzezlana La Abadia antzokian, Voxek zentsura kanpaina handia egin ondoren.
Giza Eskubideen Europako Auzitegiak ez du aintzat hartu Altsasuko gazteek epaiketa bidezkoa izan zuten aztertzeko eskakizuna. Auzipetutako gazteetako batek, Iñaki Abadek, eman du jakitera berria.
Espainiako Auzitegi Nazionalaren ebazpenean dago oinarritua erabakia eta dioenez, Altsasuko gazteak zigortu zituen ebazpenean ez zen terrorismorik aipatzen, beraz, ez administrazioak ez Auzitegi Nazionalak ezin dute terrorismoaren biktimen kalte ordainik onartu.