Nafarroako Sodena elkarte publikoak 8,7 milioi euro inbertitu izan ditu 2008tik gaurdaino Esa urtegitik behera kokatutako arrain-haztegian. 2008an hasi zen inbertsioa Piscifactoría Sierra Nevada SL-ren %19,5 erosi zuenean. Proiektuaren oinarria zen Esan gaizkata edo esturoi haztegia jarri eta arraina hil gabeko teknika baten bidez arraultzak ateratzea. Horrela pixkanaka gaizkata kopurua handitu egingo zen denborarekin eta baita kabiar produkzioa ere.
Teknika horrek, ordea, zapore eta testura desberdina ematen dio kabiarrari eta, produktua ez zen espero bezala saldu, ostegunean Diario den Noticias-ek azaltzen duenez. Horren ondoren, enpresak negozio eredua aldatzea erabaki zuen eta, besteak beste, kabiarra arraina hilez ateratzen hasi zen. Une horretan Sodenak beste 4 milioi euro jarri zituen proiektuan enpresaren %88a eskuratuz.
2009an eta 2010ean ez ziren bete salmenta aurreikuspenak. Urterik onenean enpresak ez zituen 2,05 milioi euroko salmentak gainditu eta 2011tik aurrera galerak besterik ez zituen egin. 2009 eta 2013 artean 9,5 milioi euro galdu zituen. 42 langile izan ditu garai onenean eta egun 12 bat ziren.
Senda Viva eta Iberdrola
Nafarroako Kontuen Ganberak Sodenak egindako hainbat inbertsio zalantzan jarri zituen 2014an egindako azterketaren bidez. Iberdrola, NOI eta Senda Vivan egindako inbertsioak kritikatu zituen orduan.
Senda Viva izan ohi da proiektu zalantzagarrienetakoa, 2001ean abian jarri zenetik ez duelako bururik altxatu eta galera handiak ekarri dizkiolako altxor publikoari. Iaz Kontuen Ganberak egindako txostenaren arabera, Senda Viva 9 milioi euroko inbertsioarekin abiatu zen eta horietatik %45 Sodenak jarri zuen.
2005etik aurrera, aldiz, beste bazkideek ez dute inongo kapitalik jarri, Sodena administratzaile bakar gisa geratu da eta 74 milioi euro jarri ditu, horietatik 14 abal gisa. 2014ko datuetan parkeak 33 milioiko galerak izan zituen.
Sodenako gestiorik kritikatuena, alabaina, Iberdrolaren akzioen sal-erosketaren kudeaketarena izan da. 2004an hasi zen operazio hura eta Nafarroako Gobernuak Iberdrolaren %1 eskuratu zuen. 2014an saldu zituen akzioak, baina dirua galduz, esperotako 280 milioiak eskuratu beharrean 154 eskuratu baitzituen, Joxerra Senarrek CAN: Eta hemen ez da ezer gertatu liburuan azaltzen duenez.
Etengo du. Hori da kaskora supituan etorri zitzaidan pentsamendua, gosaria ahoan eta Euskadi Irratia sintonian, Imanol Pradales lehendakaria entzun nuenean CAF “gogoeta etikoa” egitera gonbidatuz, Palestinako lur okupatuetan trena eraikitzeko duen kontratua eten edo... [+]
Orriuldu gabe daude oraindik zuhaitzak eta arbolak. Hostoak ihartu gabe daude, bai. Eta hostoa jasotzeko sasoi aproposa da. Hostoa, batez ere geroago jasotzen da; zuhaitzaren adaburua janzten duen orritza edo hostotza erortzen denean edo orriultzen denean, lurraren instantziako... [+]
Irulegi eta Anhauze artean ditu mahastiak Joanes Haritschelharrek, Amama proiektuaren bultzatzaileak. “Mahastiak ene amarenak ziren, eta bera jubilatu zenean hartu nuen nik etxaldea, 2022an”, azaldu du. Ama mahastizaina eta aita ardi gasnagilea ditu, eta beraz, beti... [+]
Asteleheneko bileran helarazi zioten asmo hori enpresa batzordeari, eta irailaren 9rako deitu dute hurrengo bilera. Fabrikak 151 behargin ditu gaur egun, baina ez dute zehaztu zenbat kaleratuko lituzketen.
Horixe da datorren irailaren 10ean Frantziako Estatua hankaz gora jarriko duen deialdi herritar berriaren lema. Sarean gaia lantzen ari diren gune asko daude, baina bi interesgarrienak aipatzearren, hor daude, besteak beste, @lessoulevements edota @bloquonstout atariak.
Izan... [+]
Greban dira Benito Menni egoitzako langileak joan den abuztuaren 25etik, irailaren 8ra bitarte. Hermanas Hospitalarias enpresak agindutako kaleratzeen eta unitate itxieren aitzinean, Nafarroako Gobernuak ez duela arduratsuki jokatzen ari salatu dute.
Kontratua segi ala eten, enpresaren erabakia "errespetatuko" lukeela argi utzi nahi izan du Imanol Pradales lehendakariak, Euskadi Irratiari egindako elkarrizketan. Beasaingo enpresaren akzioen %3ren jabe da Eusko Jaurlaritza.
Pentsioak osatzeko 145.000 sinadura bildu dituen herri ekinaldi legegilea eztabaidatzeari ezezkoa eman ondoren, Euskal Herriko Pentsiodunen Mugimendua oso gogor agertu da Eusko Jaurlaritzaren jarrerarekin eta "bi aldiz engainatuta" sentitu direla azaldu du. EH Bilduk eta... [+]
Plastikoaren kutsadura saihesteko azken gailurra porrot izugarriarekin amaitu da Suitzako Geneva hirian, abuztuan. Hori zuten bilatzen petrolio-herrialdeek, plastikoa milioika tonatan sortzen jarraitzeko. Birziklapena da beraien tekno-soluzioa, baina gero eta garbiago dago... [+]
Europan eta munduan arrazakeria gora doa, eta Euskal Herria ez dago joera horretatik salbu. Egun, herritarrak eta jendarteak eskuin muturraren baloreak bere egiteko bide nagusietakoa da arrazakeria. Arazoaren larritasunari tamaina hartzen saiatu gara, eta aztertu ditugu zenbait... [+]
Oporretan nengoela, gorputza eta burua gozatzera bideratu ditut. Turista bilakatu naiz, eremu digitalean zenbait trebezia dugunontzat, oso erraza. Motxila hartuta familiarekin handik hona ibili naiz, poltsikoan dibisa asko barik, mapa fisiko barik, plan asko barik…... [+]
“Emakume zientzialarien argitan” solasaldi-zikloaren helburua emakume zientzialarien ibilbidea ezagutaraztea da, baita ikertzen duten arloari buruz daukaten ikuspegia gizarteratzea ere, kultura zientifikoa hedatzeko eta eztabaida kritikoa sustatzeko. Elhuyarrek eta... [+]
Elkarretaratzea eta asanblada antolatu dituzte azken berriak zeintzuk diren jakinarazteko. Horrez gain, irailaren 9an Baionako auzitegi aitzinean mobilizatuko dira, Marieneko lurraren defentsan aritutako hiru ekintzaile auzipetuko dituztelako.
Maiatzean 145.142 sinadura aurkeztu zituen Euskal Herriko Pentsiodunen Mugimenduak Gasteizko Legebiltzarrean, pentsioak gutxieneko soldatarekin parekatzeko proposamen baten alde. Pentsioak jasotzen dituzten pertsonentzako babesa “dagoeneko sisteman txertatuta”... [+]